حبيبتى

_ بحبك
_ ااا انا عاوزه أطلق
_ عملتي غذا اي انهارده
_ غدا ااي! بقولك عاوزه اطلق
_ عارفه اي اللي حصل في الشغل انهارده
_ مش عاوزه اعرف حاجه انا عاوزه اطلللق
_ المدير ابن المبقعه كان عاوز ينزلني شيفت تاني بس انا مرضتش قولتله مش هينفع اسيب مراتي حبيبتي لوحدها
_ احمد انا مبهزرش اناا ... انت قولت اي!!
_ قولت المدير ابن المبقعه ك..
_ اللي بعد كدا يااحمد
_ مش فاكر بصراحه
_والله
_ ايوا زي مابقولك كدا
_ طب انت مردتش عليا
_ ولا انتي رديتي عليا
_ في اي
_ عامله غدا اي انهارده انا جاي جعان اوي
_ ااحمد انا مبهزرش انا بجد عاوزه أطلق

_ شرووق قدامك 3 ثواني لو مختفتيش من قدامي هديكي بالبونيه في وشك
_ انا مبخافش..
_ واحد
_ ولا بتهدد
_ اتنين
_ انت فاكر انك هتخوفني.
_ تلات.. ما كان من الاول ياجبانه
_ انا موخفتش على فكره انا بس بشوف الاكل اللي على الڼار
_ اه طبعا مفهوم مفهوم... ربنا يهديكي وتحسي بيا بالشروق
في المساء
_ احمد
_ امممم
_ انت نمت
_ ااه
_ وبترد ازاي وانت نايم
_ دي رساله مسجله
_ انا مبهزرش
_ عاوزه اي يا شروق
_ عاوزه اروح عند ماما
_ نعم!
_ سمعتني
_ طب استني لأخر الاسبوع واروح معاكي
_ لا انا عاوزه اروح لوحدي
_ وانا مش هسمح انك تبعدي عني ياشروق
_ يعني اي
_ يعني مش هتبعدي عني اظن معناها واضح
_ حتى لو انا عاوزه ابعد 
_پألم حتى لو انتي عاوزه تبعدي
_ بس..
_ شروق لو سمحتى انا جاي من الشغل تعبان وعاوز انام تصبحي على خير
_ وانت من اهله
انا احمد عندي 29 سنه اتجوزت انا وشروق من 3 سنين لكن ربنا لسه مكرمناش بطفل كل الدكاتره قلت أن مفيش مشاكل وان الموضوع كله وقت لكن من كام شهر بس روحنا كشفنا تاني ونتيجه التحاليل طلعت أن العيب من شروق.. لكن انا مش معترض والله وراضي طالما هي معايا هي بالدنيا كلها..
في الصباح
_ صباح الخير يا شوشو
_ صباح النور
_ انا احتمال اتاخر انهارده في الشغل شويه
_ ماشي
_ انتي كويسه
_ ايوا انا بس هروح لماما
_ بردو ياشروق
_ ايوا
_ ماشي ياحبيبتي روحي يومين وانا هبقى اجي اخدك
_ ماشي
_ انا نازل عاوزه حاجه
_ سلامتك
بعد يومين
كان احمد جالس يفكر بحزن في حال زوجته والى ما وصلت إليه إلا أن سمع صوت رنين الباب ..
_ حضرتك استاذ احمد سليم
_ ايوا انا مين حضرتك
_ انا محضر من المحكمه
_ محضر!! لي خير
_ مرات حضرتك رافعه قضيه خلع..
پصدمه نعم!!!!
_ ممكن حضرتك تمضيلي هنا
_........
_ يااستاذ
_ ها
_ امضيلي هنا ويوم الحد الساعه تسعه تكون موجود في المحكمه عشان الجلسه
_ ......
_ عن اذنك
في الصباح
عند بيت شروق
_ ااحمد
_ بترفعي عليا قضيه خلع ياشروق
_ اا ااا انا قولتلك اني عاوزه أطلق
_ ردي عليااا
_ انت اللي وصلتني