ظابط قلبى
انت في الصفحة 1 من 4 صفحات
يابنتي ظابط ايه بس الي عايزه تتجوزي احنا ناقصين مصايب
اسكتي انتي ياوعد متعرفيش كاريزما الظباط دي عامله ازاي
يابنتي دول معقدين نفسيا ومبيعملوش حاجه غير يشخطو ودمهم سم وفكرين نفسهم دراكولا
اتخرستي ليه
اسكتي ونبي
مش مقتنعه طب بزمتك انتي هتبقي مطمنه وانتي جمب واحد شبه هولاكو
هنروح ف داهيه اخرسي
يابنتي اقسملك دول بهايم وهمج
ف في ايه ياشمس
ب ب بصي وراكي كده يختي
بصيت ورايا لقيت واحد طول بعرض بيبرقلي و الللله ده لابس نجمتين!! محستش بنفسي غير وانا بقف قدامو وبقوله
ت تحيا مصر علي فكره انا بيج فان للظباط ولمصر
_بيج فان اه
و عندي ولاء لولاد بلدي الي حضرتك منهم
_ولاء دي تبقا خالتك..
اي ده لا خالتي اسمها حنان عادي
حضرتك بتبرقلي ليه والله انا كنت بهزر اصلا دانتو كيوت جداا
_لا خليكي ف دراكولا انضف
طب تحيا مصر بقا سمو عليكو
_استني هنا هاتي بطقتك
يفندم احنا اسفين والله عندنا امتحان مش هينفع
_انتي تقدري تمشي سبيلي صحبتك
مهو كده مش فير علي فكره انا عندي نفس الامتحان مينفعش اتحبس دلوقتي الاه!!!
_هوا الحبس ب مواعيد وله ايه
_انتي بتكلمي مين كده انتي مجنونه!!!!!
احيه نسيت نفسي سوري سوري
فضلنا نتخانق شويه لحد مظهر واحد تاني معرفش بيجو منين دول فضل متنح لشمس شويه وطبعا هيا متنحه وانا والدراكولا بصينلهم!!
في ايه ياونس
_لا ياحبيبي ابدا دي قضيه بسيطه سب وقڈف
وحياه ربنا مقذفتش حاجه انا سبيت اه بس قڈف لا
هتودينا ف داهيه منك لله
بقولك ايه سبهم سبهم شكلهم لسه طالبه ميعرفوش حاجه
طلبه مين حضرتك احنا 3 جامعه
بقا كتكوته زيك ف 3 جامعه دانتي متجبيش تانيه ثانوي!
ع علي فكره انا كبيره يعني
مرتبطه
لا اه قصدي لا في ايه
وقفنا تاني انا ودراكولا نتفرج علي المشهد الرومنسي ده لحد مزعق فيهم
طب ممكن تسيب شمس تمشي هيا ملهاش دعوه انا الي اتكلمت اصلا
مش هسيبك ياوعد انتي هبله
اخرسي يحيوانه علي الاقل واحده مننا متشلش الماده
_تمام اتفضلي ياانسه شمس مع يوسف باشا هيوصلك للامتحان!!
نعم
نعمممم
ايه ياونس مبنقولش كده حصل خير عموما وانتو الاتنين تقدرو تمشو يلا
بصيت لدركولا تاني الي هوا ونس ومشيت جرينا ع الجامعه امتحنا وخلصنا وكان آخر امتحان روحنا ومنزلناش بقلنا اسبوعين وقررنا ننزل ع البحر
يباي ايه السيره المعفنه دي
بزمتك مش كانو سكر
لا
يبت
لااا
بس يوسف كان لذيذ اوي مينفعش اتجوزو
علي فكره الاتنين بيخين اوي ودمهم سم وسي دراكولا ده ونس ده بارد وفرحان ب عضلات امو وتلقيهم نفخ اصلا و..انتي بتبرقيلي ليه هتتشلي
هتشل فعلا
كل مره مش بتصدقيني مع أن كلامي صح
اسكتي طب
عارفه لو شوفت دراكولا ده هعمل في ايه..
هعضو
