سكزه

سكرة أهي هات ي حرامي مش عيب تسرق سكرة 
_ حرامي! احترمي نفسك ي آنسه القطة اللي جت لعندي وبعدين ډخلتي بيها الجامعه إزاى اصلا 
أنت مالك هات سكرة كدا
أخدت قطتي ومشيت فيها ايه يعني لما أجي الجامعة بقطة كنت حطاها في الشنطة علشان الأمن بس مش عارفه خرجت ازاي
ايه ي بنتي لقيتي القطة
قعدت جمبها
اها كانت مع شاب هنا بس المشكلة هدخلها المحاضرة ازاي 
ضحكت 
طب وأنت مفكرتيش في كدا وأنت جيباها معاك 
مشيت إيدي على سكرة
أنت عارفه يا رحمة اني كان نفسي في قطة ولما أنت جبتيهالي 
حبيت اخدها معايا كل مكان حتى الجامعه 

طبطبت عليا 
طب هندخل المحاضرة ازاي بيها 
سكت دقيقة أفكر أنا فعلا لما جبتها معايا مفكرتش في كدا 
فجأه قمت من مكاني مهتمتش لرحمة وهي بتندهلي ف جت ورايا
ي بنت راحة فين
تجاهلتها وكلمته
لو سمحت
بصلي وساب النوت الي معاه بعدها اتكلم 
_ نعم سړقت منك حاجه تانيه
اتحرجت بس اتكلمت وخلاص
بص حضرتك أنا لازم أدخل محاضرة كمان ربع ساعه
كملت وانا بمد ايدي ب سكرة 
فلو ممكن تخلي سكرة معاك لحد ما أخلص المحاضرة إذا سمحت
سكت دقيقة وأنا خفت يرفض مهو كان لازم أفكر قبل ما أجيبها 
معايا بردوا 
ابتسم وأخد القطة ومشى أيده عليها 
_تمام هخدها بس ممكن سؤال
بعد ما ابتسمت رجعت كشرت تاني 
سؤال ايه بقى انت هتفتح تحقيق
ابتسامة سمجة ظهرت على وشه 
_ لو مش عايزه خدي قطتك المحاضرة 
اتنهدت 
تمام أسأل 
ابتسم بانتصار
طيب جايبه قطة معاك ليه وازاي دخلت من الأمن اصلا !
رحمه اتكلمت دانا نسيت أنها معانا اصلا 
اصلها هبله ي أستاذ
بصتلها علشان تسكت ورجعت بصتله تاني 
بص جبتها لأني فرحانه بيها ومش عايزه أسيبها
دخلتها ازاي كنت حطاها في الشنطة بس مش عارفه خرجت ازاي حقيقي كملت برجاء
ها هتفضل معاك كدا صح
ابتسم 
_ اه
ابتسمت بامتنان له 
حقيقي شكرا جدا والله بس هي محاضرة واحده يعني مش هتأخر
اتكلم وهو بيقعد بسكرة 
_ تمام روحي وانا هقعد مع القمر دي
شكرته تاني وأخدت رحمة ومشيت 
رحمة اتكلمت 
تعرفي شكله لطيف
ضحكت بفرحة علشان أخدها
اه لطيف يلا بقى نلحق المحاضرة علشان أخد سكرة
_ بقى أنا يتقالي حرامي بسببك ي سكرة
بس تعرفي شكلك حلو زي صحبتك
خلصت المحاضرة وخرجت بسرعه علشان القطة اخدها وامشي 
لقيت الشاب مقعدها وبيتكلم معاها
قربت شويه منهم وسمعت وهو بيقول 
_ بس تعرفي مش زعلان إني لوحدي علشان متأكد أن
ربنا هيعوضني وبعدين الوحدة مش وحشه اوي كدا 
اتنهد لأ هى وحشة حتى في وحدتك بتحتاج حد معاك 
صعب عليا اظاهر أن مالوش أصحاب. 
قربت منهم واتكلمت وانا بشيل القطة من قدامه 
أنا بشكرك جدا 
ابتسم وقام وقف 
_ مافيش داعي للشكر حتى قطتك لطيفة ضحك أنا صدعتها 
ابتسمت علشان أنهي الحوار بينا وانسحب
لا ابدا حقيقي شكرا جدا ليك وأسفة على موقف الصبح
ابتسم محصلش حاجه أنا رحيم 
وأنا بحر 
سبته ومشيت