ي انسه
انت في الصفحة 1 من صفحتين
.- طلبك يا انسه؟
- كنت طالبه تورته عيد ميلاد
- بس مش شايفه انها صغيره ع عيد الميلاد؟!
- اتعصبت.. ودا يخص حضرتك في حاجه؟؟
- لا اسف يا فندم ، اتفضلى دا الاوردر
- تمام
اخدت التورته ومشيت وطول الطريق بتلفت حواليا بشوف اي مكان فاضى وهادى ، وفي الاخر وصلت ل جنينه او استراحه وفيها كراسى
قعدت عليها واتنهدت وكانت تنهيده كبيره حاولت اخرج فيها كل الاسى والحزن اللي جوايا.
النهارده عيد ميلادى.
عيد بلا ميلاد.
طلعت الشمعه من الشنطه وفضلت ادور ع كبريت او ولاعه وللاسف شكلها وقعت منى
- كانت ناقصه هيا، كدا كملت، عيد ميلاد بلا شمعه كمان
حطيت الشمعه
وغمضت عينى عشان اتمنى امنيه، و كوبليه من اغنيه محمدسعيد بيتتردد في ودنى...
ميستاهلوش قالوا هنفضل مهما يحصل ومفضلوش..
نفس الحروف بس الفروق بين الوشوش..
مبيستنوش،مبيستنوش ، فميستاهلوش...
حسيت بحراره فتحت عينى لقيت نفس الشاب بتاع المحل
- ابتسم كل سنه وانتى طيبه
- انا مش عيد ميلادى النهارده!
- مش معايا هديه دلوقت غير الورده دى ، اعتبرينى صاحبك بدالهم
- مش شايف دلوقت غير انك لوحدك
- قعدت وعينى دمعت ڠصب عنى...
انا مكنتش عايزه هديه، عايزه اشوف مردود ل اللي بقدمه، عايزه ع الاقل يقولوا كل سنه وانتى طيبه...
كتير عليا!!!
عارف..
اكتر يوم بكرهه في العالم هوا يوم عيد ميلادى لانه بيفكرنى قد ايه انا وحيده ومليش حد.
وان اللي حواليا مجرد ناس، مش صحاب.
