العشق بقلم سمية عبد الله
مسكت الموبايل ونزلت بوست ع الفيس وكتبت
ها انا ع حافة اتمام السنه الاولي من اعظم أنجازاتي
وقفلت الموبيل ونمت
صحيت ع رنات الموبيل مسكته وكان اميل غريب بيرن ماسنجر بأسم حُذيفه !!
ايه ده أيه ده أنت مين وازاى ترن كده
٣٠رنه علشان تصحي ياغيبوبه يلا الساعه 12 مش هتحتفلي بأنجازك !!
أستغربت هو عرف منين الانجاز وانا اصلا موضحتش ف البوست كتشويق لصحابي
رديت بعلامة أستفهام
كان بيكتب فدخلت اشوف ف البروفايل كان شخص وسيم كده سنه مش صغير يجي ٣٠ سنه شكله زي رجال الاعمال وهيبه وكاريزما بوستاته كلها عباره عن شهادات وكان من ضمنهم شهاده انه حافظ القرءان !!
علفكره بروفايلي مش هيطير
أتخضيت ع المسدچ ده فخرجت بسرعه ورديت
مين قالك ان كنت ف البروفايل
مش ممكن اكون حسيت بيكى مثلا
لا والله !!
اه والله
عملي ريبلاي ع مسدچ فوق مشوفتهاش وكان محتواها
(طبعا عارف أنجازك ايه فاضل دقيقتين ويبدأ يوم 19/9 وتمي سنه بالخمار أنا فخور بيكي وعارف أن ده كان حلمك من خامسه أبتدائى ربنا يثبتك ياسومتي ويجمعني بيكي ف الحلال)
هو أنت أزاى عرفت كل ده وبرضو مش فاهمه يجمعك بيا ازاي
طيب ممكن تروحى تفرحي وتصيحي ع الاستيت زي ما انتى متعوده وتيجي هقولك
ولا تقولي ولا أقولك مافيش كلام بينا وكل المعلومات دي اشبع بيها شكلك أبن ناس يعني مش لايق عليك الشقط ثم أنك حافظ قرءان ربنا يعني شغل الشقط ده مفروض مش توبك عايز ايه ؟
عايزك تخدي معاد مع الوالد
تنحت قصاد المسدچ ومش عارفه ليه حسيت بخضه كده
عملت بلوك للرقم بس من جوايا مش راضيه بس كان لازم ده يحصل
دخلت الفيس وببص ف البوست اللى كتبته من شويه لقيته عامل لاڤ وكان أول شخص يعمل كومنت فضلت اقرأ الكومنتات بتاعته كانت عباره عن
قصدك انجازنا *
فرحتي بيكي متتوصفش
السنه الجايه هتمي السنتين بس ف بيتنا
مش عارفه قرأتهم كام مره بس هو شدني أسلوبه مختلف فكرة أنه واثق دي هزتني اتجاهلت وكملت ردود ع اصحابي اللى فضولهم هيجننهم هزارنا وعدي اليوم عادي والموضوع نسيته ..
عدي حوالي ١٠ايام
كنت لسه راجعه من الجامعه ويدوبك بقلع شنطتي وسمعت صوت راجل ف الريشبسن دخلت أشوف مين لسه برفع وشي سمعت بابا وهو بيقول !!
ها ياحُذيفه يابني تشرب أيه ؟؟
بقلم سميه عبدالله ♥️🥀
Soma Abdallah ♥️🫂
#روايات_واسكريبتات_مميزة
جماعه بكره فعلا هتم سنه بالخمار وفرحتي بيه متتوصفش ده كان حلمي من وانا عندي ١٢سنه وكان البيت كله معترض 19/9/2021 اللى فات كان اول مره اجيبه ومعرفتش حد وفاجئتم بيه وبكره 19/9/2022 وده أعظم أنجاز حققته من ساعة ما أتولدت ♥️🌍
