زوجتي طالبة الطلاق عشان

انا شاب عندي 24 سنه الحمدلله عندي شغل خاص بيا و عندي دخل كويس و كنت بحب بنت و اتقدمت ليها و اتخطبنا 10 شهور كان في بعض المشاكل ف الخطوبه و كنتي بتنازل علشان انا و هيا بنحب بعض و المشكله بتعدي و الحمد لله اتجوزنا من 3 شهور و رفضت اني اعيش ف بيت اهلي اخدت شقه شقه برا و اتجوزنا فيها حصل شويه مشاكل ف الشغل بعد الفرح ب 3 ايام شريكي غدر بيا و حصل خلافات جامده و تحقيقات و الوضع وصل اني أخرجه و بجمع راس ماله دالوقت حوالي مليون جنيه و بعت عربيتي و مضغوط شويه فكريا  بس الحمد لله أمور بيتي ماشيه ع اكمل وجه من أساسيات و معيشه مراتي كل أسبوع عاوزه تروح عند اهلها يومين تلاته علشان مخنوقه من القعده لوحدها وانا برا لحد من اسبوعين تعبت و قاعد هناك 10 ايام و بروح ازورها كل يوم لحد ما اخوها كلمني بيقولي هيا عاوزه تطلق. روحت قعدت معاه قالي مخنوقه و مضايقه من العيشه و مش مرتاحه و الجو دا قلتله طيب نتكلم معاها و نشوف روحنا قعدنا عندهم انا واخوها مع ان والدها مټوفي و اخوها 22 سنه.. قعدنا و اي اللي مزعلك قالت مقصر معايا ف المصاريف مع اني بصرف ف الشهر حوالي 12 الف علشان كانت تعبت شويه بس هيا تقصد الخروج و الرفاهيه و أفعالك بتضايقني و بترجع تقعد مضايق و شايل الهم و قاعد مشغول عني وانا زهقت من الشقه امها بردو طلعتني غلطان و تقولي خدعتنا ف الخطوبه و انت مش قد المسؤولية مكنتش تتجوز المفروض بنتي لسا راجعه من شهر العثل و ملهاش زنب انها تعيش الهم دا معاك و هيا لسا عروسه و لمېت الدنيا و رجعنا ع البيت و مراتي مقتنعه ب كلام امها و انها عاوزه تطلق و العيشه مش عجباها و امها بتشجعها ع الطلاق مع اننا كنا بنعشق بعض بس معتش ف اي مشاعر منها ليا خالص و بقالي يومين قاعد جنبها و مش بنزل الشغل و بحاول ارضيها و بردو مش عجبها و تقولي هبقي افكر تاني ف حوار اننا نكمل
مش عارف اوصل ل حل مش عارف هيا هتتظبط و هنكمل ولا أطلقها و هل هيا معاها حق اني فعلا مقصر عليها ب ضغوطي و انها لسا عروسه و ليها حق تعيش حياتها
ارجوا الإفادة و اسف ع الاطاله 🤍