هدير
انت في الصفحة 1 من 4 صفحات
هدير
كامله
بعد ما خلصت شغل ورجعت البيت
لسه مغير هدومي وبتغدا.. سمعت صوت جرس الباب ولما فتحت ملقتش حد
بصيت ع السلم فوق وتحت..مفيش حد برضو !!
لكن حسيت زي ما يكون في طيف عدا من ورايا
الټفت بسرعه.. ملقتش حد
دخلت وقفلت الباب وكملت أكل
انا عايش لوحدي بعيد عن أهلي
ولسه متجوزتش.. طبعا انتوا عارفين شقة واحد عازب
في ست بتيجي مره كل اسبوع ولا اتنين
تروق الشقه ..وبعدها بيوم ولا 2 بالكتير بتتقلب تاني
لأني دايما بنسى مكان القمصان والشرابات
وحياتي مبهدله ع الاخر ..اطباق وكوبيات شاي
مرميه في كل حته
امي تعبت مني من كتر ما بتقولي شوفلك عروسه
وانا بقولها لسه.. لما الاقي بنت الحلال
والحقيقه انا مش عايز اتجوز دلوقت واربط نفسي
ببيت وعيال ومسئولية وۏجع قلب
بتهرب منها على اد ما اقدر.. بس هي من حقها تفرح بيا
زي كل الأمهات
نزلت بعد المغرب قعدت في الكافيه
كان واحد صاحبي عامل عيد ميلاد لصاحبته
وسنه حلوه يا جميل ويلا حالا بالا حيوا ابو الفصاد
اعياد الميلاد وكدا.. بس روحت عشان صاحبي ميزعلش
طبعا كنت اشتريت هديه لصاحبته اللي معرفهاش
كنت فاكرها منار طلعت وحده غيرها اسمها سهى
بيعرفهم ازاي ابن اللذينه دا وازاي مظبطهم كدا
خروجات وهدايا وعايش حياته برنس
هو ماديا معندوش مشكله في كدا.. بس ازاي
يلا مصيره يتجوز وينسى كل دا
وميقدرش يفكر يبص لبرا ..عشان كدا هو مضرب عن الجواز كمان .بس مش خوف من المسئولية زيي
لا خوف انه يتحرم من البنات دي كلها ويبقى لوحده بس
كان في بنت صاحبتها حاولت تتعرف عليا
اتكلمنا شويه وطلبت مني رقم الموبايل ..مكنتش مستلطفها اوي لكن محبتش احرجها.. اديتهولها وفضلنا نتكلم ونهزر
اترميت ع السرير وطلعت علبت سجايري
مسكت الولاعه..مولعتش.. حاولت مره واتنين
مفيش فايدة.. غريبه انا لسه شاريها من يومين
لحقت تفضى
رميتها من ايدي وروحت ع المطبخ دورت ع كبريت
ملقتش للأسف
رجعت الصالة وانا مضايق ..كنت مقريف اوي
ونفسي اۏلع السېجاره..
لسه هقوم اشوف الولاعه تاني واجربها
اتنفضت من مكاني.. وقومت بسرعه
ولعت النور.. ولقيت وحده قاعده ع الكنبة
بسم الله الرحمن الرحيم ..انتي مين يا ست انتي
وډخلتي هنا ازاي
ضحكت بصوت عالي وقالت
متخافش هو انت شوفت عفريته
ماهو لو مش عفريته تبقي وحده حراميه
ودا منظر حراميه برضو
وبعدين انت حيلتك ايه يتسرق
نعم
متقفش كدا انا بهزر يا حسام
وعارفه اسمي كمان
طبعا
انتي مين وعايزه ايه
وډخلتي هنا ازاي
أستني استني كدا.. انا شوفتك قبل كدا
ايوه صح ابتديت تفتكر أهو
انتي مين طيب
هقولك انا هدير أبو المجد
كنت جيت عندك الشهر العقاري من 5 شهور
عشان انقل ملكية شقتي لجوزي ..فاكر
اااه افتكرتك جوزك دا اللي يومها كان مخڼوق ومستعجل
وعايز
