هدير

بعد العشاوانا داخل لقيت البواب بيبص لي كدا بصه غريبه مفهتش معناها
طلعت ولسه هدخل الشقه لقيت راجل جارنا نازل من فوق
بص لي وقال
استرها على ولايانا يارب
حسيت ان في حاجه
دخلت الشقه وسألتها في حاجه حصلت وانا بره
اه الباب خبط ولقيت الست اللي جايه تنضف
سألتني انتي مين
قولتلها انا قريبت حسام
ليه كدا. انا مش قولتلك متفتحيش الباب لحد وانا بره
ايوه.. بس هي رنت وخبطت كذا مره
برضو مكنتيش فتحتي
اسفه
زعقت فيها
اهي نشرت الخبر في العماره كلها انه في ست 
عندي في الشقه.. عاجبك كدا منظري
معلش اخر مره انا
هي اخر مره فعلا انتي لازم تمشي من هنا 
وكفايه اوي لحد كدا.. وجودك هنا ملوش داعي
طب طب اروح فين بس 
روحي لاهلك يا ستي.. انا مالي
الدنيا كانت بتمطر بره ..بصت لي والدموع في عنيها 
وقالت معاك حق.. وانا متشكره ع الكام يوم اللي قضيتهم هنا
صدقني كانوا اسعد ايام في حياتي.. متشكره ليك 
ولوقوفك جنبي.. واسفه لو تقلت عليك
وفتحت الباب ونزلت جري ع السلم
قعدت شويه ع الكرسي وانا مضايق ومخڼوق من اللي حصل 
وزعلت اكتر اني طردتها من البيت وفي جو زي دا
وانا عارف انه مش معاها فلوس ولا ليها حد ممكن تروح له
محستش بنفسي الا وانا نازل جري وراها
خرجت في الشارع زي المچنون وفضلت ادور عليها
المطره كانت مغرقه الدنيا
بتلفت عليها يمين وشمال وملهاش اثر
ياترى راحت فين بس
يارب الاقيها... ومتوهش مني
كنت بدور زي المچنون عليها.. زي الطفل اللي فلت ايد امه
وفقد الامان من غيرها.. دورت كتير وللأسف ملقتهاش
رجعت وانا حزين.. وبلوم نفسي على اللي عملته
ولسه هعدي الشارع لمحتها ع الرصيف اللي قصادي الناحيه التانيه واقفه وبترتجف من البرد والمطر
مصدقش نفسي وجريت عليها بسرعه 
شافتني ولسه هتمشي
شديتها من دراعها وحضنتها
انا اسف.. اسف بجد
حسام..انت بتعمل ايه ..انت اټجننت
اه اټجننت عشان كنت هضيعك مني
سبتها وقولت
معلش انا مكنتش مصدق اني لقيتك 
انا مقصدتش اسببلك الاحراج دا وصدقني
شششش لا كلمه
احنا هنرجع البيت
بجد طب والناس
لا ما هو قبلها هنشوف اقرب مأذون وبعدها
نرجع تاني على بيتنا
انت بتتكلم جد !!
اومال بهزر
ايوه بس مش هينفع
هو ايه اللي مش هينفع
مش لازم تاخد رأي العروسه الأول
ايه انتي مش موافقه ولا ايه
امممم......موافقه.. بس لازم شهور نستنى شهور العده الأول
ايوه صح انا كنت نسيت خلاص نستنى.. هرجعك بيت أهلك
وفي خلال المده دي هعرفك على عيلتي وانا واثق انهم هيحبوكي
وانا كمان واثقه ان عيلتي هتحبك زي مانا
زي مانتي ايه 
قالت بخجل
زي ما انا حبيتك
تمت
قدري_أنت
حماده_هيكل