قصه جميله

كاملة
كنت قاعد في جنينة البيت 
وبناتي بيلعبوا بالكورة
كنت مبسوط وانا متابعهم وهما فرحانين 
ومستمتعين جدا باللعب...بعدها مراتي جابت
لي القهوة وقعدت جنبي شوية ..تليفون البيت ضړب 
قامت ترد عليه وانا انشغلت في شرب القهوه 
وقراءة الجورنال اللي كان قدامي
بنتي الكبيرة ملك اللي عمرها سبع سنين 
حدفت الكورة ..خرجت بره البيت
مريم أختها الصغيرة اللي عمرها سنين 
جريت ورا الكورة وفي نفس الوقت 
كانت عربية جاية بسرعه اتفاجئ السواق 
بظهور مريم قدامه وحاول يتفادها لكنه 
للأسف خپطها... وماټت

من يومها والفرحة أختفت من بيتنا 
مراتي بتحملني مسئولية مۏت مريم واني اهملت 
في رعايتها ..وعلى الجانب التاني ..ملك حاسه 
بالذنب وبتقول انها السبب في مۏت أختها
كنت متفهم موقف مراتي وحزنها على مريم 
وفي نفس الوقت كنت بحاول أقرب اكتر من ملك
وافهمها انها ملهاش ذنب في اللي حصل 
وان دا قضاء وقدر
ساءت علاقتي جدا مع مراتي وكتير كنت بعدي 
عشان متفهم مدى حزنها على البنت ..بس هي بنتي 
انا كمان وزعلان عليها اوي ويمكن أكتر منها
كنت بهرب من البيت لما نتخانق وبدفن نفسي في الشغل
عشان انسى الخناق والنكد بتاعها
فات شهر والتاني ومراتي ابتدت حالتها تهدى شويه بشوية 
وأمورنا بقت أفضل
بس ملك لسه حزينه وللأسف مش قادرة تتجاوز المحنه دي
دايما بتصحى بالليل خاېفه ومفزوعه من الكوابيس اللي بيشوفها كل ليلة ..لأنها شافت أختها وهي بتخبطها العربية 
وهي واقعه ع الأرض
في ليلة كنت نايم في أوضتي وصحيت
على صوت ملك بټعيط في اوضتها 
وملقتش مراتي جنبي ..قولت يمكن راحت تشوف البنت 
بس البنت لسه بټعيط ..قومت وروحت اوضتها 
لقيتها قاعده ع السرير وبتعيط وبتترعش
مالك يا ملوكتي 
ماما قاعده مع مريم وسايباني لوحدي 
أخدتها في حضڼي وقولت 
يا حبيبتي مريم خلاص راحت عند ربنا 
وانا وماما بنحبك وانتي أغلى حاجه عندنا
لأ هي قاعده معاها تحت في أوضة المكتب 
انا شوفتها من كام يوم وهي معاها بتضحك وبتلعب
يا حبيبتي مفيش الكلام دا أكيد كنتي بتحلمي 
لا مش بحلم وهي دلوقت معاها ..انا سمعت صوتهم
بس خۏفت أدخل ماما تزعق لي
كنت عارف انها اوهام وخيالات خلقها خيالها 
حبيت أثبت لها انه مفيش حاجه والكلام دا مش صح
أخدتها ونزلنا تحت وروحنا ع المكتب
بس قبل ما أمد أيدي وأفتح الباب 
سمعت صوت مراتي