زوجى
كامله
الساعه كانت 8 ونص لما جرس الباب ضړب
كنت قاعدة بتفرج ع التليفزيون
ودا مش معاد رجوع جوزي ..لسه قدامه ساعه على ما يخلص شغل
بنتي في أوضتها بتذاكر .. ومفيش حد معانا في الشقه
قومت بصيت من العين السحرية ..لقيت صبي المكوجي
شايل هدوم ..غريبة بس أحنا معندناش هدوم عنده
وكمان أنا أصلا بكوي الهدوم كلها
ممكن يكون جوزي بعتلهم حاجة
_مساء الخير..اتفضلي المكوى يا مدام واسف على التاخير
أصله كان في شغل كتير و..
_بس المكوى دي مش لينا
بص على رقم باب الشقة وقال
_مش دي برضو شقة أستاذ رفعت حامد المحامي
_اه دي شقته
_طيب ودي بقى بدلة كان بعتها واول ما خلصت
المعلم بعتني بيها بسرعه ..وقالي أقول للاستاذ
_وانا مراته وبقولك البدلة دي مش بتاعته
انا أول مرة أشوفها أصلا
_يعني انا اعمل ايه دلوقت
_معرفش..اكيد في حاجة غلط
_يا مدام انا لو رجعت بيها للمعلم هيعلقني
خديها من فضلك
الولد بعدها إبتدا يكح جامد ولون عيونه ابتدا يحمر
انت كويس
_ايوه ..ممكن تخليني أمش بقى
_طب أستنى انا هتصل بيه واسأله الاول
_رفعت انت ليك بدله عند المكجوي بره
_بدلة ايه
_في ولد صغير بيقولي انه في بدلة بعتهالك المكوجي
وبيقولك آسف على التاخير
_أنا مليش بدل بره خالص
_طب خليك معايا
روحت الباب ولسه بقول
_مش انا قولتلك أن...
لقيت الولد أختفى
_هو راح فين !
_هو مين
_الولد مش لاقياه
_يمكن زهق ومشي ..انا شوية وجاي واشوف ايه الموضوع
وقالي أنا من فترة مش ببعت المكوى بره ولو بعت حاجه
بقولك طبعا
_ما هو دا اللي انا مستغرباله
_فعلا حاجة تحير !
_بس في حاجة انا لاحظتها
_ايه هي
_البدلة مش غريبة عليا ..انا فاكرة أني شوفتها في صورة من صورك القديمه
_اي وحده فيهم
_لحظة هجيب البوم الصور
ولما شوفتها
_اهي..هي دي انا افتكرتها دلوقت وأتاكدت انها هي
ظهرت على ملامح جوزي علامات القلق ووشه أتغير
_مالك ..في حاجة
سألني بأهتمام وقال
_الولد دا شكله اسمر ورفيع_مش كدا
_ايوه فعلا
_حاولي تفتكري قالك ايه بالظبط
_كان مصمم اخد البدلة و..
_وايه
_ايوه قالي المعلم بيتأسف على التاخير
_من ايه
_هقولك ..من عشر سنين وقبل جوازنا بشوية
أنا فعلا كنت بودي هدومي للمكوجي .. خصوصا أن والدتي الله يرحمها كانت تعبانه وانا مبحبش اتقل عليها
_الولد دا كان شغال صبي عند محل المكوى اللي كنت بتعامل معاه.. ولما البدلة اللي في الصورة دي كانت هناك بتتكوي
وقتها حصل ماس كهربائي والمحل ۏلع ..والولد دا ماټ مخڼوق
_يعني قصدك ..ان اللي كان على
كامله
_بالظبط كدا زي ما فكرت ..خصوصا وأنه تقريبا الحاډثه
حصلت في نفس الوقت دا من السنة !!
تمت
البدلة
حماده_هيكل
