يوم العيد
انت في الصفحة 1 من 3 صفحات
اسكريبت
مسك القلم ومضي علي الورقه وقال _ كده اتفقنا ان طلاقنا هيكون اول يوم عيد الفطر .
صړخت _ لا لا غير الاتفاق بسرعه خليها تاني يوم يا محمد .
بصلي باستغراب وقال _ اشمعني !!
_ عشان نكون اخدنا العيديه من العيله !
_ بت انتي ماديه حقيره وشكلك اتجوزتيني عشان فلوسي .
قال يا واخد القرد علي ماله يغور المال ويفضل القرد علي حاله
ايوة انا اللي اتقدملي ظابط واتقدملي طيار واتقدملي محامي وكنت برفض ويوم ما خلاص قولت انا عاوزة اتجوز ابويا وعمي صمموا انهم يجوزوني محمد ابن عمي !!
يعني اصوم اصوم وافطر علي بصله اقصد علي محمد !!
_ هو انتي بجد كبيتي عليا مايه وانا نايم يا إيمان
_ يعني ده بجد وحق وحقيقي !!
قولت بحذر بعد ما شوفت عيونه بتبرق وشكله هيشيل الغطا ويقوم يجري ورايا _ ايوة !!
قال هو بيجري ورايا _ دانتي لليلة اهلك سودا يا ايمان !!
_ ما هما اهلك برضو !!
هو فيها اي يعني لما اكب عليه مايه وهو نايم !! مانا شوفت في مسلسل تركي البطله كبت علي البطل مايه وهو نايم وقام اول ما شافها خدها بالحضن ولا اللي جايه من الحجاز هي مش شغاله معايا لي بس !!
يبدو ان الحب لن يدق باب قلبي هذا العام ولن يأتيني فانوس رمضان هذا العام مثل كل عام ايضا
كتبتها وابتسمت بحزن وانا بفتكر امنياتي اللي اولهم اني احب واتحب واتجوز اللي بحبه ونعيش مع بعض مبسوطين كانت احلام حلوة وبسيطة وعلي قد بساطتها الا إنها صعبه في العالم بتاعنا !!
_ خاطرة جديدة.
_ اقراها .
_ وده من امتي مانت من يومك وانت مبتحبش القرايه !
_ يا ستي هحبها علشان انتي بتحبيها ..
وهو عاوز يحبها عشان انا بحبها لي ما يحبها عشان هو عاوز يحبها وهو ماله باللي انا بحبه اللي يحبه برص ده !!
والله هو قلبي طلع شغال وبيدق وجاي يدق دلوقتي ويفضحنيي !!
_ ظهر هلال شهر رمضان ورمضان خلاص بكره .
لقيته ابتسم وفجأه طلعلي فانوس رمضان وقال _ وحوي يا وحوي .
ضحكت وقولت بللهفه وانا باخد الفانوس منه _ إياحه.
كانت فرحتي فرحة طفله بتاخد فانوس رمضان من حبيبها بس للحظه فكرت هو محمد ممكن يبقا حبيبي !!!
وقتها ملقتش غير ردين اولهم من عقلي اللي قال مستحيييل !!
والتاني من قلبي اللي قال لي لأ !!
_ هنتابع مسلسل اي السنه دي
لقيته بصلي وساكت كملت كلام وقولت
_ انا
