السينما

كامله 
دخلت انا وجوزي السينما حفلة 9 بالليل 
كان فيلم رومانسي وأنا مليش اوي فيه بحب الړعب أكتر ، النهارده عيد جوازنا وهو حب  نخش فيلم رومانسي مع بعض

كنا في نص السينما والقاعه مفيش فيها ناس كتير 
حوالي 30 او 40 مثلا ، كان في بنت قاعده 
في الصف اللي قدامنا قاعده لوحدها ، وكل شوية 
تبص الساعه تقريبا كدا اللي مواعدها خلغ ومجاش

لانها كانت بتبص ورا على باب القاعه وكأنها مستنيه
انه يوصل ..كانت مزولاي اوي ،ولاحظت أن جوزي 
ابتدا يبص عليها

ايه هي عاجباك ..اقوم انا وأخليها تيجي مكاني 

اه يعني ممكن تبص لو انا مش معاك 
لا طبعا انا بحترمك في غيابك قبل وجودك

اه بحسب!!

بعد دقايق لقيت أن البنت أبتدت تبص لجوزي 
واضح انها سمعت كلامنا وحبت تغيظني

وجوزي كمان ابتدا يبص لها من تحت لتحت كدا 
عشان محدش بالي واطين عيشته

قولتله طب انا داخله التواليت وجايه 
طيب بس متتاخريش عشان الفيلم

خرجت وجيت بعد عشر دقايق
ولمحت البنت كانت قاعده جنبه وفي كلام بينهم 
اول ما شافتني جايه ..قامت بسرعه واتنقلت كرسيين 
عننا ..

الله الله 

هانم مين دي 
السنيوره اللي كانت قاعده جنبك

أرتبك وقال مفيش حد انتي بتحلمي

البنت دي مش كانت قاعده في الصف اللي قدامنا

لأ ..
ايه ؟

اه ..مش فاكر وانا مالي هو انا صاحب القاعه تقعد مكان ما تقعد يا ستي هي حره

ااااه قول كدا بقى جنابك صممت تدخلني الفيلم دا 
وفي السينما دي والحفلة دي بالذات ..عشان تقابلها

انا !! والله ولا اعرفها حتى

عليا انا ..انتي فاكرني هبلة ولا داقة عصافير

وعند نص الفيلم جات الاستراحه والنور نور 
وابتدت الناس تخرج من القاعه وهي شافت 

ولمحت على ياقة قميصه اثر روج 
وبتقولي مفيش حاجه ..اومال ايه دا يا أستاذ

استغرب وقالي معرفش ..معرفش جه منين 
دا عليا انا برضو

انا ماشيه وكمل انت الفيلم وسهرتك معاها 
استني بس رايحه على فين

خرج جري ورايا في الشارع وأنا مڼهاره ودموعي 
نازله زي المطر ، فضل يراضيني ويستسمحني 
ويحلف انه ميعرفهاش ولا عمره شافها 
وانها بس جات طلبت منه تتكلم دقيقه من موبايلي 
لما انتي خرجتي وبس دا اللي حصل

انا طول عمري مستحمالك وشايله البيت 
طبخ ومسح وغسيل وفنيت زهرة شبابي عليك 

انا فعلا معملتش حاجه ولو قصرت في حاجه 
سامحيني ..وعارفه انا كنت محضرلك مفاجأة

ايه هي

فاكرة الخاتم اللي عينك كانت هتطلع عليه من سنه
وكان نفسك اجيبهولك

ايوه فاكراه طبعا

خلاص يا ستي يلا بينا نشتريه دلوقت 
يا سلام مش كنت بتقولي لسه شوية 
الاقساط والجمعيه لما فكرتك بيه من شهر

ها..لا ما انا ..انا ...ايوه انا كنت عامله مفاجأة ليكي 
في عيد جوازنا

بجد يا حبيبي

اه طبعا وهو انا ليا غيرك 

بالليل بعد ما رجعت صورت الخاتم وهو في إيدي