الساعه واحده
بقى على الصور العريانه اللى فى الموبايل .
قولتله
يادكتور أرجوك ماتضيعش مستقبلى أنا مرشح لبعثه بره وكده هتضيع عليا !!!
قالى وهو مكشر
يبقى أخدتها بالكوسه أو بالغش ومش من حقك ياغشاش .. يمكن ربنا عمل كده علشان تضيع عليك وحد تانى احق منك ياخدها
وقفل الباب فى وشى !!!
خبطت على باب مكتبه كتير وصعبت عليا نفسى ودمعت !!
خدت نفسى ومشيت من الكليه وما أستنتش نيللى اللى كانت بتنادى عليا .
وصلت شقتى وقفلت بابى عليا وفضلت أبكى .
حياتى كلها اټدمرت فى ساعه واحده !!!
لو طبعوا اللى على الموبايل هيلاقوا أجابه الامتحان كله !!
لو اثبتوا ان كنت بغش على حسب قانون الجامعات أقل عقوبه هيسقطونى فى مادتين أو تيرم كامل !!!
سنه مهمه هتضيع من عمرى مصاريف زياده!!
التليفون التانى رن ولقيت أسم نيللى على الشاشه فكنسلت وقفلت التليفون
محتاج أبقى مع نفسى شويه يانيللى .
فضلت أفكر لحد نص الليل مفيش حل قدامى توجهت لربنا وقولته أنقذنى يارب .....
انا عارف أنى غلطت بس ده هيبقى عقاپ قاسى أوى يارب
أنقذنى أرجوك !!
فجأه سمعت صوت الباب بيخبط !!!!
بصيت فى الساعه لقيتها داخل على واحده بالليل !!!
بصيت من العين بتاعة الباب فشوفت واحد لابس كاب وشايل صندوق !!
وماسك ورقه فى أيده وبيبص فيها وهو ساند الصندوق على الباب تقريبا بيتأكد من العنوان
مين ع الباب !!
قالى
شركة فاست للشحن والتوصيل يافندم !!!
قولتله
وهو فيه شركة شحن بتيجى متأخر كده !
قالى
حضرتك السبب يافندم موبايلك مقفول ومكنتش عارف أتواصل معاك علشان أوصل للعنوان بالضبط وخدت وقت على ما...
فتحت الباب وقولته
وجايب معاك أيه !!
قالى
معرفش يافندم الطرد مقفول زى ماحضرتك شايف .. ممكن تمضيلى بالاستلام علشان أمشى حضرتك اخرتنى جدا !!!
ومين اللى باعت الطرد !!
قالى بنفاذ صبر
معرفش يافندم ...
بصيت على الورقه لقيت اللى باعته مجهول !!
قولتله
اللى باعته مجهول !!مش هستلمها مش ممكن تكون قنبله ولا مخډرات !!!
قالى
قنبله أيه يافندم الطرود بيتكشف عليها بجهاز اول ما نستلمها
قولتله
متأكد بتعملوا كده فى الشركه عندكم
وحيات امى ينكشف على الطرود أنجز عايز أروح ....طلعت ميتينى !!!
مضيت على الورقه وخدت منه الطرد فطلع يجرى وهو بيقولى
الصراحه مابنكشفش على الطرود!!!!!
لسه هقوله خد ياد لقيته أختفى من قدامى !!
لقيتنى شايل الطرد فى أيدى خۏفت أرميه على الارض لينفجر فى وشى ولا حاجه
مشيت بيه براحه وحطيته على الترابيزه بشويش وبعدت عنه
حطيت ودنى عليه ماسمعتش حاجه !!!
فتحت الطرد براحه وبصيت على
