زوجتي
انت في الصفحة 1 من 3 صفحات
![موقع أيام نيوز](/themes/xtra/assets/images/no.jpg)
هحكيلكم النهاردة قصة حقيقية حصلت في احدى قرى الصعيد.. اللي حكالي القصة بيقول ان كان في بنت جارتنا .. هي صغيره في السن اتخطبت لجارنا.. ومن يوم ما اتخطبت وبدا يحصل لها حاجات غريبة ويحصل لخاطبها حاجات اغرب!..
جارنا كان دايما بيشتكي من اول ما خطب البنت دي انه بيحلم بكوابيس مفزعة جدا .. وديما كان بيسمع اصوات غريبة بتصحيه مڤزوع في نص الليل.. وخطيبته برضه كانت بتحلم بكوابيس وتسمع اصوات صړيخ ستات واطفال ف نص الليل.. كانت بتصحيها ف نص الليل! الموضوع موقفش على الاصوات الغريبة اللي البنت دي بتسمعها.. دي بدات تشتكي بان بطنها بتتقطع ! مغص قوي جدا كان بيجلها فجاة وفي مواعيد مش مظبوطه يعني ممكن تكون قاعده عادي مع اهلها وبتاكل وفجاة المغص ده يقطع بطنها ومتقدرش تحط لقمه في بطنها! فضلت ع كده اسابيع ومكانتش بتقدر تاكل.. اي لقمة تحطها ف بقها كانت بترجعها ع طول بمجرد ما تبلعها!..
البنت اهلها ودوها لدكتور واتنين وعشره وكلهم قالو ان بنتكم سليمة مفهاش حاجة! بس برضه لسه بتشتكي من بطنها ومحدش عارف ايه السبب وكل الدكاترة بيقولوا انها سليمة! في دكتور من الدكاترة قال لاهلها بنتكم سليمة ودوها لشيخ يشوفها لان اللي عندها مش عضوي!..
فعلا ودوها لشيخ وفضلت البنت دي تروح له وكان بيعملها جلسات علاج بالقران لحد ما البنت فعلا بدات حالتها تتحسن.. مبقتش تشتكي من بطنها وكمان الكوابيس مبقتش تشوفها.. ونفس الحكاية في خطبها الكوابيس وقفت ومبقاش يصحي ع اصوات مفزعة ف نص الليل..
جه وقت جوازهم.. اتعمل فرح كبير ف القرية وخلاص اتلمو ف بيت واحد .. ومن هنا بدات معاناة جديدة!..
مالك ف ايه
بطني بتتقطع مش قادرة!
العروسة قالت الجملة دي وراحت مرمية ع الارض وهي بتتمرمغ ! جالها حالة صرع غريبة.. .. بتتلوه ع الارض زي التعابين! جسمها فجاة اتخشب وعنيها جحظت! العريس واقف مش عارف يتصرف من الخۏف اللي شل تفكيرة! العروسة هديت وراح العريس شايلها وحاطتها ع السرير! هو مرديش يبلغ اهله ولا اهل العروسة عشان ميكبرش الموضوع لان حاجة زي كده تعمل مشكلة كبيرة وممكن الموضوع يخلص بطلاق لان كده العروسة ف نظرهم هتكون متصابه ! او ملبوسة!..
العروسة فاقت بعدها بس للاسف كانت مشلۏلة مش بتحرك رجليها وايديها كمان مبتتحركش ! بس حالة
الشلل دي مستمرتش كتير بعد اقل من