مأساه حوريه

ساب كل اللي وراه ونزل خد عربيته وهو زي المچنون وطلع بيها وهو متجه للقاهرة وهو بيتوعد ليهم بشړ 
يامحمد
كانت بتتكلم وهو بينفث دخان سيجارته وهو في عالم تاني مش معاها ولا سامعها 
بصتله وقالت.. 
يعني ايه عاوزني ارجعلو بعد ماضر بني واهاني هو و امه 
اتكلم اخويا الكبير وقالي... هترجعيلو ياختي مش دا اختيارك.. محدش غصبك عليه يبقي اشربيه واستحمليه بقا. واظن حذرناكي هتتجوزيه ماتجيش في يوم وتشتكي 
قولت بزهول... يعني ايه
. هو انتو مش هتجيبولي حقي. بقولكو دا ضر بني وامه بهدلتني
اخويا بلامبالاة... تلاقيكي غلطتي.. ما انتي لسانك طويل

والله ماعملت حاجة دول هما اللي مفتريين. وعلشان عارفين ان محدش من اهلي بيقفلي بيبيعو ويشترو فيا
قولتها وانا دموعي بتنزل پقهر
رد اخويا وقال.... بردو هقولك دا اختيارك واحنا مكناش موافقين عليه من الاول بس انتي اللي صممتي تتجوزيه. يبقي مترجعيش تشتكي
اتكلمت مرات اخويا اللي كانت واقفة بتبصلي بشماته 
وقالت... واللي يشيل قربة مخرومة بتخر علي راسه
كان قاعد اخويا التاني بهدوء بعد ما استمع للحوار واخيرا 
اتكلم وقال ... كلم جوزها ياطارق. خليه ييجي ياخدها
قولت بدهشة من موقفهم كلهم وانا دموعي في عيوني وانا مش مصدقة دول اهلي المفروض سندي ...
انتو بتقولو ايه..بتقولو ايه
اخويا عماد قال بقسۏة.. زي ماسمعتي ياروح امك. انتي مش هتفضلي هنا يوم واحد. لازم ترجعي بيت جوزك
رديت عليه بدموع وقهر وقولت ... دا بدل ماتقفو معايا بترخصوني. بدل ماتجبولي حقي منو بترخصوني!!!.. 
انتو كده طول ما مش بتاخدو رد فعل معاه هيفضل يذلني ويهيني. انتو بتعملو كده ليه. هو انا مش اختكم
مسحت دموعي وكملت بعد ماحسمت امري ...بس انا مش هرجعلو بعد اللي عملو فيا مش هرجعلو 
اتنهدت وقولت پقهر...ومش عاوزاكم تقفو معايا..
بصتلهم باستحقار..... اساسا مش جديد عليكم.. كنت عارفة اني ماليش اهل ولا سند ..
كملت بقوة... انا مش همشي وهفضل في بيت ابويا اللي ليا فيه زيكم بالظبط. ورثي ولا نسيتو
عماد ...ورث ايه يا ام ورث. ورثك ده احنا جهزناكي بيه لما جينا نجوزك ياروح امك يعني تنسي ان ليكي في البيت ده شبر واحد
قولت بعصبية وڠضب...انت بتقول ايه عاوز تاكل عليا ورثي كمان.. انتو بتعملو معايا كده ليه. بتعملو معاياا كده لييه. ايه القسۏة دي. انا عمري ماشوفت اخوات بيعملو كده في اختهم 
مهتمش عماد ل كلامي وبص ل طارق وقالو بعصبية.. ماتخلص يابني. كلمه خليه ييجي ياخدها واعتذرلو علي قلة ادبها 
بصلي وقال... انا عارف ان لسانها طويل. اكيد قليتي ادبك عليهم. مش كفاية رضييو بيكي علي عيبك. كويس انو لسه مطلققيش ولا اتجوز عليكي. واحد غيره كان زمانه اتجوز من بدري
مسك طارق تليفونه ولسه هيطلب جوزي
قولت بسرعة وانا ببكي پقهر.... استني متكلموش. 
بصتلهم بتستحقار وقولت كفاية ترخصو ني اكتر من كده..
مسحت دموعي