الصدفه

دا طفش ٤ دكاترة لحد دلوقتي بسبب أسلوبه. 
معايا ميقدرش يعمل كدا. 
ما بلاش الثقة دي. 
هتشوفي يبقى يحاول يطفشني كدا وانا هخليه ميمشيش تاني في حياته. 
ضحكت پصدمة فوقي يا إسراء انتي مش راحة خناقة انتي راحة تخليه يعرف يمشي تاني على رجله. 
اها صح بس بردو من غير ما يعمل حركات العيال ويطفش اللي بيعالجه. 
غمزت ما انتي قدها بقى ورينا.
ما هو الشخصية اللي بنتكلم عنها دي محتاجة اعالجها نفسيا الأول علشان اعرف اعالجله رجله بيتعصب على الدكاترة ليه كانوا هما السبب يعني ولا طيشه!
انت بقى أدهم اللي عامل الحوارات دي كلها 

رفع حاجبه باستغراب انتي مين! 
انا إسراء الدكتورة الجديدة اللي جاية تعالجك ولا خلينا نقول اني الدكتورة رقم ٥ والأخيرة. 
لأ دا انتي مچنونة بقى! 
شاورت على نفسي ببراءة انا مفيش أعقل مني مش هتحس بوجودي من كتر ما انا لطيفة ومسالمة خالص. 
كملت وانا برفع صابعي بتحذير دا طبعا لو معملتش حاجة ټعصبني وقتها هقلب مچنونة بجد. 
هو انتي عارفة انتي بتتكلمي مع مين! 
مبيفرقش معايا المسميات انا جاية هنا اعمل شغلي ومش هسمحلك تبوظه علشان بتتدلع. 
بصلي پصدمة بتدلع! 
بقول نبتدي احسن. 
لأ انا مستحيل اخليكي انتي اللي تعالجيني. 
ابتسمت بهدوء مخيف وانا بقرب ناحيته مش انا لسه قايلة متعصبنيش علشان مقلبش مچنونة 
تجاهل كلامي واتكلم بصوت عالي يا كمال! 
ايه هيموتني ولا ايه! مبخافش اصلا دخل واحد الأوضة وواضح طبعا إنه كمال حضرتك طلبتني. 
البتاعة دي تمشي اطلب يجيلي دكتور غيرها. 
حطيت ايدي في وسطي باعتراض مين دي اللي بتاعة! طب والله ما همشي وشوف بقى هتمشيني ازاي وانت يا كمال اتفضل أخرج علشان ابدأ الجلسة. 
عينيه وسعت پصدمة وهو شايفني بتكلم مع المغرور دا بالطريقة دي ما يلا يا كمال ايه هتاخدلي صورة! 
بص لأدهم فشاورله يخرج اقعدي. 
قعدت على الكرسي اللي قصاده ببرود استفزه فاتكلم بنفاذ صبر عايزة ايه 
اعالجك. 
وليه مصرة كدا 
علشان الدكاترة اللي كانوا هنا قبلي قالوا إنك صعب ومستحيل حد يطيق يتعامل معاك لكن انا بقى اتحدتهم إني اقدر وبصراحة أنا متعودتش اخسر قصاد حد. 
ومين قالك انك هتقدري تتعاملي معايا! 
أظن انك اكتر واحد مفروض يكون بيسعى إنه يرجع يمشي على رجله في أسرع وقت فانت هتسيبني أعمل شغلي انا ابقى قد التحدي وانت تخف. 
بصلي من فوق لتحت بشك انتي اللي هتقدري تعالجيني! 
ميغركش الحجم دا انا ايدي فيها قوى سحرية مش موجودة في حد. 
مش واخدة بالك إنك مغرورة! 
دا على أساس إن انت اللي متواضع اوي! 
الجمود اللي كان محتل ملامحه من اول ما دخلت اخيرا اتفك وظهرت ابتسامة خفيفة تمام انا موافق. 
سقفت بفرحة ما انت طلعت طيب اهو امال ايه الإشعات دي! 
لسانك دا محتاج يقصر شوية علشان نقدر نستحمل بعض. 
بس كدا! مش هتحس بيا بقولك نسمة.
واضح من نظرته إنه مش مصدق عنده حق اصل انا عارفة الشخصيات دي علاجه هيكون بالصدمة وأظن مفيش صدمة ليه اكتر مني جو الدكاترة الكيوت اللي كان بيطلع عينيهم دا مش معايا.
لو لقيت كلب بيجري وراك هتعمل ايه 
والكلب هيجري ورايا ليه! 
سؤال افتراضي. 
مش هعمل حاجة. 
يعني مش هتحاول تجري مثلا 
شاورلي على رجليه انتي حولة! 
ضحكت خليك استرتش كدا بهزر معاك. 
استرتش! ممكن بعد اذنك مسمعش صوتك هيكون حلو اوي لو الجلسة تكمل من غير اي كلام. 
لو فضلنا ساكتين هنحس ان الوقت طويل. 
رمشت اكتر من مرة ببراءة