حب البسكوت

نفسي ده إنتي الحلو اللي في حياتي يا أمي ثم أكملت بمزاح بعدما مسحت دموعها كفاية عياط بقا يا هنومة ولا إنتي الحاج وحشك وزعلانة بقا
هانم بضحك ربنا يسعدك يا بنتي ويخفف عنك يارب شوفي يا بنتي أنا مش هاقولك وافقي أو ارفضي ده في النهاية قرارك لوحدك بس خليكي متأكدة إن أي قرار هتاخديه أنا هكون معاكي فيه ودلوقتي نقوم نتغذى وبعدين تدخلي تصلي استخارة وربنا هيدلك على الطريق الصح
فريدة بتنهيدة حاضر يا ماما أنا هغير هدومي وأصلي العصر واجي نتغذى
اتغدينا واتفرجنا على التليفزيون وبعدين ماما قالتلي هتدخل تنام وأنا كمان دخلت اوضتي صليت استخارة وقرأت قرآن ونمت
تاني يوم صحيت على أيد ماما كانت بتمسح على دماغي بحنية
فريدة بابتسامة صباح النور يا ست الكل
هانم بابتسامة صباح الفل يا حبيبتي عاملة اي دلوقتي
فريدة أحسن الحمد لله
هانم الحمد لله يلا قومي اغسلي وشك والبسي عقبال ما أحضرلك الفطار
فريدة لا يا أمي أنا مش هروح الشغل النهاردة
هانم ليه يا بنتي إنتي تعبانة
فريدة عاوزة أفصل شوية من الشغل
هانم طب قولتلهم في المكتب
فريدة هابعت رسالة لنهى وهى هتقول لأستاذ حمدي
هانم بفرحة طيب كويس بدل ما أقعد لوحدي أنا هروح احضر الفطار على ما تصلي الضحى
بعت رسالة لنهى تبلغ أستاذ حمدي إني تعبانة شوية ومش هاقدر أروح الشغل بعدها علطول نهى كلمتني
نهى بخضة سلامتك يا فيري مالك
فريدة أهدي يا بنتي مفيش حاجة مرهقة شوية بس
نهى متأكدة ولا بتضحكي عليا
فريدة وأنا هضحك عليكي ليه أنا كويسة بس زي ما قولتلك مرهقة شوية بس ومتنسيش تقولي لأستاذ حمدي ثم أكملت بضحك شكله هيرفدني قريب
نهى بضحك طيب أنا هابقا اعدي عليكي بعد الشغل
فريدة تنوري مع السلامة
في المكتب
محمد اذيك يا آنسه نهى
نهى بتأفف أهلا يا أستاذ محمد
محمد بتوتر أنا بس كنت عاوز أسألك على فريدة مجتش ليه
نهى تعبانة شوية ومش هتقدر تيجي النهاردة
محمد بخضة مالها فيها إيه
نهى باستغراب ومالك مخضوض كده ليه وانت مالك بيها
محمد بتوهان ها ولا حاجة زميلتي وبسأل عليها
نهى اه زميلتك طب ممكن تمشي على مكتبك علشان عندي شغل
محمد بخبث اكيد مجتش النهاردة بسبب اللي قولته امبارح طب أعمل إيه لازم أروح اطمن عليها واتأسفلها مع إني مش عارف غلطت في أي بس أهم حاجة اطمن عليها ما هو برضو مش محمد الاسيوطي اللي يبقا عاوز حاجة ومياخدهاش وفي وسط افكاره تليفونه رن وكان أحد رجالته بيبلغه أن شحنة السلاح وصلت ومحمد رد عليه وقاله حطها في المخزن اللي في فيلا الساحل وإياك حد ياخد باله وبالليل هاجيلكم ثم أكمل بخبث بعدما انهى المكالمة هانت يا فريدة لو موافقتيش بالزوق هتبقي مراتي ڠصب عنك
بعد المغرب
الباب خبط رحت فتحت كانت نهى وفوجئت إن محمد كان معاها
فريدة بغصة ابتلعتها احم.... اتفضلوا
نهى بتوتر همستلها أنا اتفاجئت إنه جاي ورايا يعني مش جاي معايا
فريدة بنفس الهمس ولا يهمك ادخلي ثم نظرت لمحمد اتفضل يا أستاذ محمد
هانم مين يا فريدة
فريدة بتوتر من رد فعل أمها ده أستاذ محمد ونهى زمايلي في المكتب
هانم بابتسامة أهلا يا ولاد نورتوا اقعدي معاهم يا فريدة وأنا هجبلكم حاجة تشربوها
محمد باعتذار مزيف أنا آسف إني جيت من غير ميعاد ومقولتلكيش ثم أكمل بحزن مصطنع أتقن إظهاره بس لما عرفت إنك تعبانة خفت عليكي أوي وقلت لازم أروح أشوفها وبخصوص كلام إمبارح أنا آسف لو كلامي ضايقك
فريدة ولا يهمك يا أستاذ محمد تسلم على الزيارة دي وكلام امبارح ماضايقنيش ولا حاجة ده مجرد طلب ويا اقبل او أرفض
محمد طب استأذن أنا علشان عندي سفر
نهى نظرت لفريدة باستفهام وفريدة نظرت لها بمعني هفهمك لما يمشي
هانم كانت خارجة من المطبخ اتفضل يا بني
محمد تسلم ايدك يا أمي بس أنا مستعجل مرة تانية إن شاء الله
فريدة نورت يا أستاذ محمد ومشي
دخلت كانت ماما ونهى قاعدين ونظرهم متوجهلي كأني قټلت حد
فريدة احم.... إيه يا جماعة انتوا بتبصولي كده ليه
هانم ولا حاجة بس غريبة إنه يجيلك لحد البيت كمان خصوصا إنه مفيش حاجة بينكوا
نهى ثواني بقا كده هو في حاجة بينك إنتي ومحمد
فريدة عادي يا ماما وبعدين أنا اتفاجئت زي ذيك بالظبط ومش معقولة هاقفل الباب في وشه واطرده ثم وجهت كلامها لنهى وحكتلها اللي محمد قاله
نهى پصدمة يا شيخة ومتقوليش
فريدة يا بنتي اهدي شوية الموضوع لسه مفتوح امبارح وأنا أساسا ممكن أرفض إنتي عارفة اللي فيها
نهى طب وليه تربطي حياتك بالماضي خلاص الماضي لازم ننساه علشان نعرف نعيش ومتزعليش مني سليم اتخلى عنك من غير