لو سمحت
انت في الصفحة 1 من 3 صفحات
_لو لو س سمحتي
بصتله بإستغراب شاب ملامحه جميله صوته بيتهته معرفوش بس ملامحه باين عليها طيبه و.. اخرسي انتي واخده قفا من كل الدنيا اخرسي
أيوة!! اقدر اساعد حضرتك
_ع عمارة ١٠٥ ف فين
دي عمارتيي انت الساكن الجديد
_أ أيوة ممكن ت توصليني لو مش مش هتعبك
لا تعب ولا حاجه أنا اصلا مروحة
وصلنا وطلعنا الدور الرابع كانت الشقه الي قدامنا محتاجه تتأجر واديها اتأجرت احسن من عمو الي كان في الرايحة والجاية يقولي جايبلك عريس دا!!
_ش شكرا
العفو نورت العمارة أنا مريم
_وانا أ أحمد
اهلا بيك
ابتسمت ودخلت أنا بكره الصنف التاني ومسميني في الكليه المتوحدة عشان مش بحب اتكلم معاهم ولا اتعامل حتي لكن هو!! مش عارفه أنا هتخمد
_إ إزيك
الحمد لله انت أي الاخبار
_ال الحمد لله
مرتاح في الشقه
_اه م ماشي الحال
طب الحمد لله ربنا يوفقك
_الحمد لله إن ليا ج جارة زيك
ربنا يخليك يا احمد شكرا
_بكلمك ب بجد والله انتي الواحد ي يرتحلك علي طول
وانت كمان بجد ها قولي بتدرس
_خ خلصت كليه هندسه وج جيت هنا عشان ابقي قريب من الموقع
اه ربنا معاك
_و وأنتي
أنا في كليه تمريض
_م ملاك رحمه يعني
ضحك _لما تتخرجي و وتشتغلي هتكسبي خبرة
إن شاء الله تشرب قهوة
_يا يا ريت
دخلت وانا مستغربه مالك يحبيبتي في أي متفوقي كده! اول مرة بجد أكلم حد كده يقول عليا أي بتاعت بويز التربيه معدتش في صالة بيتنا
عملت القهوة وادهاله وبصيت قدامي وسكت أنا مش هتكلم تاني خالص بقي
حلوة
_اه ت تسلم ايدك
ألف مبروك
_إ إيييي
لا متركزش أنا بيطلع مني حاجات متخلفة كده في النص عندك صحاب
_ل لاء
ليي
_ع عشان أنا عندي مشكلة
مشكلة أي منتا زي الفل اهو
_لا دا انتي كده ط طرشة بقي مش سامعاني ب بتكلم ازاي
_يا ريت يا يمريم كان ف فيه ناس زيك ف في الكليه أنا اتعرضت ل تنمر ك كبير لدرجه اني م مكنتش بتكلم خالص ك كان كل الي يقرب مني عشان تلخيصات و و مصلحة مني م محدش عارفني عشاني محدش أخد باله م من اي حاجه فيا غير لساني ع عشان كده مليش ص صحاب
أنا اسفه لو ازعجتك بسؤالي
_لاء ا ابدا ولا يهمك
ممكن نبقي صحاب
_ب بجد
اكيد
_يعني هتعمليلي ق قهوة كل يوم
اهو انت دلوقتي الي عاوز مني مصلحة اهو
ضحك وفضلنا نتكلم كتير طلع طيب اوي شاطر في شغله ملامحه تجبرك ترتحيله ازاي حد كده ووحيد!!
كان بيروح الشغل الصبح وانا الكليه ونرجع نتكلم بليل ومعانا فنجانين قهوة وحكاوينا
