حبيبتى الاولى والاخيره

إنك بتخبي ضحكتك شوفي بقي ياستي انا عملت اكل عشان تاكلي وتقوليلي رأيك
عملت أكل!! دي معجزه!
إبتسم بحب كله يهون لأجلك والله.
طب أبعد عنه ازاي ي جماعه بحلاوته دي! بطيبته دي بغمازته دي بروحه الحلوه دي ببرائته دي ب اي المانجا اللي هناك دي! 
انا عارف إني قمر بس الاكل هيبرد وانتي مركزه عليا!
إنتبهت لكلامه وبصيت ف الاكل ع طول انا كنت سرحانه وسحنتك هي اللي جات ف وشي.
بصلي بقرفسحنه!!
أقصد وشك.
لا وعلي ايه كلي بس كلي جايبلك مانجا عشان لو أكلي كان طعمه وحش.
بصوت واطي بالله انت قمر وكل اللي يجي منك قمر.
ضحك وغمازته بانتانا سامعك ع فكرة!
وشي إحمر بعد ما إستوعبت إن صوتي كان عالي فقومت جريت ع الاوضه التانيه وقفلت الباب
خبطنور إفتحي.
فتحت وانا باصه ف الارض نعم.
إبتسمتع فكره انا زي جوزك يعني عادي تقعدي تعاكسي فيا.
إتكسفت فنزلت راسي أكتر ......
مسك خدوديياختي بطه بتتكسفي مراتي طلعت بتتكسف.
رفعت راسي وبعدت إيده قولتلك الف مره ي يوسف سيب خدودي ف حالها بتوجعني بسببك
مش انا قولتلك قبل كدا إن انا كنت بتمنالك إنك تبقي ظابط زي ما كنت بتحلم
اه.
ياريتني كنت دعيت إنك تطلع دكتور ولا مدرس بدل جون سينا اللي عايش معايا دا!
إبتسم بفخر الله يخليكي تسلمي.
مازال يوسف بيحاول يغير الجو بعد اللي حصل بس انا مش قادره أشيل الموضوع من دماغي والله انا بحبه لكن هو يستاهل كل حاجه حلوه في الدنيا وهو يستهال إن يكون عنده طفل ودي تعتبر أحلي حاجه
والمفروض مامته جايه بكرة تقعد معايا فربنا يسترها لإن يوسف هيكون ف الشغل
هو انتي ازاي جاييلك قلب تاكلي
إستغفر الله العظيم اهدي ي نور اهدي دي حماتي عادي متستغربيش بقي زي كل مره
مش فاهمه!
لاء فاهمه وفاهمه كويس اوي.
نور فوقي عاادي جدا كلها ساعه وهتمشي متتعصبيش. الله يسترك
أخدت نفس عميق وإتكلمت بهدوء وهو انا لازم أرفض قضاء ربنا! لازم أقول ليه يارب مش بخلف! لازم أصرخ وما أكلش وأقطع شراييني ولا ايه مش فاهمه دا قضاء ربنا يا حماتي قولي الحمد الله.
كشرتأكيد الحمد الله طبعا بس احنا مش هنسكت انا هخليه يتجوز ولو انت مش عاجبك إطلقي وانا بقولك الاحسن إنك تتطلقي لإن لما يكون يوسف ابني عنده إبن وزوجه معتقدش هيركز معاكي أو هيهتم بيك!
بدأت عيوني تدمع وأعتقد بردو إن موضوع الزوجه التانيه دا يوسف اللي يقرره لإن يوسف هو اللي هيعيش عن إذنك انا شبعت.
إيه دا ماما مشيت!
اه.
مالك يا نور
إتكلمت بهدوء يوسف أعتقد إن أحسن حاجه نتطلق وكل واحد يروح لحاله عشان مامتك تبقي مبسوطه وكمان عشان انت تتجوز ويكون عندك طفل يسعد مامتك.
هي أمي قالتلك ايه بالظبط!
مقالتش حاجه أنا اللي بقولك أهو طلقني
بس خليك متأكد
إن اللي هتتجوزها مش هتحبك قد مانا بحبك مش هتفهمك قد ما أنا بفهمك م...
أتجوز إيه يا نور انت إتجنيتي! أنا مش بشوف غيرك..وتقوليلي أتجوز!
يا يوسف بقي أ...
نفخ بضيقماما نزلت راحت فين
مش عار...
لف وفتح الباب ومشي ورزعه معاه
فتحت الباباي دا يوسف! في حاجه ولا ايه!
قبض إيده جامد أمي نور بنت عارفه يعني ايه بنت يعني عنديها مشاعر وليها حق إنها تبكي وتزعل بس نور قوية مش هتظهر كل دا قدامك وانت عشان شيفاها ساكته بتزيدي ف كلامك اللي كسر قلبها الف مره وفي كل مره انا اللي بروح وبحاول أصلحه!
لو كان ليكي بنت كنت هتوافقي ع اللي بيحصلها دا ع كل مره إتهانت من حماتها ع كل مره نزلت دمعه من عنيها بسبب شئ بتاع ربنا
وبعدين هي ذمبها ايه ربنا اللي عايز كدا مش هي دي حكمة ربنا