احببت نفسى
انت في الصفحة 4 من 4 صفحات
أب بيكره يشوف ولاده مبسوطين ...حتى لو فى ف دول نسبة قليلة لا تكاد تذكر أصلا....
معقول بجد أنا فكرت كده !
معقول أنا نسيت كل ذكريات طفولتى عشان خاطر شوية اختلافات حصلت لما كبرت
ماهو طبيعى خوفه يزيد عليا لما اكبر ...
حتى لو معرفش يعبر عن حبه بطريقة توصلنى ....حتى لو كان خاېف عليا لدرجة الأوامر المبالغ فيها ...ده ماينكرش واقع إنه بيحبنى قد الحب ال فى الدنيا كلها ...
ساعات بنترجم معاملة أهلنا غلط ساعات بنحس إنهم ادونا ضهرهم ومشو ...
حتى لو ادونا ضهرهم احنا ممكن بمنتهى البساطة نجرى ونحاوط الضهر ده بادينا بدل ما نروح نشتم على مواقع التواصل...
مفيش حاجة تستاهل إننا نخسر ثقتهم عشانها
وماينفعش أصلا نشك ولو للحظة إن محدش بيحبنا لأن دايما فى اتنين حبونا وبيحبونا بدون أسباب أو مقابل ....
خلاص ماشية
همشى مع بابا
ابتسم أظن فهمتى
أنا متشكرة أوى بجد
على ايه
على كل حاجة
هتيجى تانى
هعمل أى حاجة وحشة عشان أتعاقب
ضحك هتوحشينى أوى يا ياسمين
هنتقابل
إن شاء الله
مع السلامه
ابتسم الله يسلمك
هو وحشنى اوى كده ليه !
طب هو مش قال إننا هنتقابل ...ليه أخر كده ...
اسبوعين يا جدع من غير ما تتصل حتى ...
ابتسمت وانا باصة لبابا ال نايم عالكنبة قصادى ...
ضحكت ايوا مين بقا ال فهمنى!
كل يوم وأنا قاعدة قدام التلفزيون بفضل أفكر فيه....
بفتكر نظراته وكلامه ال ماكونتش عايزة أصدقهم ...
طب هو ينفع الزمن يرجع لليوم ال اتقدم فيه !
أنا بحبه مأنكرتش ولا خدعت نفسى أيوا أنا بحبه ...
عاوز ايه أكتر من انسان عمل كل حاجة عشان أفرح ..
يا جماعه هو ازاى إنسان يبقى واقع أوى كده !
أنا عايزاه يكون موجود معايا ....عايزة عينى تكون شايفاه طول الوقت..أنا ...أنا عايزة أقوله بحبك !
وفى وسط أفكارى الغير مرتبة دى خدت بالى ان موبايلى بيرن برقم غريب ..
جيت على بالي كده من كام يوم...قولت أما أسأل فينك ...
وكلام بينى وبينك ...
مقدرش أنسى أيامى معاك وبتوحشنى عنيييك
ضحكت عامل ايه
عايز أشوفك
أعمل ايه طيب
انزلى أنا تحت بيتك
والله
ضحك اه والله
بتعمل ايه تخت بيتى
اخلصى يا ياسمين عشان أنا زهقان
حاضر
نزلت ومع آخر سلمة شوفته واقف بيبتسملى ...
عينه ال بتغرقنى ...
ضحكته ال بدوب فيها ...
ملامحه ال اتحفرت فى قلبى ...
لا ده هو كله على بعضه واقف قدامى دلوقتي حالا...!
عامل ايه
ابتسم وحشتينى
ايه ال جابك دلوقتي
بقولك وحشتينى
ابتسمت بكسوف وسكت
وحشتينى قولت
منا هفضل أعيدها لغاية ما تردى ...وحشتينى
احم وانت كمان
ياسمين أنا فضلت بعيد الاسبوعين دول عشان اديكى فرصة تفكرى ...أنا كنت بظهر مشاعرى و تفكيرى قدامك ف قوليلى انك عارفة ال جوايا
عارفة ايه
بص فى عينى من فضلك
ابتسمت أنا بقول انك تروح تتفق مع باباك
على ايه
عشان تيجى تخطبنى
انت عايزانى أخطبك
هو انت مش عايز
ضحكت انت مالك فى ايه
ده قلبى
ماله
حالف عليا ...يعيش ليالى عمره ال جيا فى حبك انت يا نور عنيا ويا ملاك حبيت العمر معاك...
ضحكت حيلك حيلك
مش انتى بتحبى عامر منيب
ايوا عرفت منين
من بروفايلك على الفيسبوك
يعنى انت تعبت وقعدت تدور فى بروفايلى على الحاجات ال بحبها
ضحك ده على أساس إنك مش ڤاضحة كل حاجة بتحبيها عشان لما حبيبك ييجى يلاقى كل حاجة بسهولة
يعنى هو انت حبيبى
ايوا ومفيش نقاش
يعنى بتحبنى
ده انتى ضحكتك مدوبانى والله
اوفر أوى
بس بحبك
وانا كمان بحبك
وحياة عمو رمضان !
ضحكت وحياتك عندى
فكلنا مغرم يهذى بصاحبه.....ناء ودان ومخبول ومختبل
