ياانسه

الكليه. حبتيها يابنتى!
كنتى عارفه انى مش عايزاها!
وعشان كدا كنت بحاول احببك فيها عشان تحبيها قبل ما تدخليها لو محبتيهاش ممكن....
ابتسمت.. حبيتها ياماما.
اتنهدت ب راحه وطبطبت ع ضهرى.. ربنا يريح قلبك وينولك اللى فى بالك يابنتى ويهديكى.
خرجت وانا بصيت للعصير والكتب..
كان لازم احبها. انا كنت عايزه ادخلها عشانها وحبيتها عشانه عشان هو حببنى فيها هى مش وحشه يمكن انا كنت بكرها بسببهم بس هى ك كليه تتحب زى ما مصطفى بيقولى دايما.
على كدا بقى انت غنى ومعاك فلوس كتير.
بدأنا نق اهوه.
لامش قصدى بس يعنى انت لسه طالب ومعاك فلوس انما انا برضو طالبه ومش معايا ولا مليم.
ما انتى هتشتغلى.
ها هشتغل دا لسه بعد ما اتخرج بعد سبع سنين ياترى هنعيش ولا لا.
مشوفتش فى تفائلك والله.
سيبته ودخلت المعمل عشان اجيب حاجه وهوا دخل ورايا.
تفتكرى ممكن ابقى دكتور ويجى اليوم واشرح هنا.
لا.
يابنتى ارحمينى مش كدا.
وقف مكان الدكتور طيب والله هبقى دكتور حلو حلاوه.
النهارده هنشرح يا دكاتره ازاى نشرح ضفدع مسك ادوات وهنعلمكوا ازاى تعملوها عملى. ركزوا معايا كدا مسك المشرط كدا.... ااااااااااااه.
الكتب وقعت من ايدى لما سمعته پيتألم جريت عليه لقيت ډم نازل من ايده... انت جرحت نفسك ازاى كدا!
دى حاجه بسيطه عادى.
قلعت البالطو وبالكم بتاعه كتمت الډم... بسيطه ايه دا فيه ډم كتير اوى.
مسكت ايده وضغطت ع الچرح وجريت ع عياده الجامعه ومكنش فيه حد هناك اخدت شاش وقطن وبيتادين وجريت عليه تانى .
قعدت على ركبتى وبدات افك البالطو واعقم الچرح ولفيت عليه الشاش وانا كل ما الف اساله موجوع ولا لا كنت خاېفه ومړعوبه عليه اول ما خلصت رجعت بضهرى ل ورا واتنهدت ب راحه الحمدلله الډم وقف.
بصيتله لما لقيته ساكت لقيته بيبتسم.
بتبتسم ليه!.
عشان عملتيلى الچرح.
وايه يعنى اى حد فى مكانى كان هيعمل كدا.
بس مش اى حد عنده رهاب الډم ولا ايه.
فضلت باصه ليه لفتره وقفت وضحكت وفضلت اتنطط كتير كنت مبسوطه اخيرا هقدر احضر سكاشن تانى. اخيرا قدرت اتعالج قدرت بمساعدته ليا.
فرحانه انك اتعالجتى!
فرحانه اوى. شكرا لانك ساعدتنى.
شكرا لانك خوفتى عليا.
بس انا مخوفتش عليك ولا اى حاجه خالص.
ايوه والبالطو يشهد.
يا مصطفى!!!
ضحك خلاص خلاص يلا نكمل.
الدنيا زادت حلاوه ع حلاوتها بتلميحاتنا لبعض ووقفتنا جمب بعض هو الحب بيحلى الحياه اوى كدا طيب ليه مش كل الناس تحب!.
الوقت كان بيبقى عباره عن هزار وضحك پنتخانق ونرجع نتصالح بس الحياه بتهون عشان هو جمبى.
طلعت ع السلم وانا بغنى وبضحك لقيت العيله كلها موجوده عندنا ابتسامتى اختفت وعقلى الباطن بيقول خير.
السلام عليكم.
اهلا بعروستنا الجميله.
بصيت ل ماما لقيت وشها احمر استنتجت انهم عصبوها وزعلوها بكلامهم تانى.
وقف وضميت ايدى الاتنين قدامى. خير هو فيه حاجه
كل خير ان شاء الله.
همست بتريقه.. فعلا انتو مبيجيش من وراكوا غير كل خير الحقيقه فعلا.
انتى عارفه انتى طلعتى دكتوره ليه.
عشان انا اجتهدت وذاكرت وجيبت مجموع طب ودخلتها لان ماما كانت عايزاها.
لا دا عشان العيله كلها دكاتره.
بصيتله واستنيت يكمل كلامه.
والعيله برضو من عاداتها انها بتاخد بناتها لاولادها ومبتطلعش حد برا.
كنت ساكته وبحاول استوعب هوا بيقول ايه.
وعشان كدا احنا جايين عشان نطلب ايدك لابن عمك الدكتور احمد.
وانا مش موافقه
ضحك بسخريه ياحبيبتى العيه كلها كدا مينفعش انتى تعترضى اللى كل العيله بتعمله انتى هتعمليه.
ومين قال ان لازم اعمله.
نعم!.
مين قال انه لازم انا نفسى افهم مين اللى قال
انا انسانه وعندى حياه وطموح انت مفكر انى وافقت ادخل طب عشان العيله اللى بتتكلم عليها دى ! لا حضرتك غلطان انا وافقت بس عشان انقذ امى من كلامكم اللى يكره الانسان فى نفسه 
سالتوا نفسكوا كام حفيد عنده موهبه وډفنها بسببكم وبسبب ان لازم يطلع دكتور.
بصيت لاعمامى.... سالتوا نفسكم ولادكم عايزين ايه. شوفتوهم وهما مضغوطين وبيعيطوا من التوتر والضغط اللى عليهم بسببكم 
رجعت بصيت لجدى وانا عينى لمعت بالدموع. سالت نفسك انا