ياانسه الفصل الاول والثاني والثالث

مستر في حاجه..!

استنيني في المكتب بتاعي عشان محتاج اتكلم معاكي شويه..

اتكلمت بتوتر_ليه يا مستر هو انا عملت حاجه غلط..!

لا مفيش حاجه انا بس عايز اتكلم معاكي في حاجه..

طب انا ينفع اقعد استني معاها يا مسترر..

معلش يا سجده بس انا محتاج اتكلم مع آيات لوحدنا..

تمام مفيش مشاكل انا هستناها بره لحد ما تخلص..

تمام 

اتفضلي يا آيات استنيني في المكتب وانا جاي وراكي..

اخدت بعضي وروحت استناه في المكتب بتاعه و سجده استنتني بره و قالتلي ما اتأخرش..

دخلت و فضلت قاعده بفرك في أيدي بشكل ملحوظ و ده دليل عل توتري و..

آيات..

_نعم يا مستر أدهم حضرتك كنت عايزني ليه..

انا بس كنت عايز اسألك هو انتي في مشكله ولا حاجه حصلت معاكي عشان أنتي علي طول مش مركزه في الدرس حتي انك بقيتي مهمله الفتره دي..!

_انا آسفه يا مسترر اوعدك اني هركز و مش ههمل تاني..

تمام يا آيات وانا بجد اتمني انك تبقي كويسه..

_متشكره لحضرتك.. عن اذنك..

خرجت من المكتب و روحت لي سجده عشان نروح و حكتلها عن الي حصل وهي بقت مستغربه و بتقولي انه اشمعنا طلب انه يكلمني لوحدي و كان ممكن ان هو يقول قدامها كده عادي بس انا قولتلها انه عادي و خلاص و ما تفكرش في الموضوع كتير..

روحت البيت واول ما دخلت لقيت بابا و ماما وأحمد اخويا قاعدين كلهم في الصاله و باين عليهم أن في حاجه..

و قبل ما اتكلم ماما اتكلمت..

كنتي فين يا هانم كل ده المفروض الدرس خلصان بقاله نص ساعه كنتي فين بقاا..

_عادي يا ماما ما كنتش نص ساعه الي اتأخرتها يعني و بعدين المستر هو الي اخرنا النهارده مش بمزاجي...

ماشي يا آيات اما نشوف آخرتها ياريت بس في النهايه تجيبي طب كده و ترفعي راسنا زي اخوكي كده..

اتكلمت بوجع_ربنا يسهل يا ماما.. عن اذنكوا انا هدخل اوضتي عشان اذاكر.. 

دخلت اوضتي و فضلت اذاكر لحد ما الفجر اذن و قومت اتوضيت و صليت و فضلت ادعي ربنا انه يعدي السنه دي علي خير و يحنن قلب اهلي علياا و يقدم لياا الي في الخير..

خلصت صلاة و قومت عشان انام لقيت جالي اشعار ان في رساله جاتلي ع الواتساب قومت عشان اشوف مين لقيت رقم مش متسجل عندي... و كان كاتب.

وحشتيني

يتبع....

خلصت صلاة و قومت عشان انام لقيت اشعار ان جالي رساله ع الواتساب فتحت عشان اشوف مين لقيته رقم مش متسجل عندي و..

وحشتيني

ده كان مضمون المسدج استغربت اوي مين ممكن يكون بعتلي مسدج زي دي بس قولت اكيد حد بعتها بالغلط وان انا مش المقصوده و حاولت اني ماشغلش بالي و دخلت انام عشان عندي يوم طويل بكره...

نمت و صحيت وانا سامعه صوت دب فوقي