صدفه حياتى
لوالدها
_ اه .. نسيت أعرفك .. الباشا .. عمر البشير .. رجع العربية بتاعت علاء جارنا انهردا و اتكلف بكل الخساير
رفعت عيني ليها عشان اعرف رد فعلها لقيتها ابتسمت بثبات وهي بتقول ببرود
_ اه طبعا .. أقل حاجة
والدها مفهمش فاستنتجت انها محكتلوش تفاصيل امبارح سابتنا والتفتفت عشان تمشي
_ بس انا مش السبب الرئيسي لوجودي هنا اني ارجع العربية يا عمي
وقفت مكانها والتفتت ووالدها بصلي وهو مبتسم ومستني اقول ايه
علقت عيني عليها وفضلت دقيقة كاملة ببصلها بثبات
_ انا جاي اتقدم للأنسة رحمة
رفعت عنيها بثبات افعالي ودارت دهشتها من الموقف وابتسمت بإنتصار عجيب
بصتلي بزهول وهي وسط زمايلها قربت بخطوات مرتبكة وهي بتبص حواليها
_ أنت بتعمل ايه هنا
بصيت نظرة شاملة عالمكان وابتسمت وانا حاطط ايدي في جيبي
_ جاي أشوفك
_ وتشوفني ليه
_ عشان وحشتيني
_ اششششش
مسكت معصمي وشدتني بعيد عن المكان
_ وطي صوتك حد يسمعك يقولوا عليا ايه
_ هيقولوا اتنين مجوزين بيحبوا بعض
_ مجوزين ايه !!! .. انا رفضك ولا انت الاستيعاب عندك بطئ
قربت خطوة تانية وانا ببص ناحية البنات الي ركزوا معانا ورجعت ابصلها وانا بهمس
_ تلت حقايق لازم تعرفيها يا رحمة .. أول حاجة أن مصر في الركن الشمالي الشرقي من افريقيا و التانية
_ أني مبترفضتش
_ والتالتة
_ التالتة ايه
_ انت مش قولت هم تلت حقايق
_ اه .. الشاورما بتتاكل بالتومية عادي
بصتلي من غير تعبير وهي مش فاهمة فابتسمت وانا بحاول أداري احراجي
_ كويس انك جيت اصلا
_ ايه دا بجد .. هتطيري من الفرحة عشان شوفتيني هه
_ اه طبعا .. عشان اديك دول
_ ايه دول
_ دي الدفعة الاولى من فلوس الفستان الي جبتهولي
مفهمتش قصدها رفعت عنيها بثبات
_ الفستان سعره عالي وأنا مش هقدر اسدده كله مرة واحدة .. فهقسطه
بصيت بجمب وانا ببتسم وبيجي في دماغي فكرة
_ لا مش موافق .. انا عايز فلوسي كاملة
_ مليش دعوة .. اتصرفي .. يا كدا يااا....
_ يا ايه
_ نجوز
_ تاني
_ لا المرادي بقا هتقسطي براحتك
غمزت وانا بسند على عربيتي
_ ما انتي هتبقي مراتي بقا
_ وانا المفروض اسددلك فلوسك ازاي ساعتها
_ هنتناقش في الموضوع دا ساعتها
_ أ.....
قربت منها واحدة صاحبتها ف ابتسمت وأنا بعدل الجاكيت
_ ايه يا رحمة يلا هنتأخر
بصتلي من غير اي اندهاش
_ مين دا
_ دا ....
قبل ما ترد اتدخلت
_ الرائد عمر البشير .. خطيبها
_ خطيبك. .. انتي اتخطبتي امتا يا رحمة
_ لا انا متخطتبش
ابتسمت وانا بدخل تاني
بصتلي پغضب
_ نور .. روحي انتي دلوقت وانا هكلمك اما أوصل البيت
_ تمام .. هستناكي
مشيت والتفتتلي وابتسمت انا
_ جامدة نور .. لا حلوة حلوة يعني .. مرتبطة نور
_ اجبلك رقمها
_ يريت
_ انت ايه الي هببته دا
_ انا قولت الي هيحصل
_ لا مش هيحصل .. انا مش هجوزك
_ لا هتجوزيني
_ ايه الغتاتة دي
مطيت شفايفي وانا ببص على اليافطة
_ هي كدا كلية الآداب كلها ناس جامدة
ورجعت أبص على جروب بنات معدي من جمبنا
_ والتعليم فيها بردو
_ ماله
_ جامد
_ أنا مش عايزة أشوفك هنا تاني
_ ليه عشان البنات بتعاكسني
بصينا احنا الاتنين لجروب بنات تاني قاعد قصادنا و بيبصولي وبيضحكوا شاورتلهم وانا ببتسم قبل ما تمسك ايدي وتنزلها
_ انت بتحرجني !
_ دي ڼار الغيرة دي
_ متجيش هنا تاني ماشي
اتحركت فوقفت قصادها
_ تعالي اوصلك
_ لأ
_ لا معلش انا راجل دمي حامي وبغير على بيتي
قربت وابتسمت بحب
_ وانتي بيتي
_ والله .. بصفتك ايه بقا هركب معاك
_ اعتبريني اي حاجة .. انشالله جوزك
_ انت مواركش شغلانة غيري
_ تؤ .. انا فاضيلك .. ووراكي لحد ما انتي الي تقوليها
قربت هي خطوة مني
_ دا انت هتستني كتير أوي على كدا
_ انا بالي طويل
بصيت من تحت لفوق واتحركت بعيد عني وانا سندت وابتسمت وانا براقبها بتبعد
رجعت الشغل وانا بصفر و بغني وقابلني إياد صاحبي
_ يولا يولا .. لا وبنغني لعبدالحليم
_ عايز ايه يا دودي
_ دودي اه .. اسمها ايه الجديدة
_ تؤ .. مش جديدة .. دي حاجة تانية
_ حاجة تانية
