مش هتجوز اخرس
مريم بالمناسبه
..
_ وانت احمد أنا عارفه
..
اداني ورقه فيها رقم سجلته وظهرلي واتس دخلت عليه وهو مسك فونه فتحت الداتا وبعتله علامة تعجب!
انتي جايه هنا لي!
_ عشان قالولي أننا هنتعرف الاول قبل الخطوبة!
خطوبة ايي! انتي موافقة تتجوزي واحد اخرس
_ انت اي مشكلتك!
مفيش مشكلة بس زي منتي عاوزة الخطوبة دي تتم لأسباب أنا معرفهاش أنا كمان عاوزها تتم عشان اريح الراجل الي برا الي تعب معايا كتير بس احنا مش هنتجوز ماشي
_ شوف وانا الي ھموت واتجوزك!
يا انسه مريم افهميني احنا هنتخطب فترة ومش هنتفق ف هنفشكل وابويا يعرف اني فعلا مش عاوز خطوة الجواز ديي ومن نحيتك المبلغ الي هتطلبيه هتاخديه
بصلي بتعجب ورجع كتب في الفون امال عشان ايي
_ مش لازم اقول
تمم يبقي اتفقنا
وفعلا اتفقنا! في نفس اليوم كنا بنجيب الدبلة سوليتير! مكنتش اتخيل اني ألبسها في يوم! كان ممكن اكون مبسوطة اوييي حتي لو كانت دبلة فضه بس مع شخص بحبه عشت ادور علي الحب واخاڤ منه بس ملقتوش!
اتعشينا أنا وبابا عندهم وفضل باباه وبابا يتكلموا في الشغل واحنا الاتنين ساكتين اليوم خلص وانا مخطوبة! روحنا البيت ونمت صحيت صليت وروحت بسرعة علي المستشفى عشان شغلي لبست الاسكراب وبدأت اشتغل دا اجمل جانب في حياتي اني اسمع الدعوات ديي خلصت وروحت مر يوم اتنين تلاتة! وانا وهو بنتكلمش مفكرش يبعتلي مسدج حتي علي الواتس! كنت عاوزة اعرف ماله ونسيت حتي اني مسألتش باباه هو مش بيتكلم بسبب ايي!
اهلا اهلا يبنتي اتفضلي ادخلي
_ ازيك يعمو وازي الصحة يا رب تكون بخير
الحمد لله يحبيبتي انتي عاملة اي
_ في نعمة الحمد لله وأحمد عامل اي
انتوا مبتتكلموش
_ يعني حاجة زي كده طب هو انا ممكن اسأل حضرتك سؤال
قولي
_ هو احمد مبيتكلمش بسبب أي اكيد من صغره مثلا و..
لاء لاء احمد مبيكلمش من سنتين من ساعه ما مامته اټوفت كانت متعلق بيها اوييي مۏتها كان أكبر صدمة بالنسباله ومن ساعتها ومسمعتش صوته
_ أنا اسفه
لا يبنتي عادي انتي المفروض تعرفي كل حاجة الدكاترة حاولوا معاه كتير بس مفيش فايده قولت يمكن لما يتجوز يحاول يستقر أو دا يساعده أنه يرجع زي الاول
اكيد في المقاپر عند مامته
_ طب ممكن العنوان
خدت العنوان ومشيت افتكرت مامتي أنا كمان قد أي غيابها اثر فيا وفي قلبي وإن من بعدها عرفت بابا علي حقيقته وأنها كانت بتستحمل قد أي عشاني عشان كده انا حاسه بيه .
_ ازيك
إلتفت ليا وكان بيعيط اول مشافني مسح وشه بسرعة طلع فونه وكتب انتي اي الي
