الصدفه

ليه . ثم مين قالك اني عايزاه هو ولا غيره. احنا زمايل مش اكتر.
مايا مالي لاني في حكم خطيبته. وبعدين انا عارفة الاشكال اللي زيك. مابتصدق تقرب من حد زي شهاب. وهي اصلا ماحدش بيبصلها.
تمارا پجنون انتي هبلة يابت اشكال مين. لا انتي ولا زي شهاب بتاعك ده يهزني. وعندا فيكي بقي هفضل معاه وهتشوفينا دايما مع بعض. علشان بس انا مابحبش التحدي.

مايا تراهنيني ان شهاب يحبك 
تمارا پصدمة اراهنك! للدرجة دي شايفاني ماانفعش اني اكون ست. وبتحدي. طيب وحياة فستان سنية شغلع اللي انتي لابساه ده. لهيحبني وهيتجوزني ڠصب عن اهلك. وهعزمك علي الفرح واقهرك . ايه رئيك بقي.
مايا بغيظ وانا موافقة لو قدرتي تخلي شهاب يتجوزك. تبقي كسبتي الرهان.
تمارا بسخرية وهترهنيني علي ايه!
مايا شاليه في الساحل الشمالي.
تمارا ههههههه. شكلك مستغنية عنه.
مايا بثقة بالعكس. انا بحبه جدااا. ووقتي كله فيه. علشان كدة بابا كتبهولي بإسمي. وبراهنك عليه. علشان متأكدة انك اخر واحدة شهاب ممكن يبصلها.
تمارا قربت منها بتحديهنشوف يا مايا انا ولا انتي. وسابتها ومشيت. واخدت عربيتها ومشيت.
....................................
في مكان بعيد عن قاعة الحفلة فادي واقف في قمة غضبه من برود حلا وسكوتها.
فادي بعصبية ماتتكلمي هتفضلي خرساء كدة كتيير. انطقي كنتي فين مع سي زفت ده. واتأخرتي ليه ابوكي ومامتك واخواتك هنا من بدري. كنتي فين 
حلا اخيرا اتكلمت لفت ليه بهدوءمع ان مايخصكش. بس هقولك. كنت بكلم ولادي اتطمن عليهم . اصلي لازم اكلمهم كل يوم اول ما اصحي وبالليل قبل ما انام. ولو خارجة لازم اكلمهم علشان بيناموا بدري. قولي يا فادي انت اخر مرة كلمت ولادك فيها امتي. تعرف هما بيعملوا ايه مبسوطين ولا لا فكرت تسافر تشوفهم. اوبس. لالا انا نسيت صحيح. هما كفاية عليهم انت انت ابوهم. هما هينهبوا. بس انا مش زيك انا ولادي مابيغبوش عن بالي لحظة.
فادي افتكر انه فعلا مابيسألش عنهم من يوم ماسافروا الجونة. ولا حتي بفون.
فادي بمكابرة لا ااانا بس كنت مشغول. وبعصبية. وانتي مش مشغولة عنهم بنفسك. قوليلي انتي فعلا نستيني فعلا عايزة احمد
حلا بثقة والله انا واحمد في مرحلة تعارف . هنقرب من بعض ونعرف بعض. ادعيلي يكون نصيبي المرة دي احسن.
فادي شدها بقوة وقربها منه اوعي تصدقي نفسك. انك ممكن تنسي فادي. انا مافيش ست تعرفني وتنساني. كابري ياحلا واعندي. هتلفي وترحعي تبكي قصادي علشان ارجعك. قبل ما عدتك تخلص. انت ماتقدريش تنسيني.
حلا شدت ايديها منه وابتسمت بسخرية هههههههه. غلطان. انا نفسي العدة تخلص بفارغ الصبر. علشان ابقي خلصت منك ومن حياتي معاك. انا خلاص بقيت حرة.
فادي بغيظ علي فكرة انا ممكن ارجعك حالا وڠصب عنك.
حلا تقدر. بس وقتها هخلعك يافادي واخلي فضيحتك بجلاجل. هتبقي فادي الحديدي المخلوع. واعمل حسابك ولادي هيرجعوا من الجونة يعيشوا معايا. ومؤقتا مش هيعرفوا بطلاقنا. هقولهم ابوكم بيسافر كتيير علشان شغله. وقسما بالله لو رفضت. لأفضحك وارفع قضية عليك وطلب ولادي انت حر.
فادي مصډوم مش دي حلا ابدا. فين حلا اللي عرفها وعمرها ماقدرت تبعد عنه معقول هي دي اللي بتتكلم كدة
فاديانتي حلا معقول اتغيرتي بالشكل ده!
حلا قربت منه وشاورت علي قلبه اسأل ده. هو السبب قسوته وغروره . موتت حلا . وولدت حلا جديدة اتعلمت تتكلم وتدافع عن نفسها . انت اللي ضيعتني من ايدك.
ولفت علشان تمشي. بس فادي وقفها.
فادي لسة ماضعتيش ياحلا. ممكن نرجع تاني وترجعي حلا بتاعة زمان.
حلا بعناد مستحيل. انا خلاص خرجت برا سجنك انت بقيت وحيد. مممكن تملي الفراغ ده بواحدة تانية بس الاكيد انها مش انا .
فادي بحزن بيدايره حلا انتي كدة بتقطعي كل الخيوط بينا. هتخسريني . فاهمة
حلا بتحدي انت اللي هتخسر.. انا مابقاش عندي اللي اخسره
.......................................
تمارا. في العربية حاست انها لاول مرة عايزة تبكي. اول مرة تنجرح بالشكل ده. معقول الكل شايفها مش ست ولا انثي. ليييه حتي هو بيقولها انك صاحبي. وقفت العربية في مكان هادي وبعيد. ونزلت وقفت في الهوا. وافتكرته لما كان قريب منها. اول مرة تحس انه هادي وكلامه رقيق. وابتسمت لما حطت ايدها علي شعرها وافتكرته وهو بيلمسه.
تمارا هو انا ايه اللي بيحصلي ده. انا ازاي بقيت كدة وبفكر بالشكل ده. وليه شهاب بالاخص. 
وازي ورت نفسي في رهان زي ده. انا غبية.. غبية.. انا عمري ماهقدر اخليه يحبني هو الحب بالعافية. وشهاب بالاخص. كل الستات دي حاوليه وهيبصلي انا! اول مرة تكوني غبية يا تمارا. هتروحي انتي فين وسط كل دول بس. وبعدين اااانا من امتي ليا في الحب والكلام ده. يانههار مش فايت. انا هعمل ايه بس. 
......................................
في قاعة الحفلة. رعد واقف مع همس.
رعد ملكة قلبي مبسوطة.
همس بتحاول تداري حزنها اكيد حبيبي. بس كان نفسي اشوفهم واقفين سوا وايديهم في ايد بعض. وبصت علي حلا وفادي.
رعد ابتسم كل شئ بأوان. انا في الاول كنت ضد فكرة هنا. بس بعد كدة لقيت ان ابنك مش هتغير غير كدة. سبيه يتربي. حلا دي جوهرة هو مش مقدرها. ولسة ده انا مجهزله مفاجأة هتخليه يطلع ناار من ودانه.
همس حراااام بقي ابني بيتقطع.
رعدلا مش حرام وانا مش هسيله غير لما يرجع لمراته واحد جديد.
مهاب واقف مع سامح بيتكلموا وقرب منهم شهاب ومؤمن.
شهاب ابتسم اهلا بالكبار. الحفلة منورة.
مهاب ابتسم منورة بيكم. هاه عاملين ايه .
شهاب بخير ياباشا.
سامح فينك ياواد انت وهو. خلاص نسته سامح باشا.
مؤمن واحنا نقدر بردوا يا باشا. الا سيادتك ده انت مثلي الاعلي.
سامح عامل ايه يا شهاب. عرفت انك هتشتغل مع تمارا. خالي بالك تمارا زي ابوها مش سهلة.
شهاب بص لمهاب بثقة ولا انا سهل يا باشا. انا مهما كان شهاب الحديدي.
مهاب بص لسامح وابتسم تعالي ياشهاب عايزك.
سامح ولا يا مؤمن الحفلة ملغمة.
مؤمن ههههههههه. اه والله ياباشا كل دي ستات ده الواحد بقي حالته صعب.
سامح هههههههه. ياولا وانت ساكت كدة مافيش حاجة كدة ولا كدة.
مؤمنسيبلي نفسك انت وانا هخليك الليلة عريس.
سامح الله يحرفك يا فقري. مراتي في الحفلة هطربقها علي دماغنا.
مؤمن هههههههههههه.
شهاب اؤمرني حضرتك.
مهاب بص يا شهاب. تمارا مش صغيرة وعارف انها مسؤلة عن نفسها. بس انا دلوقتي بكلمك بصفتي أب. خالي بالك من تمارا. لو جرالها حاجة انت المسؤل.
شهاب بغصة في قلبه ماتقلقش. تمارا في عنيا. هترجعلك بخير.
مهاب شهاب تمارا تبان قوية . بس جواها طفلة ماحدش بيشوفها غيري . اياك حد يأذيها حتي لو انت مش هرحمك وقتها.
شهاب استغرب ليه بيقول كدة انا!! انا عمري ماهأذيها.
مهاب لو فكرت ياشهاب ټنتقم منها وتوجعها هنسفك.
شهاب بقوة انت ليه بتقولي كدة
مهاب علشان انا عارفك مابتسبش طارك. ولو بنتي اتوجعت هتكون نهايتك.
شهاب استغرب هو ازاي بيعرف اللي جواه مين قالك اني عايز انتقم منها. اللي حصل عدي خلاص.
مهاب انا بس حبيت اعرفك مين هو مهاب عز الدين .
سابه ومشي وشهاب بيفكر في كلامه.
الكل واقف في الحفلة ومنظم الحفلة مسك المايك.
احممم ارجوكم يا جماعة