حبيته

وانا راجعه بالليل من عيد ميلاد صاحبتي
وقفت تاكسي ..لو سمحت مدينة نصر
اتفضلي يا آنسه
ركبت ومسكت الفون ارد على رسالة لبنى أختي ع الواتس
انا خلصت العيد ميلاد وجايه في السكه
بصيت قدامي لمحت السواق بيبص لي
بشكل مريب في المراية.. اول ما عيني جت في عينه
شالها على طول ..وبعدها مسكت الفون تاني
اقلب فيه ..ورجعت ابص ع المرايا لقيته
برضو باصص ..بس المرة دي فضل مركز معايا
عينه في عينه مش عايز ينزلها
نزلت انا عيني ورجعت ابص في الموبايل تاني
وبعد دقايق لقيته بيهدي ..في واحد شاور له
ركب جنب منه
كان معايا فون ومركزتش أوي مع الشخص الي ركب

وبقيت انا لوحدي في التاكسي مع راجلين
طلع السواق علبة سجاير ولسه هيولعها
قولته له
انت بتعمل ايه يا أسطى
خير يا انسه في حاجة !!
من فضلك بلاش تدخين انا عندي حساسيه
ومش بتحمل ريحة السجاير
هفتحلك الشباك ومفيش دخان هييجي عندك
لو سمحت أنا مش هتحمل الريحه
وانا مقريف وبصراحه طالبة معايا ادخن
أتعصبت منه ..ومن نظراته ليا وزعقت فيه
ايه قلة الذوق دي !!
قلة ذوق كمان ...تصدقي انك وحده ...
اتدخل الراكب اللي جنبه وقال
وحد الله يا أسطى مش كدا
لا اله الا الله ..انت مش سامع كلامها يا هندسه
طب معلش ..اكيد هي متقصدش
ولا ايه يا انسه ..
ساعتها بص لي
الحقيقة عيونه كانت جذابة بشكل مش عادي
حسيت اني أتكهربت
لقيت نفسي بلمت وأنا باصه لعنيه
هو كمان بص في عيوني والنظرات ما بينا طولت
السواق كان مستغرب ..واتعصب اكتر من الموقف
يا حضرات .
انت يا أستاذ
كنا في عالم تاني
عيونه لما شوفتها رجعت ليا ذكريات جميلة
كنت متخيلة اني نسيتها من زمان
السواق فرمل مرة واحده وقال
لا ماهو انا مش كيس جوافه هنا ..انتوا فاكرين نفسكم فين
ساعتها بس فوقت وانا بقول
احممم ..هو انت وقفت ليه يا أسطى
وقفت عشان انزل واسيبكم على راحتكم
اصلي حاسس اني عزول
ايه اللي انت بتقوله دا ..انت حيوان وقليل الادب
انا حيوان .طيب انا هوريكي الحيوان اللي بجد بقى
فتح الباب ونزل ..ولف وكان جاي عشان
ېتهجم عليا ..شوفت في عيونه نظرة شړ
مد إيده على الباب ولسه هيفتح ..
الراكب مسكها وقاله
انت بتعمل ايه !!
وانت مال أهلك انت التاني
مال