امى
بهدوء مااحنا هنروحلهم.
اتفاجئت وقولتله نروحلهم فين!
قالى شرم الشيخ.
قولتله ازاى يعنى !! مينفعش طبعا هسافر معاك بصفتى ايه ومينعش اقعد معاك فى مكان واحد ومفيش بينا حاجة رسمى.
قالى اسمعينى انا مقولتش هتقعدى معايا كل الحكاية انى عايز اعرفهم عليكى هناك وتبقا فرصة كويسة تقضى معاهم فترة اكبر عشان مينفعش لما يجو من السفر تكونى موجودة عندنا كل يوم واحتمال يشكو فى حاجة.
سألته بعد تفكير منا لو سافرت مينفعش اقعد فى نفس المكان اللى انتو فيه.
قالى متقلقيش انا بفهم فى الاصول كويس ولما نوصل هحجزلك اوضه فى الفندق اللى جمب الشاليه بتاعنا حلو كدة.
قالى منا قولتلك عشان تقضى معانا وقت اكبر وياخدو عليكى اكتر ومينفعش وانتى هنا كل يوم تكونى عندنا فى الڤيلا عشان محدش يتكلم عليكى انما هناك احنا هنكون فى مكان محدود وهنتقابل معاكى كتير يارب تكونى فهمتينى.
قولتله بتوتر طب هنسافر امتى
قالى بكرة الصبح تكونى جاهزة..... فى عندك اسئله تانى
قولتله بحرج انا عارفة انى سألت كتير بس انا متوترة شوية من الخطوة دى ومش عارفة همثل ازاى انى مرتبطة بيك وخاېفة يلاحظو حاجة او تحصل مشكلة اهو معرفش بقا حاسة بقلق وخلاص.
قالى لا اهدى خالص ومتتوتريش واتعاملى بطبيعتك وبعدين مش المسلسل الهندي دة كان فكرتك ولا ايه
قالى خلاص يبقا ملهوش لازمة التوتر بقا ومتقلقيش هتعامل معاكى بأحترام بس اهم حاجة مش عايز امى تعرف اى حاجة بخصوص جواز جوزها اتفقنا.
قولتله ان شاء الله.... اشوفك بكرة بقا.
قالى تمام تصبحى على خير.
قولتله وانت من اهله.
..............
قفلت معاه ولقيت مريم مبتسمة فاقولتلها مالك فى ايه !
قالتلى بهيمان اصلى حاسة انى بتفرج على مسلسل وشكل قصة الحب هتبدأ خلاص.
قولتله حب ايه يامريم بطلى هبل انتى مش سمعانى وانا بقوله هنمثل.
قولتلها بنفاذ صبر قومى نامى يامريم عشان انا فيا اللى مكفينى ومش ناقصة الهبل بتاعك دة.
قالتلى بضحك قالقوليلى هو انا هحب مين مش صاحب البطل هيحب صاحبة البطلة برضه ولا ايه
ضړبتها بالمخدة وقولتلها دة انتى اټهبلتى على الاخر.
...............
تانى يوم الصبح جهزت شنطتى وطلعت من البيت بعد مااستأذنت مامه مريم وسلمت عليهم ومشيت
قالى وهو بينزل من العربية صباح النور.
وبعدين اخد منى الشنطة وحطها جوة العربية وقالى وهو بيركب يلا اركبى.
فابتسمت وهزيت راسى بنعم وشوفت مريم ومامتها واقفين فى البلكونة وبيشاورولى بأديهم وهما بيضحكو واول ماركبت مريم اتصلت بيا فارديت نعم بامريم!!
قالتلى ايه الحلاوة دى دة طلع مز والله وقعتى واقفة يابت.
كحيت بخفة وبصتله بحرج وبحمد ربنا انه مش سامع كلامها وحاولت اغير الموضوع وقولتلها ماشى يامريم لما اوصل هكلمك.
قالتلى يارب صاحبه يبقا حلو شبه كدا يارب.
قولتلها وانا بحاول ادارى ضحكتى طيب يامريم عايزة حاجة
قالتلى اه خدونى معاكم والنبى.
طلعت منى ضحكة خفيفة خليته يبصلى وبعدين رجع بص للطريق فاحطيت ايدى على بقى وقولتلها بصوت واطى اقفلى ربنا يهديكى اقفلى.
ولما قفلت معاها فاجئنى لما قالى ضحكتك حلوة على فكرة.
بصتله بحرج ومعرفتش ارد عليه فابتسم وسألنى انتى عندك كام سنه
قولتله بصرامه ليه
قالى بأبتسامة عشان اطلعلك بطاقة.
استغربته فاقالى بنفس الابتسامة مالك فى ايه ! اكيد بسألك عشان ماحطش فى موقف محرج لو حد سألنى هناك على حاجة تخصك.
تفهمته وبصتله بحرج وقولت عندى 23 سنه.
قالى طب عرفينى عن نفسك كدة عشان طريقنا طويل.
قولتله بحرج طب ماتقول انت الاول عشان انا مش عارفة ابدأ منين بصراحة.
بصلى بأبتسامة وبعدين بص للطريق وقالى انا ياستى فارس محمود الخولى عندى 29 سنه ومعايا بكلريوس تجارة وحاليا بدير شركة والدى الله يرحمه بقالى 7 سنين حتى من قبل مايتوفى كان معينى المدير على الشركة وعيلتى عبارة عن امى ياسمين واختين هدى اكبر منى بسنتين ومتجوزة
