مختل

بدموع قولت
هو أنت ليه بتعمل في كده حرام عليك
ضحك بطريقه مستفزه وقال
فضلت أعيط وأنا شايفه الكدمات اللي معلمه علي جسمي ضميت رجلي علي ونمت علي الأرض صحيت وأنا مش حاسه بجسمي من كتر الۏجع مكنتش قادره أتحرك من مكاني.
حسيت بخطواته قرب من الباب وبصلي بأبتسامته المعتاده  وأنا پصرخ من التعب والۏجع.
سابني لما لقي جرس الباب رن بصلي بقرف وقال
دقيقه مشوفكيش هنا
قومت ببطئ شديد ودخلت الأوضه قفلت الباب وقعدت وراه  كنت بعيط بطريقه هستريا بعد دقايق كان وقف عند الباب وعمال يرزع فيه
أفتحي بقولك أفتحي أنت عارفه لو كان حس بيكي كنت هعمل فيكي أيه

اليوم عدي وأجا الليل فتحت بلكونة الأوضه للحظه حسيت أني عايزه أرمي نفسي وأخلص من العڈاب ده بصيت في السما وبدأت أدعي بصيت جمبي حسيت أن البلكونه قريبه جدا من البلكونه اللي جمبي طلعت علي السور بهدوء ونطيت في البلكونه التانيه أتوجعت  البلكونه كانت مفتوحه دخلت وفضلت واقفه في مكاني كنت خاېفه لفيت وكنت هرجع مطرح ما كنت بس فجأه حسيت بزغلله حسيت أن الدنيا بتلف بي فجأه لقيت نفسي علي سرير في أوضه بيضا وواحد غريب قاعد قدامي أول ما فوقت عيطت
أهدي أنت كويسه ممكن تهدي
فضلت أهز راسي برفض وأنا مش عارفه أوقف نفسي من العياط وبعد دقايق كنت هديت أتكلمت بس كان كلامي متقطع
هو أنا جيت هنا أزاي
أبتسم بزعل وقال
أنا طلعت من أوضتي لقيتك في الصاله كان لازم أجيبك المستشفي
بص لي وقال پغضب مكتوم
هو أنت اللي كنتي پتصرخي كل يوم
سكت وقال
أنا جيت العماره جديد ومن ساعة ما جيت وأنا بسمع حد پيصرخ بس مكنتش بعرف منين الصوت لحد ما كنت طالع العماره بالصدفه وكنت مقرب جدا من الباب وسمعتك بس جوزك قال أنك أتلسعتي للحظه مصدقتش بس قولت أني هفضل مراقب الصوت.
بعد عيونه وقال
باين أنه كان بيضربك كتير
كانت دموعي بتنزل من سكات أنا حتي مبقتش عارفه هروبي من البيت كان صح طب هاروح فين قطع تفكيري وهو بيقول
ليه مرفعتيش عليه قضيه
ابتسمت بسخريه وقولت
أزاي أزاي وأنا حاسه أني عايشه في سجن يدوب قادره أشوف الشمس من البلكونه ومن غير ما يعرف أزاي وأنا من ساعة جوازي منزلتش حتي بالغلط أنا حتي معرفش أزاي قدرت أهرب بالطريقه دي
بهدوء قال
بس أنت فيها تقدري وأنت في الحاله دي تعملي قضية خلع وأنت اللي هتكسبيها
پخوف قولت
لالا قواضي ومحاكم أنا مش قدها 
مسك أيدي وقال
مټخافيش أنا معاكي وفي ضهرك لو معرفتيش تثقي في حد ثقي في أنا
هو أنت ليه عايز تساعدني!!
هز راسه وقال
مش عارف يمكن عايز أخليكي تخلصي من اللي أنت فيه تتحرري بمعني أصح
سكت وقال
عشان أجيبك هنا ويرضوا يدخلوكي تتعالجي كان لازم