المجهول

ماما: يلا يا اسيل عندك امتحان اتاخرتى 

انا: حاضر صحيت خلاص 

ولبست بسرعه وخرجت روحت امتحان بس المره دى ونا ماشيه محستش ان فى حد بيمشى ورايا شكرت ربنا كتير وروحت الامتحان كان اول    يوم لياا وعدت فتره امتحاناتى وكنتش بحس ان فى حد بيمشى ورايا بس كانت بتجيلى نفس الرسايل كل يوم قبل مانام كانت كالتالى

,, وحشتيني 

حليتى كويس 

بحبكك

انتى بتاعتى 

ابقى داخلى شعرك ومطلعهوش م الطرحه،،

وانهارده خلصت امتحانات كانت فتره وچشه بمعنى الكلمه كانت نفسيتى تحت الصفر بسبب وحدتي بقيت بنام كتير ومبخرجش خالص 

وفى يوم كنت حرانه اووى لبست الطرحه وطلعت البلكونه قعدت على الكرسى وبقرا روايه والجو جميل والسمھا شكلها يجنن باليل ونا ببص على    السمھا لقيت خيال اسود فى نفس البلكونه خوفت وبصيت كويس عشان اشوف مين دا معرفتش قومت دخلت ونا بفكر مش ممكن تكون الشقه اللى جنبنا مسكونه لازم اسال ماما واعرف مش عايش فيها وقبل منام لقيت رساله م نفس المجهول بتقول👇🏻

'(انتى شبه السماا جميله فى كل حالاتك هاتعملى فياا اى اكتر من كدا بس هانت اهو وتبقى جنبى على طولـــ، 

تصبحي على جنه يا جنتى♥') 

انا بجد حبيت الرسايل دى واتعودت عليها قبل منام وفى نفس الوقت انا خايفه جداا ياريت لو كان فى حد قريب منى كنت حكيتلو كل حاجه اتنهدت    ونمت تاني يوم صحيت اتوضيت وصليت ولبست فستان فيرانى وطرحه بيضه وشوز اسود وخرجت لقيت ماما بتحضر الفطار 

اناا: صباح الخير ياماما

ماما: صباح النور ولبسه ورايحه فين دلوقتي؟ 

انا: خارجه اتمشى شويه زهقت من قعده البيت 

ماما: طيب افطرى الاول.. 

انا: حاضر...... اومال بابا فين 

ماما: طلع يدور على شغل 

انا: تمام ربنا يسهل ويلاقى 

ماما: يارب 

انا: صحيح ياماما مين اللى ساكن الشقه اللى قدامنا 

ماما:شب كدا شكلو غريب مش بشوفو خالص بس الناس بتقول انو لوحدو وخلص جامعه السنادى 

انا: عايش لوحدو!!! 

بدات اخاف اكتر مش معقول يكون الخيال الاسود بتاع كل يوم.... 

انا: ماشى ياماما انا طالعه 

ماما: متتاخريش 

انا: اوك سلام خرجت واول مطلعت م الشقه لقيت الشخص دا كان عطينى ضهرو ولابس اسود وفتح الشقه ودخل انا اترعبت والشقه سوده وشكلها يخض نزلت بسرعه ورحت اتمشى على البحر كان الجو يجنن والهوا جميل اووى قعدت على الشط ونا بفكر فى اللى بيحصلى كنت    عايزه احكى لحد واخد رأيوو بس مفيش فون رن وكانت اختى سلمت عليا وقالت انها جايه تقعد يومين هى وبنتها فرحت انها جايه واقعد معاها وانسى اللى بيحصل روحت المغرب كده ونا طالعه كان النور قاطع و السلم ضلمه وفتحت الفلاش ونا طالعه بس لقيت حاجه بتتحرك جنبى اتخضت ووجهت الضوء    ملقتش حاجه سميت بالله وطالعت وبخبط بس بردو حاسه ان فى حد ورايا فتحت ماما ودخلت اوضتى على طول قعدت ع السرير اعيط بجد تعبت مش كل شويه اتخض كدا نفسى اعرف مين بيعمل معايا كدا؟؟؟؟ 

واختى جات هى وبنتها والنتيجه بتاعتى طلعت جبت 95.5 فرحت جدا وفى نفس اليوم بنت اختى دخلت البلكونه بتاعتى وبعدها بشويه لقيتها جايه ومعاها شكولاته كبيره سالتها

انا: جبتيها منين يا رقيه 

رقيه: عمو فى البلكونه دى عطهانى