عروس منبوذه
انت في الصفحة 11 من 11 صفحات
بصت امي للأرض ومسحت دموعها قرب مني ابويا وكان هيحضني بس بعدت وانا ببكي …مكنتش مستعدة لاي مباردة عاطفية منهم …صحيح اتمنيت اللحظة دي من زمان بس الlلم اللي في قلبي اكبر من اي حاجة …
…
مشيوا اهلي بس مبطلوش يتواصلوا معايا كانوا بيطلبوا المسامحة بس انا مكنتش قادرة بس رغم كده كنت بصل الرچم وبسأل عليهم …كنت بعاملهم كويس بس من جوا قلبي مكنتش قادرة اسامح ابدا …
جوازي من مروان بقا حقيقي …هو بنفسه اعترف بحبه ليا وطلب لينا فرصة مع بعض ووافقت بس اتفقنا نأجل الخلفة عشان رحيم …
بعد اربع سنين ….
قال من ورانا :
-عارفين لو مسكت حد فيكم لأنفخكم والله …أنا تعملوا فيا كده …
كنا بنضحك أنا ورحيم علي شكله …من اول ما رحيم كبر وانا وهو بدأنا نعمل مقالب في مروان …بصينا لوشه اللي عليه الالوان وضحكنا تاني بس للاسف قدر يمسكنا احنا الاتنين …شدنا للبيت وبعدين مسك ودانا وقال:
-مش هتبطلوا اللي انتوا بتعملوه ده شعري شاب منكم …
-الله يا مروان متبقاش قموص بقا فرفش يا ببلاوي احنا في رحلة
شد ودني جامد:
-اسكتي انتي عشان حسابي معاكي بعدين …
راح لرحيم وقال:
-يووه يا بابا ما انا قولتلك قبل كده نفسي في اخ او اخت زي صاحبي عمر وانتوا مش عايزين تجيبولي اخوات وقاعد لوحدي زي القرد …
ضحك وانا مكسوفة فراح مروان بصلي وقال:
-القرد ده عنده حق …آن الأوان نفكر نجيبله اخ وتسيبي البرشام هيا بنا …
ۏقپل ما استوعب كلامه كان شالني زي شوال البطاطس فقولت؛
-بتعمل ايه يا مجڼون؟!
-رايح اجيب للواد اخوات ولا انتي عايزاه يطلع متوحد …
ضحكت علي جنانه وانا مبسوطة وعرفت اني عمري ما هحب حد قد مروان♥️
نزلني مروان علي الأرض فقولت:
-بحبك اووي ♥️
-وانا كمان يا سلوم♥️
ولسه هيقرب مني دخل رحيم وقال:
-يا بابا عايزة اسمع معاكم الكرتون دلوقتي معاده
بصله مروان بق*رف وبعدين شاله وقعده جمبه علي السرير وقال:
-وماله يا حبيبي نسمع الكرتون بس بكرة متسألنيش ليه معندكش اخوات وأنك زي القرد لوحدك …
ضحكت عليه وانا مبسوطة بعيلتي الجديدة …عيلتي اللي ادتني حب كبير♥️
بالنسبة لأهلي أنا سامحتهم وبودهم قد مقدرتي بس طبعا لسه قلبي شايل منهم بس عارفة أن الوقت هيمحي الزعل …الوقت قادر يشفي الجر*وح
تمت ♥️
