جمعت

كبير قد ابوكى بس هوريكى وهعرفك مين عامر
عم جادالله عامر ادخل يا ابنى شوف الجنينه محتاجه ايه لحد ما اشوف جناينى يجى يشتغل فيها
عامر حاضر يابا... وعامر دخل يسقى الجنينه وفى دماغه منى اوى لأنها جميله جمال لا يقاوم وصغيره وهو شايف أن محمد غايب ع طول بره البيت ومش بيقعدوا حتى مع بعض خالص وشايف جفاء فالمعامله
ومنى راحت الجامعه وكانت قاعده مع اصحابها بس فى صاحبه مقربه ليها اسمها مى وهى بتحبها اوى
مى مالك يا منى بتفكرى فى ايه اكيد محمد واحشك
منى محمد اممم انا عايشه أسوأ سنه فى حياتى يا بنتى ده بيجى تقضيه واجب وساعات كتير بحس أنه بيستغل فقرى علشان اعيش معاه
مى ليه هو فى حاجه
منى بقولك بيستغل فقرى أو بيستلذ ده مش عارفه بصى لما الاقى حل للى انا فيه هقولك فى ايه. عموما انا مش مرتاحه ده غير فى كده ولد ابن البواب اللى عندنا فالڤيلا حساه مش طبيعى
مى ابن البواب ماله ده كمان وازاى مش طبيعى فهمينى بقى فى ايه !! علشان اتوغوشت عليكى
منى انا خاېفه منه وساعات بحس أنه كويس انا مشاعرى متلغبطه ناحيته
مى نعم انت المفروض ميكونش فى مشاعر اصلا انتى متجوزه يا بنتى !! بقولك يا منى عيشى ربنا مديكى زوج كويس وفلوس..
منى اه فلوس ونبى انتى ما عارفه حاجه انا مروحه تعالى اوصلك
مى لا انا مستنيه ناس
منى هتندمى
مى بقولك مستنيه ناس هههههههه
منى اه فهمت حماده 
مى اه
منى قالت فى سرها يا بختك كان نفسى اتجوز ع حب واعيش قصه حب زى اى بنت انا تعيسه ومش مرتاحه فى حياتى خالص
ومنى ركبت عرببتها وعدت ع بيت مامتها وسلمت عليهم وروحت ع ڤيلاتها واول ما دخلت لاقت البوابه مقفوله ونزلت من العربيه وفضلت تدى فى كلكس ومحدش رد وقالت ايه القرف ده هو عم جادالله فيييين وفين سى عامر ده كمان!
وفضلت منى ټضرب كلكس وبردوا مفيش حد راحت مسكت الفون واتصلت بالداده بتاعتها وسألتها ع عامر وأبوه بس الداده قالت لها انا هخرج افتح ليكى وهفهمك حصل ايه 
وفعلا الداده خرجت وفتحت بوابه الڤيلا
منى ايه يا داده فى ايه فين سى عامر ومش شايف شغله ليه
الداده وكان اسمها أمنه وقالت يا مدام منى عم جادالله تعب جاله تعب فالكلى وعامر راح وداه المستشفى
منى اه يا حرام ربنا يشفيه
ودخلت الڤيلا هى والداده وفضلت الداده تحكى ع تعب عم جادالله وأنه عنده فشل كلوى وبيغسل كلى كل اسبوع
منى معاكى رقم عامر هخليكى تكلميه تطمنى على عم جادالله
الداده أمنه ايوه يا مدام منى ع تليفونى خوديه طلعيه علشان مبفهمش حاجه فيه يا دوب برد واقول الو وبس 
منى هاتى يا داده ومسكت الفون ولاقت رقم عامر واتصلت وخلت الداده أمنه تكلمه وتطمن عليه بس عامر كان مضايق وقال للداده ان أبوه محتاج زرع كلى و
علشان يعيش وقفلت معاه
منى هو تعبان اوى عم جادالله
الداده أمنه محتاج زرع كلى يا مدام
منى يااااه وهيجيب منين
الداده أمنه والله ما اعرف يا مدام منى
منى ابتسمت وقالت عارفه يا داده لما بتقولى يا مدام بحس انى عجوزه أو ست كبيره  قولى يا منى انا كلى ع بعضى 20 سنه
الداده أمنه خلاص بس محمد بيه لو شافنى هتبقى حكايه
منى ههههه مش لما اشوفوه انا الاول
الداده أمنه هو بيغيب وبيرجع من ساعه ما رجع مصر وهو ع كده
منى اه بقولك يا داده انا مېته من الجوع
الداده أمنه حاضر من عنيه يا بنتى
منى تسلم عيونك
والداده أمنه دخلت المطبخ وحضرت أكل خفيف ل منى ع اساس لما محمد يرجع تتعشى معاه لانه هو قايل أنه راجع ع 7 بالليل
وحضرت الداده الأكل ل منى ومنى غيرت هدومها وطلبت تأكل فى اوضه نومها وفجأه الفون رن ولما شافت الفون قالت ايه ده.. ده عامر !! وردت عليه وقالت الو
عامر مدام منى هو محمد بيه موجود علشان عاوزه فى موضوع ضرورى وفى نفس الوقت مش قادر اسيب ابويا لوحده
منى هو هيكون موجود على 7 ده اللى اعرفه يا عامر
عامر شكرا يا مدام وقفل وهو مضايق من طريقه منى وقال دى