اتقابلنا

 وټحرق في روحي... عشت اسوء ايام حياتي عمري ما هنساها.... واهو جيت وقدامي وكل حاجه فيك كويسه وتمام..وعمار اللي اعرفه.. . بس انا مبقتش ليلي اللي تعرفها ولا حتى اللي انا اعرفها..... انا مش عايزة اشوفك تاني.
نزلت من العربيه وجريت لشارع جانبي كان كل همي اختفى عن نظره
عمار... انا لسه تحت تأثير الصدمه.. مش متخيل انها شايله منى للدرجه
دي... مكنتش اعرف ان غيابي سببلها كل ده.. طب ده انا بعدت عشانها هي.. عشان موجعهاش.. معقول بعادي ۏجعها للدرجه دي.. طب ما وجودي كان هيوجعها اكتر... انا مكنش الموضوع سهل عليا زي ما هي متخيله انا كنت كل يوم بفكر اني ارجع.. بس مكنش ينفع

مشيت وانا بتخبط في الناس ومش عارفه اصلا انا بقيت فين انا عايزه ابعد وخلاص.... و افتكرت اول يوم شوفته فيه... يوم اللعنه ايوه انا سميته كده لأن من بعدها وانا حياتي اتقلبت وبقيت واحده تانيه
تحب تطلب اي يا فندم
رفع رأسه وبصلي وانا كمان كنت باصه له مستنيه إجابته بس اول ما عيني جت في عينه شوفت كميه ۏجع وحزن مش طبيعيين خلوني واقفه قدامه منطقتش حتى ما سمعتش هو طلب اي
_يا انسه سمعاني
ها.. آه... تمام تحت امرك
روحت وطلبت له عصير ليمون انا معرفش هو عاوز اي بس انا شوفت انه محتاج عصير ليمون يهدي نفسه شويه وهيشربه.... انا مش بالعادة اني بفرض رأيي علي حد بس معرفش لي حسيت اني واجب عليا اعمل كده وهو هيسمع الكلام
ليلي العصير اهو
تمام
اتفضل حضرتك
_اي ده
عصير ليمون
_والله ده علي اساس اني مش شايف انا بسأل لي جيباه انا طلبت قهوة علي ما اظن
لا القهوه مش هتفيدك العصير افيدلك دلوقتي
_نعم
اي مالك.. اسمع مني القهوه هترهقك اكتر لكن العصير هيروقك
_وبعدين ٠!
قعدت على الكرسي اللي قدامه... انا مش عارفه انا بعمل اي.. بس النظره اللي في عينه يمكن هي اللي مخلياني اعمل كل ده
بص بقى اشرب بس وروق دمك وبعدين نتكلم
بصلي باستغراب وكأني مجنونه... هو انا فعلا مجنونه... وليكن المهم اني عاوزه اعرف ماله
_انتي عاوزه اي!
مالك
_نعم!
فيك اي يعني... احكيلي
_انتي طبيعيه.... وأي الي يخليني احكيلك هو انا اعرفك
مهو ده الشئ الكويس في الموضوع... عارف في مره شوفت بوست علي فيس بوك بيقول نفسي اقابل شخص معرفوش ولا هو يعرفني ونقعد نحكي لبعض عن كل حاجه وبعدها كل واحد يروح ما كان ماجه ومنشوفش بعض تاني ابدا اعتبرها كده... احكي وانا لو شفتك مره تانيه مش هعرفك اصلا
ابتسم ابتسامه صغيرة وبصلي بعدين قالي