شقه

كنت محتاج شقة تكون قريبة من الكلية بتاعتى

و خصوصا ان انا متغرب و معرفش حد فى

اسكندرية و كان ليا صاحب اسمه هيثم كان

مسافر بقاله اربع سنين بره مصر و لما عرف

انى محتاج سكن قريب من الكلية بتاعتى قالى

انه لاقى ليا سكن فى اسكندرية ..هيثم قالى

انه سايب ابوه لوحده من ساعة ما سافر بره

مصر و انه رايه انى اقعد مع ابوه الاربع سنين

بتوع الكلية فى شقته القديمة منها اوفر فلوس

للسكن و اروح الكلية مستريح و منها انى اخدم

ابوه و اخلى بالى منه ..هو عرض عليا العرض

ده ..الصراحة كان عرض كويس ..مفيش مشكلة

انى اخدم راجل كبير فى السن مقابل انى اوفر

فلوس السكن ديه و فى نفس الوقت الشقة

قريبة من الكلية ..رحت فعلا الشقة و قابلت

ابوه ..كان اسمه الحج متولى ..الحج متولى

كان راجل طيب اوى ..اتعلمت منه حاجات

كتيرة ..من كتر حبى ليه كنت بأخد رأيه

فى كل حاجة ..كان حتى بيذاكر معايا

المواد اللى كنت بمتحن فيها عشان يشجعنى

..كل اللى اقدر اقوله انه كان راجل بركة ..

صحيح اول ما دخلت بيته كان شكله غريب

شوية و حكاية انه مكنش بياكل اى حاجة

ادامى كانت قلقانى لكن بعد ما عرفته و اتعاملت

معاه حبته اوى و حسيت انه هو ابويا بجد ..

بعد الاربع سنين بتوع الكلية ما خلصوا ودعت

الحج متولى جامد و حضنته اوى و خدت

صورة سيلفى معاه بتليفونى زى اللى حضرتكم

شايفنها فى الصورة كده ..كان شكله زعلان

اوى وقتها و كان بيعيط مكنش عايز يسبنى

لأنه كان بالنسبة ليا ابويا و انا كنت بالنسبة

له ابنه ..بعد ما ودعته الحج متولى راح

اوضته و جاب منها كيس كبير مربوط

بفيونكة زى الهدايا كده ..قالى ان الهدية

ديه كان مجهزها من زمان و كان عايز

يدهالى فى اسرع وقت ..الحج متولى

قالى ان الهدية ديه اول ما اوصل البيت

افتحها و اتصل بيه اقوله رأيى فيها