هدير

عيونها
كانت جميله ..عيونها شدتني ليها
احم احم .طيب انا هسيبك ترتاحي هنا وتنامي 
وانا هنام في الصاله ..او ممكن انزل وانام عند حد من صحابي
لا طبعا ازاي تقول كدا دي شقتك..خليك انت هنا
وانا هنام في الصاله
لا انا هنام في الصاله..معلش اصل الاوضه التانيه
مكركبه ومفيش فيها سرير
تصبحي على خير
صحيت من النوم ونزلت الشغل 
وبعد ساعتين لقيت رقم غريب بيكلمني
ازيك يا حسام عامل ايه
مين 
مين ايه انا دعاء
دعاء!! 
دعاء صاحبة سهى اللي كنت معاك في الكافيه امبارح
واخدت نمرتك
ااه دعاء ازيك.. انا كويسه حبيت بس اطمن عليك
انا بخير الحمدلله ..بس مش هعرف اتكلم دلوقت
عشان في الشغل 
اوك ابقى طمني لما تروح ..باي
ايه البت الواقعه دي 
كملت شغل ولما رجعت ودخلت الشقه
افتكرت اني دخلت شقه غلط.. رجعت بصيت 
ع الباب من بره وسمعت صوت هدير بتقول 
لا هي شقتك تعالى تعالى
الشقه انا سايبها مكركبه الصبح والست اللي بتنضف
لسه معادها مش النهارده وكمان
في تغيير في اماكن العفش.. بس بقى الوضع افضل
ها ايه رأيك 
انتي لحقتي امتى عملتي كل دا
اول ما خرجت على طول اشتغلت كنس ومسح
ووضبت الشقه ومعلش لو عملت شوية تغييرات كدا
هايل الله ينور
بجد عجبك
اه جدا. بس ليه تعبتي نفسك كدا
تعبك راحه
يلا بقى غير هدومك عشان الغدا جاهز
كمان غدا
اومال يا استاذ احنا بنلعب
غيرت هدومي وقعدت ع السفره 
لقيت فراخ ورز وبسله وملوخيه
ريحة الاكل ومنظره يجننوا
يلا مد ايدك
انتي جبتي الاكل دا منين. 
من جوه
جوه فين التلاجه مكنش فيها كل دا
انا اصلا عايش ع الدليفري
لا جوه صدقني بس يمكن انت كنت ناسي
يلا مد ايدك الاكل هيبرد
فهمت انها جابت الاكل من الفلوس اللي معاها
اللي كان المفترض تسافر بيهم
اكلت والاكل كان طعمه لذيذ جدا
كانت مبسوطه وقالت لي يلا اغسل ايدك
على ما أصبلك الشاي
غريبه اوي الست دي.. دخلت حياتي ولخبطتني
في يوم وليله كدا ازاي
اتكلمنا سوا كتير.. كانت جميله روح وشكل 
حسيت اني اعرفها من سنين.. كانت صعبانه عليا اوي
فات يوم واتين ع الحال دا 
كنت فرحان اوي بوجودها في البيت
حياتي اتغيرت ونفسيا بقيت افضل 
وفي الشغل لاحظوا اني قمصاني وبنطلوناتي بقت مكويه. 
وبقى ذوقي مختلف في اللبس..في الوان
كنت مش بحسها هتبقى حلوه عليا.. لكن هي كانت بتخار لي كل حاجه بعنايه
الوضع مش كويس يا حسام
وميصحش ست تكون عندك في البيت
طب امشيها
مش هقدر
ليه
صعبانه عليا
صعبانه عليك ولا..
ولا ايه
ولا حبيتها 
معقول احب وحده مطلقه
وهي المطلقه دي مش بني ادمه ومن حقها تحب وتتحب 
وتعوض حياتها مع حد تاني... خصوصا وانا اتظلمت
كان صراع جوايا واسألة كتير بخصوصها
حلم جميل انا عايشه وخاېف افوق منه
هي كمان كانت مش عارفه تتصرف ازاي 
ومتردده ترجع بيت أهلها بعد ما سابتهم واتجوزت ڠصب عنهم..وعارفه ان وجودها عندي غلط ومؤقت مش هسيتمر
في مره شافتني بكلم دعاء وحسيتها غيرانه
وحاولت تعرف مين دي وبتكلمني ليه
هي غيرانه ليه عليا ..عندها مشاعر ليا!!
في يوم وانا اتاخرت بره ورجعت