فى عريس متقدملك
اشياء لو مكانتش موجوده في قلب شخص ميبقاش شخص عادي
لان كلنا بلا استثناء مشاعرنا هي اللي بتوجهنا
انتهت المقابله وانتهي معاها حوار مريح مع شخص مريح كنت اتمني لو اتقابلنا انا وهو في ظروف الطف من كده
وصلني للبيت وقبل ما يمشي مدلي أيده بابتسامه لطيفه زي قلبه
مبسوط بمعرفتك
ابتسمت برقه
انا كمان
عن اذنك
صحيح كنت عايز اقولك علي نصيحه
اتفضل
حاولي متعمليش زي البنات وترتبطي بشخص عشان تنسي شخص لانك بكده هتبقي بتظلميه وبتظلمي نفسك
اتخلصي من مشاعرك نهائيا ووقتها فكري في شريك حياتك اللي شايفه انك تقدري تكملي معاه باقي عمرك بدون قلق او خوف!
حاضر وشكرا انك قدرت مشاعري وفهمتني
هز رأسه بابتسامه بعدها لف ومشي من قدامي وانا واقفه في مكاني براقب خطواته لحد ما اختفي تماما
بعد مرور خمس شهور
اعمل ايه علشان اخليه يحبني
كان سؤال مطروح علي جروب علي الفيس قابلني ووقتها اخدني الفضول اقرأ الكومنتات
كان في اكتر من شخص كاتب كومنت لكن في الحقيقه مفيش كومنت شدني ولمس قلبي غير واحد
اخدت اسكرين وقفلت النت وفضلت حوالي خمس دقائق بقرا الكومنت اكتر من مره وبحاول اقنع نفسي باللي مكتوب وبالتقريب بدأت اقتنع وقلبي يرتاح
فتحت الاكونت مره تانيه ودخلت على الماسدجات اللي كنت بعتاها ل يزن من وقت ما عرفت بخبر جوازه
يزن علشان خاطري رد عليا أنا انا مش مصدقه والله لحد دلوقتي
يزن ا انت مش بترد عليا ليه انا فضلت مستنياك كتير اوي اوي مش انت وعدتني انك مش هتتجوز حد غيري انت قولتلي مهما طال البعاد مسيرك راجع ليا مره تانيه وانا والله كل ده كنت مستنياك!
انت عملت فيا كده ليه يا يزن انا عمري ما حبيت حد زيك
كنت في قمه ضعفي وغبائي ومشاعري متهانه
وفي المقابل مشاعره كانت في قمه القسۏه اللي في العالم
مسحت كل الماسدجات ومع اخر ماسدج مسحتها مسحت دموعي بكل قوتي وقررت امحي من ذاكرتي كل اللي فات
