طالق

على علي وقالت 
_عجبك فيها إي البت دي هاا! دي حتى مناخيرها كبيرهه!. 
قام علي بص وراه على اللاب توب ورجع بص لرودي وقال 
لا والله مناخيرها مش كبيرهه!. 
رودي تنحت وقالت 
_انت كمان بتدافع عنها! اديني سبب واحد يخليك تخوني ومع دي أنا قصرت معاك ف اي قولي دهه أنا بطبخ وبمسح وبكنس وبغسل ولنضف وقايدالك صوابعي العشرة شمع تقوم بعد كل دهه تخوني ومع الجربوعة دي!. 
قام علي قال وهو حاسس بالإحراج 
يا ستي والله مخونتكيش استني بس هشرحلك. 
قامت رودي قاطعته في الكلام وقالت 
_تشرحلي اي بقااا ما كل حاجه باينة أهي سايبني نايمة الساعة 11 بالليل وتقوم عشان تكلم الست بتاعتك هتكون بتكلمها لي مثلا! بص انت پتخوني مفيش أي تفسير تاني. 
قام علي قال وهو بيمسح على وشه بعصبية 
يا ستي مش خېانة والله مش خېانة. 
رودي ربعت ايديها وقالت وهي بتحاول تتحكم في عصبيتها 
_طلقني أنا مليش قعاد معاك تاني بعد كدهه علي طلقني بقولك. 
قام علي زعق وقال 
يبنتي إهدي والله انتي فاهمة غلط!. 
قامت رودي قالت وهي باصة بعيد 
_والله بقا فاهمة غلط أو صح مليش فيه طلقني بقولك. 
قام علي راح ناحيتها ومسك ايديها وقال بنبرة هادية 
طب اديني فرصة أقولك حاجة واحدة بس وبعدها هعملك كل اللي انتي عايزاه. 
رودي بصتله وهي متعصبة وقالت 
_هتطلقني برضو أصلا أصلا مش هتعرف تضحك عليا بكلمتين. 
علي اتنهد وقالها 
تمام.. فاكرهه لما قولتلك إنه فيه موضوع مهم جدا تبع الشركة اللي أنا شغال فيها ولو تم هتنقل نقله تانية!. 
سكتت رودي شوية وبعدين افتكرت وقالت 
_اااه فاكره ماله!. 
علي ابتسم وقال 
أهي اللي بكلمها ڤيديو كول دي بقا تبقى مديرة الفرع اللي أنا شغال فيه ولأنها برة البلد فطبيعي يكون فيه فرق في التوقيت وطبعا المكالمة كانت بتدور على الشغل اللي المفروض هروح أستلمه كمان أسبوع فهمتي يا حبيبتي!. 
رودي حست بالإحراج وقالت 
_يعني اللي أنا قولت على مناخيرها كبيرهه دي تبقى المديرة بتاعتك!!!. 
قام علي شاور براسه من فوق لتحت وقال 
للأسف ااه. 
_يا مصېبتي السوده. 
ممكن بقا تتفضلي جوه لحد ما أصلح العك اللي عملتيه. 
_بس أنا ماكدبتش هي فعلا مناخيرها كبيرة. 
قام علي زق رودي وقالها بعصبية مكتومة 
يا ستي عارف اتكلي على الله بقا. 
بعد ما رودي دخلت جوه رجع علي وقعد على الأنتريه تانية ومسك اللاب توب وقال باحراج 
_أنا حقيقي متأسف لحضرتك يا فندم بس أصلها مراتي شكاكة حبتين وبتغير عليا مۏت. 
قامت المديرة ابتسمت ابتسامة صفراء وقالت 
لا عادي ولا يهمك يا بشمهندس علي بس ياريت استقالتك تكون على مكتبي من بكرة الصبح وأنا أوعدك أول ما أرجع من السفر همضيهالك وعلى فكرة أنا مناخيري مش كبيرة.
قبل ما علي يلحق ينطق كانت المديرة قفلت المكالمة في وشه!. 
وقتها علي حس إن الدنيا اسودت في عينيه وقام بعصبية وراح ناحية الأوضة اللي رودي قاعدة وقال ررررووودددييي هطلقك وربنا هطلقك.
_