فريدة بقلم حماده هيكل
انت في الصفحة 1 من 3 صفحات
كامله
الدنيا قفلت قدامي جدا ليا 4 شهور
مش لاقي شغل بعد ما صاحب المطعم اللي كنت شغال فيه مشاني وشغل أخو مراته
الشقة الإيجار اللي قاعد فيها خلاص هنطرد منها
لو مدفعتش الإيجار اللي متأخر عليا كنت قاعد ع القهوة
مخڼوق ومش عارف أعمل أيه جاني تليفون
من أمين صاحبي قالي فرجت ياض يا عصام لقيتلك شغلانه
مكنتش مصدق نفسي واستلمت الوردية ليلتها
وفضلت شغال ع التاكسي فترة سددت ديوني والإيجار المتأخر ودفعت أجرة شهرين قدام كمان
في ليلة الوقت كان متأخر حوالي 4 الفجر
وقفت شوية على الكوبري ولعت سېجارة
كانت واقفه بټعيط ومڼهارة ركزت معاها شوية
وفكرت اروح اسألها مالها وايه موقفها لوحدها في الشارع
في وقت زي دا
ولكن قبل ما اتحرك لقيتها بتحاول تطلع على سور الكوبري
واضح انها عاوزه ټنتحر
جريت عليها بأقصى سرعه ولحقتها في آخر لحظة
فضلت تصرخ وتزعق فيا وتقولي سيبني سيبني
انا مخنوقه ومش عاوزه اعيش ..سيبني ربنا يكرمك
اسيبك ايه بس حرام عليكي اللي بتعمليه دا
فضلت تصرخ وتلطم على وشها
طب بس اهدي اهدي ..وبعدها فقدت الوعي
بصيت حوليا ومكنتش عارف اعمل ايه
شيلتها وحطيتها في التاكسي حاولت افوقها معرفتش
للاسف مكنش معاها شنطة ولا موبايل ولا حتى بطاقة
دا ايه المصېبة اللي انا فيها دي
لو فكرت اوديها للمستشفى مش بعيد ألبس تهمة
وانا معرفش هي مين
فكرت بسرعه طب ارميها ع الطريق وأخلع بس دي مش أخلاق ولا رجوله وبعدين ممكن يجرالها حاجة
مفيش قدامي غير أني أخدها البيت عندي ولما تفوق
هعرف هي مين وحكايتها ايه بالظبط
أخدتها معايا البيت ورجعت كملت شغلي لغاية الصبح
ما اشتريت فطور فول وطعمية وعيش سخن
رجعت وأثناء ما بجهز الأكل لقيتها فاقت
اتخضت اول ما شافاتني
أرجوكي مټخافيش انا مش هأذيكي
انا فين وبعمل ايه هنا وانت مين
انتي هنا في بيتي وانا عصام سواق التاكسي
اللي كنت واقف جنبك لحظة ما كنتي هترمي نفسك
من ع الكوبري...
وأنتي ليه عايزه ټنتحري
انا لازم امشي
على فين بس
كانت هتوقع وانا سندتها
استني شوية انتي لسه تعبانه اقعدي نفطر مع بعض
وبعدها هوصلك اي مكان أنتي عايزاه
فطرنا وبعدها عملت الشاي وانا بقدمه ليها قولتلها
انتي نشفتي دمي
انا !!
ايوه أغمى عليكي وكنت خاېف يكون جرالهم حاجه
وخصوصا اني معرفش عنك اي حاجة واني اجيبك هنا
كانت مجازفة كبيرة
وانت ايه غصبك انك تخاطر وتعمل كل دا
مش عارف !! بس هو مكنش ينفع اني اسيبك من غير ما أساعدك حتى لو اني مش عارفك وحتى لو هتأذي بسببك
انت طيب اوي يا ..
عصام ..انا عصام
وأنا فريدة
اهلا بيكي ..ممكن اعرف بقى
