فريدة بقلم حماده هيكل

ايه حكايتك يا فريده
وليه كنتي عاوزه ټنتحري
خدت نفس عميق وعيونها دمعت وقالت لي 
أن ابوها ماټ وهي عيلة صغيرة ومعاشه كان قليل 
مش بيكفيهم لنص الشهر وأن اخوها الوحيد كان لسه
طفل عمره سنه وهي كانت 12 سنه وقتها وبعد 
كام مدة امها اتقدم لها راجل واتجوزته
كان في الأول بيعاملها كويس لغاية ما خلف 
ومعاملته اتغيرت معاها هي واخوها  
وبعد فترة اتلم على شلة مش تمام سهر وحشېش
وقمار بقى مدمن قمار لدرجة أنه بقى بييع من عفش البيت ولما امي زعلت واشتكت ضرها وبهدلها
انا كنت مركزة في دراستي وربنا كرمني ودخلت معهد تمريض وبعد سنتين اتخرجت واشتغلت في مستشفى
كان بياخد نص مرتبي عافيه وپهدلة والا يرميني 
انا واخويا اللي في المدرسه في الشارع 
ويفضل يضرب ويبهدل في أمي
وباقي المرتب كنت بصرف بيه على نفسي وأخواتي حتى ولاده نفسهم 
مبقاش يصرف عليهم وانا بنت زي كل البنات عاوز أجهز نفسي بس منين مرتبي كله ضايع
وكل ما ييجي عريس بيطفشه ماهو انا الفرحه الي بتبيض له دهب وإستحالة يفرط فيا 
لغاية من كام يوم دخل البيت وهو سکړان 
واتعدى عليا ولما ضړبته وبهدلته جري زي الجبان
وامبارح كان عندي ورديه وراجعه من الشغل متأخر 
ضړبني وفرج عليا الشارع وطردني بحجة انه 
ميقبلش على نفسه بنت مراته ترجع متأخره من الشغل
الدنيا أسودت في وشي ومعرفتش اروح فين 
وفضلت ماشيه ماشية لغاية ما رجلي جابتني عند الكوبري 
ومعرفش أزاي الشيطان صورلي أن حياتي هتفضل چحيم كدا على طول  
طب الحمدلله أني لحقتك على اخر لحظة 
والا كنتي هتخسري دنيتك واخرتك
الحمدلله معلش انا مضطرة امشي دلوقت 
ايوه بس انا لازم أطمن عليكي
سيبها بظروفها ومتشكرة اوي على اللي عملته معايا
طب هتروحي فين بس !
متقلقش ربك كريم
مشيت وأختفت فترة ومعرفتش عنها حاجه 
لا عنوانها ولا مكان شغلها ولا رقم تليفونها
وفضلت ادور عليها كتير وملقتهاش وندمت اني سبتها 
تمشي كدا من غير ما اعرف هلاقيها فين وازاي 
بعد شهرين كنت بوصل واحد لمستشفى ولقيتها 
خارجه منها بلبس الشغل
جريت عليها زي المچنون من غير حتى ما اخد أجرة التوصيلة من الراجل
فريدة يا فريدة
عصام !!
انا مش مصدق نفسي أني شوفتك !
أبتسمت وقالت
مش قولتلك سيبها بظروفها
عامله ايه طمنيني عليكي 
انا بخير الحمدلله وانت ازيك
انا كنت قلقان اوي عليكي ودورت كتير 
والحمدلله اني شوفتك
ليه خير !!
ها ..لا أبدا بس انا كنت حابب أطمن عليكي
انا بخير متقلقش
هو انتي مروحه
اه !
طب تعالي هوصلك بالتاكسي
في الطريق قالتلي انها قعدت كام يوم عند واحده صاحبتها
وبعدها امها وجوز أمها راحوا لها واعتذر ليها على اللي عمله 
ووعدها انه مش هيزعلها تاني
ولولا ان امها كانت هتوطي على رجلها تبوسها عشان ترجع 
للبيت ولأخواتها مكنتش رجعت
فريدة كانت مثال للنت الجدعه الطيبة 
شيالة الهموم روحها جميلة وجدعه
بتساعد امها واخواتها ومضحية بنفسها عشانهم
مع الوقت بقيت بوصلها الشغل