أحمد وحور

رواية حياتي الحلقة الأولى
حور الحمد لله على سلامتك يا احمد
انت عامل ايه!
احمد حور احنا لازم نتطلق
بصيتله والابتسامة اللى على وشي اختفت وظهرت نظرة باردة فيها دمعة مكتومة وبنبرة هادية عكس كل اللى جوايا رديت
حور تمام يا احمد اللى تشوفه
وسيبته ومشيت قبل ما اضطر اجاوب على الأسئلة اللى باينة في عيونه
يمكن لو كان قالي الكلمة دي من شهر قبل سفره

كنت عيطت واترجيته زي كل مرة انه يكمل معايا حتى لو مش زوج بس كنت مكتفية بوجوده بأي شكل وخلاص
بس بعد سفره وانه محاولش حتى يكلمني ولا يسأل عني اتأكدت انه مش هينفع اقاوح اكتر من كدا في علاقة مية المية مش هتكمل
دخلت غرفتي وانا جوايا بركان من المشاعر عاوزة اعيط واصړخ واهد الدنيا
اعيط على كل حاجة على امي و ابويا وعلى حب عمري وكل حاجة
بس الوقت ده مش وقت دموع
انا لازم افكر انا هرتب حياتي ازاي بعد الطلاق وازاي هوصل الفكرة لعمي ومراته
شوية والباب خبط
حور مين
هدى انا هدى يا حور
حور ثواني يا هدى هفتح اهو
قومت غسلت وشي بسرعة وببللت الاسدال ماية عشان متشكش اني كنت بعيط اكنها ماء الوضوء
حور ازيك يا دودو
هدى الله يسلمك يا قلبي ماما وبابا عاوزينك مبيعرفوش يقعدوا من غيرك يا ستي
ابتسمت ومن غيرك كمان يا دودو
حور انا هنزل معاكي اهو
هدى ماشي
حور ازيك يا بابا
ازيك يا ماما
فاطمة ازيك يا قلب ماما تعالي يا حور
ياسر شكله من لاقى احبابه نسى اصحابه يا ست حور
حور لاء والله يا بابا دا انا ماليش غيركم والله
فاطمة الواد احمد ابني اخدك مننا باين
بصيت في الارض وداريت الدمعة اللى كانت هتنزل
ياسر ما خلاص بقا حاجة متكسفيش البنت
اتصنعت الضحكة واتكلمت
حور لو سمحت يا بابا ممكن اطلب منك طلب
ياسر اكيد يا روح بابا خير
حور انا عاوزة اشتغل في شركة بابا محمود
ياسر يا الف نهار ابيض يا حبيبتي اكيد طبعا المصنع بتاعك ومالك يا ما كان نفسي تدريه بس محبتش اغصب عليكي
لو عاوزة تمسكي الادارة من بكرة معنديش مشكلة
حور لاء يا بابا انا عاوزة اتعلم وانت تبقى معايا
ياسر اكيد يا حبيبتي انا معاكي
خلاص هوديكي لمدير الادارة الباشمهندس اسر محمد ابن واحد صاحبي وانا ممسكه الادارة هناك
حور تمام يا بابا ان شاء الله
___الباب خبط
فاطمة تعالى يا احمد ادخل
احمد حور هنا
فاطمة اومال يا بني هتروح فين قاعدة معانا جوة اهي
خلاص يا حور احمد معاكي اهو وتمسكوا الشركة والمصنع سوا
حور لاء يا ماما احمد هيسافر
ياسر هيسافر امتى
فاطمة هتسافر امتي يا احمد
احمد بص لحور بعدم فهم مش عارف سفر ايه اللى بتتكلم عنه هو مش مقرر يسافر دلوقتي اصلا
حور بصتله بصة فهم منها انه مطلوب منه يسكت
وكملت احمد راجع امريكا يا ماما!
يتبع.
احمد راجع امريكا يا ماما!
هنا الكل اټصدم حتى احمد نفسه