أحمد وحور
اټصدم
فاطمة ليه يا حبيبي عاوز تسافر تاني ليه وهتسيب مراتك
حور اتدخلت قبل ما احمد يتكلم
انا اللى مش حابة اسافر ياماما واسيبكم احمد عرض عليا وانا مش حابة امشي وانتي عارفة ان شركته هناك ومش هيعرف يصفيها دلوقتي زي ما وعدكم لان الشغل هناك احسن من هنا وحاليا الدنيا هنا مش احسن حاجه
هو هيسافر مؤقتا لحد لما ربنا ييسر ويقدر ينقل شغله هنا وانا معاكم
حور معلش يا بابا ده كان قرار صعب عليه وانا قولتله اني انا اللى هكلمكم وهقولكم
فاطمة ليه كدا يا بني احنا قصرنا معاك
حور مش القصد يا ماما انا شرحتلك الموقف احمد لو فضل هنا هنخسر كتير
بصيتله وكملت كلامها قصدي الشغل يعني
ياسر خلاص يا حبايبي الاصلح ليكوا اعملوه
فاطمة انت هتسيبه يسافر
ياسر خليه يشوف مصلحته يا فاطمة
احمد ايه اللى انتي قولتيه تحت ده
حور بلامبالاة قولت ايه!
احمد حور انتي هتستهبلي
حور فيه ايه!
احمد سفر امريكا ايه حد قالك اني هسافر
حور عندك حل تاني
اأحمد..
حور بنرفزة رد عندك الجراءة تقول لبابا في عز تعبه ده اننا هنطلق!
لو هتعرف انزل قولهم يلا مستني ايه
ورينا جدعنتك يلا
احمد
حور سكت ليه عشان مفيش حل تاني عندك صح
بص يا احمد اللى عندي هقولهولك وانت حر
انت هتطلقني شفهي هنا وهتمشي وكمان فترة تبعتلي ورقة طلاقي من هناك
يكون بابا بقى كويس اقدر اصارحه باللي بينا
غير كدا انت حر
سيبته وفي عيونه نظرة حيرة مش مفهومة ودخلت غرفتي وانا قلبي هيتخلع من مكانه من كتر العصبية والڠضب اللى جوايا
فات كام يوم مفيش ما بينا كلام
عارف لما تدي طاقتك وحبك واهتمامك وقلبك وروحك وعمرك كله لشخص وهو ميقدرش ده احساس بش. ع انك متحبتش
انا مش زعلانة من احمد هو مالوش ذنب هو محبنيش والحب مش بالعافية
مالوش ذنب ان اهلي ماتوا من 10 سنين ماتوا على ايدي في الحاډثة
مالوش ذنب اني فضلت جبانة وبخاف وتعبانة نفسيا ولا ليه ذنب اني اتفرضت عليه لما عشت مع عمي ومراته في بيتهم وحبيته
انا مش زعلانة منه انا زعلانة على نفسي
صليت وقعدت على السجادة ومسكت المصحف فتحته صدفة قابلت الاية دي
ان يعلم الله في قلوبكم خير يؤتكم خيرا مما اخذ منكم
بكيت بكيت اوي بحړقة خرجت كل تعب السنتين اللى فاتوا جوايا فضلت اصړخ لربنا من الالم اللى جوايا يارب عوضني
عوضني عن
