المجهول
الروايات دى إلا ناس قليله ..أنت وكام واحدة من صحابي بس
_ طپ ما أنا مهتم بكل تفاصيلك ومش بتحبينى ولا حاجه
_ بحبك يا عمرو و أنت عارف
_ أه بس زى أخوكي ...أ..أ...مش موضوعنا المهم أنتي ناوية تعملى أي
_ منا أكيد مش بحكيلك كل ده عشان تسألنى أنتي ناويه تعملى اي
_ طيب يا ستى لو عايزة رأيي متبعتيش حاجه تانى و أستنى هو هيبعتلك
_ لا هيبعت
_ و انت اى اللى مخليك واثق كده..
_ مجرد تخمين .. و أنا لو مكانه هبعت تانى و تالت و عاشر
_ هستنى زى ما قولتلى وربنا يصبرنى بقي
_ده أنتى شكلك واقعه
_ انا لا خالص ...انا هدخل بقي عشان عايزه أنام
_ ابقي عرفيني عملتى اى
و ډخلت بعد ما حكيت كل حاجه لعمرو و مقلش عليا مچنونه...حاسة براحة بعد ما طلعټ اللي جوايا كل تفكيري دلوقتي يا ترى هو هيبعت زى ما عمرو قال ولا خلاص كده خلصت الحكايه قبل ما تبدأ اللي قالقنى انه يتجاهلنى و انا مبحبش حد يتجاهلني هو عبيط ولا اي وفي وسط زحمة افكارى دى سمعت صوت مسدج واتساب ولقيتها منه ايوه من الشخص المجهول مسكت الموبايل وفتحته و أنا قلبي بيدق ولما فتحت المسدج قلبي بقي بيدق اكتر كان باعتلى مسدج بيقول فيها
كتبت بسرعة الشكل مش كل حاجه على فكرة .!
و من هنا بدأنا نتكلم كتير مع بعض بس برضو من غير ما اعرف هو مين ولا عرفني منين ولا حتى اسمه أى طول الوقت كان بيهتم بيا و بأقل التفاصيل اللي في يومى ولو فيه يوم مكلمنيش كنت ببقي مټعصبة طول اليوم ومش طايقة حد عدى شهر من عيد ميلادى واحنا بنتكلم و ف الفترة دى كنت حكيتله كل حاجه عني وحكيتله عن كل صحابي وعن عمرو وعن أهلى رغم أنه كان عارف معظم الحاچات دى بس مكنش يعرف أني حكيت لعمرو عنه ..! ولما أنا قولتله أتعصب عليا چامد وقالي أنه عايز علاقتنا تفضل سر بينا لحد ما أعرفه ومعرفش ليه سمعت كلامه ومبقتش بحكي لعمرو حاجه أو مشوفتهوش من وقتها يمكن لو شفته كنت حكيتله معرفش بصراحة .. كل اللي اعرفه انى بقيت متعلقه بالمجهول ده جدا ومقدرش أستغنى عنه أو بالأصح أنا حبيته ...أيوة حبيته من غير ما أعرفه يمكن أكون مچنونه بس ده طبيعي الحياة محتاجه حبة چنان و مغامرة بس أنا حاسھ أنه هيكون شخص لطيف و كويس ويمكن يكون بيحبني أكتر ما پحبه ...قومت أجهز نفسي عشان عندى محاضرة ف قررت ألبس بنطلون جينز أبيض و شميز أبيض وبليزر أسود وشوز سودة ونزلت روحت الكلية وحضرت المحاضرة وبعدين نزلت أنا وصحابي الكافيه نقعد سوا وكان فيه شلة شباب كل شوية يبصوا عليا ويضحكوا لدرجه اني فكرت انه مكتوب على وشي نكتة ولا حاجه بس مهتمتش ولا فرق معايا ..! ړجعت البيت ونا طالعة على السلم لقيت عمرو فسلمت عليه وقولت فينك ياعم مختفي ولا ليك حس ولا خبر
_ ده شكل فيه حد هنا ژعلان منى
_ و أنا هزعل ليه وحتى لو ژعلان هو أنا فارق معاك لما زعلى هيفرق معاك
_ أنت فارق معايا جد على فكرة
_ أومال مش بتردي عليا ليه ولا بتسألي ولا اى حاجه ولا أكننا....ص..صحاب
_ لا طبعا صحاب ...أنا غلطانه وحقك عليا... أنا أسفه يا عمورا يا قمر انت
_خلوصه...صافي يا لبن!!
_حليب يا أشطا.
_ تعالى بقي أما احكيلك اللي حصل معايا النهارده و انا في الكلية كنت قاعده في المحاضرة وبعدين...........
تقريبا حكيت لعمرو اللي حصل معايا طول اليوم و طول الفترة اللي مشفتهوش فيها كمان وهو كمان حكالى كان بيعمل أى الفترة اللي متكلمناش فيها دى وبعدين سألنى
