كتكوتى
فا فاكره ده حاجه وحشه لكن صدقيني اسعد لحظاتي واحنا بنتناقر سوا
انا كمان بحب اټخانق معاك
زين ضحك الاه
ايوا بحب لما تخاف عليا وتتعصب كده ولما لحقتني من الكلاب كنت مبسوطه جدا اني لاقيتك جمبي
امم واما نزلتي من ورايا
مكنش قصدي وبعدين مش انت قولت مش هنتكلم فالموضوع ده خلاص.
عارف انوه مش قصدك عشان سكت لكن قولت مش هنتكلم دلوقتي مش قولت مش هنتكلم خالص.
كان لازم اطبطب عليكي الاول.
انا بحبك اوي يا زين
اللهم صلي على النبي ده زين عايز يخطفك لي لوحده
دلوقتي احنا لازم نتجوز حالا بالا
ممم انا موافقه اسأل خالتو بقي
ماما! دي هتقفلي فيها وخليها تتفركش
براحتها بقي خالتو براحتها يا زين
صح صح هي براحتها وانا براحتي
اية بتقرب ليه
لا خلاص والله
ايوه نعقل كده وتوافقي
قرب تاني بسرعه ولا اعمل فضيحه
ليلي بتراجع لا لا
يعني موافقه
موافقه جدا
لا مش موافقه طبها لا يعني اية هبات من غير خالتو!
يابنتي احنا لسه جاين من فرحنا مش واكل معاكي اننا اتجوزنا ولا اي يلهوي عليا
زين ! انا عايزه خالتو !
يابنتي احنا لسه جاين من فرحنا مش واكل معاكي اننا اتجوزنا
انا عايزه خالتو
تعالي يا ليلي الله يهديكي
خاېفه ابات هنا
هتتعودي وبعدين انا معاكي هفضل جمبك لحد ما تنامي حلو كده!
طيب اطلع بره بقي عشان اغير
طب ما تخليني
بره يا زين!
كتكوتي زين ! زييييين
فتح عينه بخضه بسم الله الرحمن الرحيم في اية!
بصلها وركز فملامحها وشعرها الى فردته هوا اية القمر ده !
يا زين انت خضتني اية نيمك كده عالكنبه افتكرتك اغم عليك
ضحك اغم عليا اية بس انتي خيالك هيموتني
هو انا طولت لدرجه انك تنام!
تعالي بس لما نشوف القمر ده
شكلي حلو!
اجمل ما رأت عيني
ليلي اتكسفت و زين ابتسملها وباس خدودها تيجي ناكل
تؤ عايزه انام انا تعبانه اوي ودماغي مصدعه من الفرح
راحت عند السرير وبصتله فا رد عليها وغمز هاجي جمبك دلوقتي بقيتي مراتي خلاص بس استني اقفل الشباك ده
ليلي ابتسمت وفضلت مراقبه بعيونها وبعدين نام جمبها
كده بقيت كتكوتي خلاص
اها يلا مش هتعدي الشتا لوحدك اهو
حتي لو مكناش اتجوزنا مكنتش هبقي لوحدي كنت هتبقي معايا
اية دا اية دا الكلام الحلو ده
طب براحه علي قلبي انا عشان هينهار والله
ماشي يا كتكوتي
كتكوتي كمان ومش همسك نفسي تعالي فحضني تعالي
ليلي رفعت راسها وبصتله بنظره كانها بتتأكد من الى سمعته فا فتح دراعه ليها وهي قربت براحه وسندت راسها على صدره و وقتها حست بقمه الامان والسلام.
مسك ايدها وفضل يطبطب على راسها ويلعب فشعرها
كنت بتمني اللحظه دي من بدري وكنت خاېف اوي ربنا ميكتبليش اكمل حياتي معاكي
انا بحبك جدا يا زين انا معرفش من غيرك كنت عملت اية من ساعه ما بابا و ماما ماټو وانا لوحدي ومعنديش غيرك
زين حضنها بقوة وباسها بحب وانا هفضل جمبك وعمري ما هبعد ابدا ولا حتي هزعلك لاني مقدرش.
شكرا انك موجود
متقوليش كده انا لو مش موجود عشانك هبقي موجود ليه وعشان مين اصلا
ليلي غمضت عيونها وهوا ضمھا بحب
تصبحي على حاجه جميلة شبهك.
تاني يوم الصبح
هو اټجنن في مخه ولا ايه !!!!
زين في ايه!
طب سلام انا جي
قفلت الموبايل وبصتلها وانا بحاول اهدي انا اسف مكنش قصدي اصحيكي
بتزعق مع مين الصبح كدا!
ماما بتقولي ان عمك عاوز ياخد الشقه بتاعتك الى فالبلد
قال اية اتجوزتي خلاص وهيخدها لابنه!
غمضت عينيها پألم خليه يخدها
ياخد اية دي حقك بتاعت ابوكي الله يرحمه
اعمل اية انا مش عايزه مشاكل يا زين
وانا مش هسيبك تتنازلي عن حقك انا موجود ومحدش يقدر يدايقك ولا يدخلك فمشاكل
طيب ممكن تهدي
انا هادي والله لولا
