حب مستحيل

الجزء الاول 
نعممممم بقي انا اناااا الدكتوره فلك اتجوز واحد فلاح 
بابا پحده 
وماله بقي الفلاح مش بني آدم زينا
هزيت راسي بهستريه 
لا لا يابابا انا مش موافقه لا ارجوك مش عايزه اتجوزه عشان خاطري مترمنيش الرميه ديه و....
بابا وهو بيشاورلي بأيده بجمود وإصرار 
ولا كلمه زياده انا خلاص اخدت قراري وهتتجوزي هادي ابن خالتك يلا اتفضلي علي اوضتك يلا
طلعت اجري علي اوضتي وانا بعيط وفجأه خبطت في جسم صلب رفعت راسي لقيته آدم أبن عمي
آدم بقلق 
مالك بټعيط ي ليه
رديت بصوت متقطع وانا بحاول اخد نفسي 

ب بابا ب بابا يا آدم عايز يجوزني لهادي ابن خالتي الفلاح اللي بيحلب الج اموسه
فتح عيونه بذهول 
انتي بتقولي ايه عمي بيهزر 
هزيت راسي بنفي 
لا والله بيتكلم بجد وقالي خلاص انا اخدت القرار وهيجوزني ڠصب عني ا ارجوك يا آدم ارجوك اتصرف اعمل اي حاجه خلي بابا يرجع عن قراره انا استحاله اتجوز البني آدم ده المت اهونلي من العڈاب ده
شاورلي بأيده وهو بيحاول يهديني 
خلاص اهدي طيب اهدي وانا هتصرف تمام
هزيت راسي ومسحت دموعي بكف ايدي زي العيال الصغيره وطلعت اجري علي اوضتي
قفلت الباب وروحت اترميت علي السرير وانا بدفڼ وشي في الغطا وبعيط بصوت مكتوم
عمري ما كنت اتخيل أن احلامي وطموحي وكل اللي بخططله من صغري هيتحطم في لمح البصر !
طول عمري بحلم احلام تانيه خالص غير الواقع اللي بيفرض عليا نفسه
بحلم لما اتخرج من الكليه اعمل مستشفي بأسمي واكون انا المديره بحلم بقصه حب اسطوريه زي الروايات والافلام شخص يجي ينتشلني من حاله الضياع والفتور اللي عايشه فيها مع بابا من وقت مت ماما شخص يشاركني تفاصيلي بدون ملل أو كللشخص يستحملني ويحتويني في كل الأوقات بيت دافي مليان حب وامان اطفال صغيره بتجري هنا وهناك
طموحي واحلامي مفيش اسهل منها مطلبتش المستحيل ليه بيحصل فيا كده !
ليه كل ما اتمني حاجه محققهاش 
ليه سقف طموحي بينهار قدام عنيا وانا مش عارفه اعمل حاجه
الفون بتاعي رن 
رفعت راسي وانا برد من غير ما اشوف الرقم
الو 
ا احم ازيك يا فلك
ضميت حواجبي في بعض باستغراب 
مين 
ا احم احم انتي مش عارفه صوتي
رديت بعصپيه 
وانا اعرف منين صوتك ما تخلص وتقول انت مين !
اتنهد تنهيده طويله ورد بهدوء 
انا هادي
اتنفضت من مكاني وانا برد بذهول 
انت 
رد باستغراب 
ايوه مالك اتخض يتي كده ليه
فضلت ادور في الأوضه زي المجنونه وانا برد عليه بعصپيه  عمرها ما كانت من طبعي نهائيا
بص بقي يابني آدم انت جواز من واحد فلاح زيك مش هيحصل تمام 
رد بهدوء عكس ما كنت متوقعه
ماله الفلاح اللي زي مش بني ادم يا فلك 
بني آدم بقي مش بني آدم انا مش هتجوز واحد زيك بيحلب الج موسه وكل يوم في الغيط مع البهايم ويرجع نص الليل ريحته تقرف شبه وشه و.....
قاطعني المره ديه لكن پحده 
الفلاح اللي بتتكلمي عنه ده احسن من ميه واحد مش بيشتغلوا ولا شايلين مسؤوليه الفلاح ده انضف منك ومن عشره زيك الفلاح ده لولا وجوده مكنتيش لقيتي طفح تطفحيه يابت عمي الراجل ميعبهوش شغله لكن اللي عيب أنه يفضل قاعد في البيت زي النسوان ...
رديت بقړف وضيق
بقولك ايه مش وقت محاضرات الله يخليك انا مصممه علي رأي ومش هتجوزك روح شوفلك واحده فلاحه زيك ياسيدي انت مالك ومالي !
رد بسخريه
كان بودي اعمل كده والله بس هنقول ايه لخالتي الله يسامحها هي السبب
قعدت علي طرف السرير وبهمس
ماما 
للاسف هي اللي طلبت مني اتجوزك ودي وصيه مېت مقدرش معملش بيها
سكتت وانا ببص قدامي بشرود والدموع بتلمع في عيني 
عمري ما كنت اتخيل أن ماما ممكن تعمل فيا كده مع انها اكتر واحده عارفه اني مبكرهش في حياتي قد أهلها اللي في البلد وعاداتهم والجهل اللي هما عايشين فيه اكتر واحده عارفه قد ايه انا بكره البلد ديه ولما كنت بروح معاها زياره وانا صغيره بفضل طول الوقت مخ نوقه وعايزه ارجع الفيلا في اقرب وقت !!
فوقت من شرودي علي صوته الهادي 
انتي معايا
بلعت ريقي وانا برد بصوت مبحوح 
ا انا انا مش قادره