ام نضاره
_هو اي اللي لي يبني !انت عريس روح اركب
_ماشي لما نشوف اخرتها
جه ركب جنبي وانا مكسوفه شويه ...فضل طول الطريق مبيتكلمش قطع سكوتنا صوت ياسين
_علي كده يا ايمان كليتك حلوه
_يعني كويسه
_يعني مرتاحه فيها
_اها ..انا بحب القراءه عشان كده اختارت اداب لغه عربيه
_بس العربي صعب اووي
_هو متعب شويه بس بحبه جدا
_ربنا يوفقك
_وانت كمان
وصلنا البيت و دخلت الشقه ..كانت مريحه جيت فيها لما كنت صغيره وهي خالتي عايشه بس لما ماټت مجتش غير مره واحده واحنا بنجيب اياد و ياسين يقعدوا معانا بدل ما يقعدوا لوحدهم ..خرجت من شرودي علي صوت ياسين
_ايمااان ...ايمااااان
_هه بتقول حاجه يا ياسين
_اسفه ما اخدتش بالي بتقول اي
_بقولك ادخلي اوضتك لحد ما اجبلكم الاكل ...اياد دخل
_لا استني انا هعمله
_لا خليكي النهارده كده كده الايام جايه كتير ..ادخلي انتي ورا جوزك بس
_م ماشي
دخلت الاوضه ورا ..هو مش المفروض ندخل مع بعض !ولا ده في الروايات اللي بقراها بس ..
دخلت لقيته واقف و باصص من الشباك
_ادخلي الحمام غيري هدومك لحد ما ياسين يجيب الاكل
اخيرا سمعت صوته !فعلا خدت هدومي وانا متوتره جدا و خدت شور و طلعت لبست العبايه و خمار عشان ياسين هيجيب الاكل ...طلعت وانا متوتره لبست نضارتي و طلعت قعدت كان اياد واقف وبيبصلي و بعدها بعد راسه و طلع فتح الباب ل ياسين و خد الاكل و قفل الباب بعدها .
كنت مستغربه من طريقته ..هو اها احنا مش متجوزين عن حب بس علي الاقل يكون طريقته حلوه شويه و خصوصا أن إحنا أول يوم جوزنا !!!
_انت مش هتاكل!
_لا انا عندي شغل ..اقعدي انتي وانا هطلع اعمل شغل بره
_شغل !اوكي
طلع وانا بعدت الصينيه و فضلت قاعده !هو المفروض انا اعمل اي دلوقتي !..هو ازاي طلع و سابني هو في اي ..يمكن مش واخد عليا ..عشان كده
إيمان كنت قاعده في الاوضه مستنيه و مش عارفه اعمل اي ...بعد شويه لقيت نفسي نمت
في نص الليل ياسين كان طالع لقي اياد نائم علي الكنبه قرب منه وهو مستغرب جدا
_اياد اياد اياااد
_انت نايم كده لي يا عم
_هه مفيش حاجه
_انت سايب مراتك و نايم هنا لي
_لا مفيش يا اخي ..راحت عليا نومه
_طيب ادخل يا اخويا ادخل
دخل اياد و لقي ايمان نايمه علي الكنبه ..بص عليها و اتنهد وراح وراح قرب منها و شالها و حطها علي السرير ...و دخل خد شور و رجع نام علي الكنبه اللي في الاوضه
تاني يوم ايمان قامت و فتحت عينيها و بصت حواليها وهي مستغربه اي جابها هنا
_اي ده انا اي جبني هنا ..اها اها افتكرت بس انا كنت نايمه علي الكنبه مش السرير ..
سمعت صوت اياد بيتكلم بسخريه
_اي بتكلمي نفسك يا ام نضاره
_ام نضاره !لا انا كنت بس عايزه اعرف مين وداني علي السرير
_انتي مبتحسيش بنفسك ولا اي
_هو اي الحصل
كتم ضحكته _متعرفيش انك اتحركتي من الكنبه ل سرير لوحدك
_انا !!!
_اها انتي و بتتكلمي وانتي نايمه كمان
_انا
_اها انتي مالك مستغربه كده لي
_اول مره اعرف .ماما عمرها ما قالتلي كده
_اكيد خالتي كانت بتضحك عليكي .انتي صوتك كان جايب بيتكم يا ام نضاره
_اي ام نضاره دي !
_مش انتي بتلبسي نضاره
_اها
_تبقي ام نضاره
_اسمي ايمان علي فكره
_لا من النهارده اسمك ام نضاره
_انت مستفز لي
_وانتي لسانك طويل لي
_اذا كان عجبك
_لا مش عاجبني
_طالما مش عجبك اتجوزتني لي
_اوعي تكوني مفكره اني عشان بحبك أو هحبك مستحيل انسي يا ماما ...انا اتجوزتك عشان خاطر تيتا مش عشانك ..شوفي نفسك في المرايا
رديت ببرود عكس الي جوايا و رسمت ابتسامه مستفزه من غير ما اشوف نفسي في المرايا عارفه اني قمر
_هه بنضارتك دي
_بنضارتي القمر دي
_اجري يا شاطره شوفي انتي هتعملي اي
_هعمل اي يعني هذاكر
_ابقي قابليني لو نفعتي
سابني و خرج وانا قعدت مصدومه ..طيب ازاي تيتا قالت إنه
