التقينا

_انسه اسماء
_نعم يا استاذ أحمد
_المدير عايزك انتي عملتيله اي
_معملتلوش حاجه لي
_مش عارف شكله متعصب اوي
_طيب ربنا يستر انا داخله عنده اهو
بمرح_اجبلك عيش و حلاوه طيب
_لي هو انا داخله سجن يا احمد
_اكتر والله يلا ادخلي ادخلي
Eman Saleh.
دخلت عنده وانا إبان قويه بس والله من جوايا ابغي اعيط
_حضرتك طلبتني يا افندم
_ايوه اقدر اعرف الورق ده مخلصش لي
_ما حضرتك خلصان اهو
زعق _فين ده الورق ده ناقص
بصيت فيه وانا خاېفه _ح حاضر يا افندم هكمله اي خدمه تانيه
_لا ومش عايز غلطه تاني بعد النهارده ياريت نفهم
_حاضر يا افندم
Eman Saleh

خدته من أيده و طلعت بره قعدت علي اقرب كرسي و عيطت كل مره يزعقلي وبسكت لي يعمل كده هو انا عملتله اي ده حتي دايما كان بيقولي انتي زي بنتي و كان دايما بيدعمني
_اسماء فيه اي هو زعقلك تاني
مسحت دموعي _لا ابدا
_اومال كان متعصب لي ولي دموعك دي
_لا مفيش دموع ولا حاجه انا هكمل الورق لانه ناقص
_اسماء استني انا ممكن ادخله و
_هتقولوا اي يعني يا احمد ده غلطي انا انا هروح اكمله
سيبته و دخلت المكتب و بدأت اعيد في الورق تاني من جديد وخد وقت شويه بس الحقيقه انا فاكره كويس أن مفيش ورق ناقص ولا حاجه انا كنت مكملاه !
خرجت و سلمتله الورق وهو خدوا مني باقتضاب ومشيت طلعت بره ونزلت لان اليوم كان خلص كنت خارجه من البوابه فلقيت اكتر انسان بارد في الكون
_اسماء انا كنت مستنيكي
_حضرتك كنت مستنيني لي
_انتي عارفه يا اسماء انا مستنيكي لي برضه مش موافقه اننا نكون اصحاب
_تاني قولت لحضرتك يا استاذ سامر أني مبصاحبش حضرتك لي مش فاهم ده
_انتي تطولي اصلا انتي فاكره نفسك مين
_انا عارفه نفسي كويس انا مين مش مستنيه حضرتك تكلمني
_انتي ولا حاجه انا اصلا مش عارف انا واقف بتكلم مع اشكالك لي
_فعلا والله انا بقول لحضرتك من بدري متقفش معايا تاني
مسك دراعي بعصبيه _انتي ازاي تتكلمي معايا كده انتي مين اصلا
_انا واحده شغاله في شركه والد حضرتك ممكن تبعد ايدك عني
_لا مش هبعد
_ممكن تشيل ايدك دي
Eman Saleh
في ثانيه لقيت احمد قدامي شد دراعه وبصله
_محدش علمك قبل كده متمدش ايدك علي حاجه متخصكش
بسخريه _لا ..وهي تخص مين بقي تخصك انت
_تخصني وملكش دعوه بيها تاني ممكن
_لا مش ممكن انت اصلا واقف تتكلم معايا لي
_عشان لقيت حضرتك بتضايقها وعلي فكره انا اتكلمت المره دي بالذوق لكن
_لكن اي
_المره الجايه انا اسف مش هتكلم بذوق
_طيب وريني انت هتعمل اي
مسك ايدي و هو ماشي خليها مفاجاه
شديت أيده و مشيت جنبه شويه وبعدها وقف وانا وقفت قصاده
_انا متشكر جدا ليك يا احمد انا مش عارفه من غيرك كنت عملت اي
_مفيش شكر يا اسماء بس هو اول مره يضايقك
هزيت راسي ب لا