الحب للحبيب
عشان أنت اتأخرت عليهم
طلعنا ووقفت جمب الجروب وهو واقف قدامنا بيقولنا نعمل ايه حسيت بإحساس غريب ناحيته إحساس مختلف أول مرة احسه كنت مبسوطة وأنا شيفاه
رنا انت عملتي ايه عنده
ضحكت يخربيت فضولك
اخلصي
مفيش كنت اتحايلت عليه عشان يشرحلي من تاني والحمدلله طلع طيب
طيب! انت مشوفتيهوش وهو بيزعق لسه لأحمد
مهو أحمد مستفز يا سلمى يستاهل
عندك حق الصراحة
ضحكت وبصتله واليوم خلص أخيرا كان لذيذ أوي بوجوده
كنت بحضر حاجتي عشان أمشي
يلا يا رنا خلصتي
اه يا يوسف أنت هتروح
بصلي شوية وسكت
ااااه أنا نسيت يلهوي حاضر حاضر هناكل ايه
ضحك تعالي يلا معايا
قولتله بصوت واطي هما بيبصولنا ليه كده
ضحك عندهم فضول يعرفوا انت مين
أنا! اشمعنا
بصلي وابتسم عشان ماشية معايا يا رنا
بصتله بتريقة مغلطتش اما قولت كلهم مغرورين تصدق
ضحكنا وركبنا العربية وصلنا على الكورنيش قدام البحر طلبنا ساندوتشات شاورما واتحايلت عليه ادفع الحساب وموافقش برضو
قولت وأنا باكل هو أنا مش قولت هعزمك دفعت ليه أنت بقى
ضحك عيب والله اخليكي تدفعي في أول خروجة لينا
أنت كنت مسافر وسايب مامتك ليه كل ده
كنت مسافر عشان تشوفي يوسف اللي انت شيفاه ده دلوقتي وماما كانت أول داعم ليا في السفر
ضحكسمسم! بتدلعيها كمان
طبعا دي أول زبونة ليا في المحل
ضحكت جامد استنى احكيلك موقف كنت أول مره انزل المحل ومتلغبطة ومش عارفة حاجة جت هي في يوم تشتري مني كنت أعده بعيط عشان زبونة زعقتلي ف راحت اتخانقت مع الست وفضلت معايا طول اليوم هي اللي تبيع
ضحك بجد أول مرة أعرف مع إنها مبتخبيش عني حاجة
ربنا يخليهالك يارب
يارب
خلصنا وروحني طلعت غيرت هدومي ونزلت أقعد في المحل مكان بابا..
قعدت وكنت مستنية اشوفه تاني
كنت سرحانة في اليوم ابتسمت وفوقت على صوت قدرت اميزه
مساء الخير في تونة ولا خلصانة
ضحكت وقومت وقفت خلصانة
ضحكتعايز ايه
جاي اونسك أنا غلطان
ضحكت لا اتفضل
قعد وجبتله بيبسي وجبت ليا شيبسي وفتحت وكلت
عايزة انجح بقى زهقت
متقلقيش هانت اهي
يارب بس الدكتور ميرخمش علينا ويدينا الدرجات كاملة
أنا هكلمه
بصتله بفرحة شكرا يا يوسف
سمسم بتقولك ابقي تعالي صحيح
ماشي قولها هتبقى تعدي عليك
قام وقف يلا هروح أنا هعدي عليك الصبح نروح سوا
لا متتعبش نفسك هروح مع صحبتي.
متأكده
ابتسمتايوه متقلقش.
ابتسمماشي تصبحي على خير
وانت من اهله
فضلت باصه عليه لغاية ما اختفى من قدام عيني كنت مبسوطة وفرحانة بشوية الوقت دول
نفخت وقولت بعصبية مش هتجوز خالص ماشي يلا تصبحوا على خير
دخلت نمت پغضب صحيت الصبح لقيت سلمى بتقول إنها مش جاية
نزلت واتمنيت إني كنت قولتله يستناني مشيت بحزن ولقيته واقف قدام العربية
ضحكت بفرحة وجريت
