حبيبتى الاولى والاخيره
وربنا مش كاتب ليكي كدا أمي أرجوكي أنا ما صدقت نور نسيت الموضوع وبقيت مرتاحه.
هو كله نور نور يا ابني خلاص طلقها انت مستوعب إنها مبتخلفش!
ضغط ع إيدي بعصبيه قولتلك قبل كدا الف مره مسمحش إن حد يهين نور وكرامتها من كرامتي وبعدين انا مش عايز غيرها تمام
بس دي ...
أمي أنا قولت اللي عندي وياريت الموضوع دا ميتفتحش تاني ولا قدام نور ولا من ورا نور.
براحتك ي يوسف...براحتك.
خبط ع الباب وبعدين دخلتلهم بالشاي اا..الشاي إتفضلي.
بصتلي من فوق لتحتشكرا مش عايزه انا ماشيه يا يوسف سلام.
إتنهد استني هنزل أوصلك
تسلم إيدك ي نوري علي الشاي معلش لما أجي أنا هبقي أشربه.
نزل وصلها وانا مقدرتش أمسك دموعي أكتر من كدا
في الأول كان عندي أمل إن يكون عندي طفل بس إستسلمت للحقيقه وهي إني مبخلفش وكتيير سمعت كلام يجرحني من مامت يوسف وانا كنت بسكت دايما لكن يوسف كان بياخد حقي قولت قبل كدا كتير إننا نطلق لكن هو مكنش عايز دا وكان متمسك بيا ودا شئ يفرحني لكن هو يستحق إن يكون أب انا...انا كنت فاكره إن الموضوع خلاص إتقفل لكن إن أسمع مامته دلوقتي من غير قصد وهي بتقوله جيباله عروسه....للدرجه دي هي پتكرهني!
فتح باب الشقهالسلام عليكم.
مسحت اثار دموعي بسرعه وعليكم السلام ورحمة الله وبركاته.
قطعته يوسف.
عيونه!
طلقني.
بصلي شويه وضحكحاضر ناكل بس وهطلقك جاامد أوي.
أنا مبهزرش.
إتنهدانت سمعتي ماما كانت بتقول ايه صح!
مش هيفرق يوسف انت من حقك يكون عندك طفل وتبقي مبسوط و...
بص لعيونيوتفتكري أنا هكون مبسوط وانت بعيده عني يا نور!
لفيت وشي الناحيه التانيه عشان متبانش دموعي ......
مش عارفه تجاوبي صح طيب هسأل سؤال تاني...إنت عيزاني ولا لاء
..................
لفيلي وشك و ردي عليا ي نور.
بصيت لعيونه وبدأت أبكي ..عع عيزاك.
شدني لحضنه وطبطب علياششش بس اهدي اهدي.....
بعدت عنه ومسحت دموعي انت مش هتتعذب ببساطه لإن هيكون عندك روح طفل في بيتك يلعب ويجري ويكبر قدامك أظن كدا مش هتكون محتاجني طلقني يا يوسف أرجوك.
علي صوتهأنا مش عاايز كل دا انا مش عايز غيرك.
دخلت الاوضه من غير ما أرد عليه أنا مش عايزه أبقي أنانيه ومش عايزه في الرايحه والجايه مامته تجرحني بكلام أنا استحملت كلام كتير كانت بتقوله لكن مش هقدر أستحمل أكتر من كدا ومش هقدر أظلم يوسف بالشكل دا أنا بحبه لكن...مينفعش والله!
خبط وفتح البابممكن أدخل لأميرتي الصغننه!
اممم عامله نفسك نايمه طب ولو قولتلك إن كارتون شركة المرعبين المحدوده شغال
.....
طيب ولو قولتلك كمان إن نيمو شغال
فضل ساعه شغال بيحاول إن انا أقوم بس ف الاخر
