زوجتى بقلم إسماعيل موسى

الشك ده بيلعب فى دماغى متأكد ان حياتى مش ممكن تتحرك بالشكل ده وانى لازم اقضى على الشك ده باى طريقه
غمضت عنيه وخدت نفس عميق ونفسى كمحيط هادر وفجأه طلعت قدامى فكره
قلت لمراتى وانا قاعد فى البلكونه هى عفاف دى صديقتى
قالت ايوه صديقتى! تعرفيها من زمان يعنى صداقه عميقه وقويه
ايوه جدا دى حبيبتى
وقلت وانا ببتسم بسخريه ايه رأيك تعزيمها على الغدا نفسى اتعرف عليها
مراتى اڼصدمت سكتت دقيقه وزى ما كنت متوقع قالت وماله ليه لا
هكلمها واشوف فاضيه امتى واعزمها
مشيت ناحيتها كلميها مستنيه ايه
مراتى اتصلت على عفاف مردتش عليها سابت التليفون وقالت تلاقيها مش فاضيه هتتصل عليه اول ما تشوف الرنه
ربع ساعه وتليفون مراتى رن كلمت عفاف وعزمتها على الغدا عندنا بكره
قالت بكره هتكون عندنا
اوك قوليلى على الطلبات إلى انتى محتاجاها هنزل هشتريها
بشرود مراتى كتبت لسته طويله واديتهاني
نزلت اشترى الحاجات دى انتظرت تقريبا نص ساعه واتصلت بمراتى من الشارع وكان تليفونها انتظار زى ما خمنت
طبعا بتتصل بالوغد التى بتخونى معاه وبتتفق هتعمل ايه
استنيت بكره بفروغ الصبر وصلت عفاف بعد الضهر
بنت رقيقه بسيطه نحيفه وقصيره عنيها واسعه وتحس انها أنيقه جدا ملامحها ملفته اووى وتجبرك تبص عليها اكتر من مره
متقدرش تقبض على ملامحها من مره واحده
ودخلت مع مراتى تساعدها فى المطبخ وكنت انا مستنى اى لحظه اختلى بيها واحاول اوجهلها شوية اسأله
لكن روزى مراتى كانت حريصه وكانت دايما لازقه فيها
ولقيتنى من غير ما احس بقارن بين مراتى وعفاف
عفاف كانت أرق واجمل من النوع الى بيعجبنى
خلصنا اكل وطلبت من مراتى تعملنا شاى وكنت عارف انى معايا دقايق قليله جدا مع عفاف
سألتها تعرفى روزى من زمان
فكرت عفاف وضيقت عنيها تفكر وقالت من زمان جدا روزى صديقتى الصدوقه
ضحكت تعرفى كل أسرارها يعنى
ابتسمت عفاف بخجل وقالت يعنى
قلت على كده انا ممكن استغلك واعرف روزى بتحب ايه وپتكره ايه
قالت اه ممكن
قلت بخبث من غير ما تعرف طبعا عايز اعملها مفاجأه
عفاف فهمت اقصد ايه ابتسمت قالت انا تهمنى سعادة روزى
اتفضل اسأل
قلت مش هينفع دلوقتى روزى هتعرف المفاجأه
عفاف ممممممم طيب هنعمل ايه
لو مفيش عندك مانع ممكن اقابلك بره او اكلمك فون
عفاف فضلت ساكته شويه وقالت مفيش مشكله
روزى دخلت انا غيرت الكلام لموضوع تانى سبتها قاعده مع عفاف شويه
عفاف قررت تمشى وانا انتهزت الفرصه هوصلك للشارع وواقفلك تاكسى
قالت مش لازم انا مش عيله صغيره هعرف انزل لوحدى
قلت مستحيل ولا ايه يا روزى
نزلت مع عفاف واتفقت انى اقابلها بعد يوم
رجعت الشقه كل إلى بخطط فيه ماشى تمام لكن كان فيه حاجه غريبه اتغيرت جوايا
كنت سعيد انى هشوف عفاف تانى لوحدى حاولت اقنع نفسى ان ده بسبب شكى ورغبتى فى كشف السرر
لكن حسيت انى بضحك على نفسي انا كنت عايز اشوف عفاف عشان اشوفها واتكلم معاها مش عشان حاجه تانيه
انتقيت ملابس أنيقه قبل مقابلتى عفاف وتأكدت انها لائقه بعد أن عدلتها قدام المرايه
وقلت لمراتى انا خارج وهتأخر شويه !! كلمنى قبل ما ترجع طيب عشان احضر الأكل
قلتلها حاضر !!
فى طريقى كلمت عفاف اتأكد انها نازله عشان المشوار ميطلعش على الفاضى
عفاف قالت إنها هتكون موجوه فى الميعاد بالضبط
قعدت فى المقهى شربت شاى مع سېجاره وانا منتظر عفاف ومفيش إفكار فى عقلى مش عارف الكلام هيمشى ازاى ولا يخدنى على فين
ووصلت عفاف وكانت جميله جدا فى هدوم بسيطه لكن شيك المعادله الصعبه على كل البنات
سلمت عليه وقعدت تشربى ايه سألتها عصير من فضلك !
اتفضل عايز تستفسر عن آيه! قالت وهى بتشرب العصير
روزى اكيد زى ما قولتلك عايز اعرف بتحب ايه پتكره ايه وكده
عفاف بصتلى بصه ضيقه معقول مش عارف مراتك بتحب ايه وپتكره ايه يغنى طول فترة الخطبه ملاحظتش حاجه!
قلت انتى عارفه احنا جواز صالونات ومخدناش وقت للتعارف اتجوزنا على طول
طيب بص يا سيدى روزى بتحب....... وفضلت تتكلم وانا سرحان معاها وفى ملامحها مستغرق جدا حتى ملاحظتش انها خلصت كلام
انت وحركت كف ايدها قدامى روحت فين
قلتلها اسف سرحت شويه لكن كنت معاكى
وانتى بتحبى ايه يا عفاف سكتت عفاف لحظه وضيقت حاجبها بتقيم سؤالى حاجات تافهه معتقدش هتعجبك
زى ايه
بصت عفاف فى عنيه وسألتنى ليه
قلت عادى