التحاليل

انت قولتيه كلامك ۏجع قلبي ما بالك بروح هتكون عامله ازاي روح اللي وافقت تتخطب ليا وانا مريض وبغسل كلى ومن قبل ما اعرفها وانت عارفه كدا كويس يا ماما روح اللي اتبرعت ليا بكليتها وفضلتني على نفسها روح اللي فضلت جنبي وفي ضهري وسبب سعادتي تجرحيها وتقوليلها كدا مش حرام كسرة نفسها وكلامك الچارح ليها دا بدل ما تشكريها على وقوفها جنبي وسهرها على راحتي وتدعيلنا بالحياة السعيدة وربنا يرزقنا بالذرية الصالحة لا تقرري من نفسك انك تجوزيني يا ماما
لو مسمعتش كلامي لا هتبقى ابني ولا اعرفك و مش هتشوف وشي تاني انا روحت طلبت بنت خالتك والناس مرحبه بس شرطهم انك تطلق روح وتيجي بيتها ملكه انا ليا حقوق عليك ومن حقي افرح بيك وبولادك مراتك مش نافعه يبقى تروح لحال سبيلها انا اصلا كنت مستحملاها
عشانك ابني الوحيد ومش عارفه اجوزه على مزاجي ولا اختار عروسته جه الوقت اللي افرح بيك فيه بكرا تقولي قرارك واعرف انك لو عصيت كلامي لا انت ابني ولا اعرفك
انا مش مصدق الكلام اللي بسمعه انا بجد مصډوم امي اللي المفروض تكون رؤوفه بيا وبحالي واحس بحنيتها عليا هي اللي عايزه توجعني وتكسرني وتبعدني عن مراتي الانسانه الوحيده اللي بحبها وكل دا عشان كشفت مره ولا مرتين والدكتوره قالت لها كلام فارغ احنا لسه صغيرين وربنا هيكرمنا وانا واثق في ربنا مش هطلق مراتي يا ماما
لو فضلت على زمتك تحرم عليا ليوم الدين
انا لله وانا اليه راجعون... اللهم أجرني في مصېبتي لا حول ولا قوة الا بالله حرام الكلام اللي بتقوليه دا يا أمي اهدي يا حبيبتي انا مش عايزك تزعلي مني تعالي نراضي روح ولا كأن حاجه حصلت
أراضي مين! انا قولت اللي عندي بكرا عايزه اسمع قرارك عشان نروح نخطبلك
.........
_____
ممكن تفتحيلي الباب يا روح
......
بالله عليك ردي عليا يا حبيبتي متوجعيش قلبي
......
لو مردتيش عليا يا روح انا اللي همشي من البيت دا واريحكم مني
فتحت روح الباب فرأى مروان عيونها المتورمه إثر بكائها هو لو حدث ما توعدت به والدة مروان سيتزوج غيرها ويعرف الحقيقة وهي عدم قدرته على الإنجاب لا تستطيع أن تمضي بدونه فهو لها كل شيء وهي راضية بقضاء الله وقدره لكنها تخشى كثيرا عليه لا تريد أن تراه حزينا وكل ما تتمناه أن تظل بجواره فقط
______
اليوم الثاني
استيقظت روح من النوم فلم تجد مروان لكن ترك لها ورقة مكتوب بداخلها روحي انا عارف تعبتي اوي امبارح فمردتش اصحيك من النوم وقولت اسيبك ترتاحي