التحاليل

ويلا قومي بسرعه بلاش كسل عشان انا محضرلك الفطار ومتتعبيش نفسك في عمايل الغدا لأن انا عازمك النهارده وهنتغدى برا اه افتكرت انا هاخد اجازه من الشغل والحياه كلها فجهزي شنطتي وشنتطك عشان هنروح نعمل عمره انا وانت بحبك يا روح.
قبلت روح الرساله وضمتها إليها وقامت مسرعه بكل نشاط وسعاده لتعد الشنط فكانت أسمى امنياتها أن ترى الكعبه وقبر حبيبنا وسيدنا محمد صلى الله عليه وسلم.
مروان حبيبي اخيرا رجعت من الشغل انا جهزت كل حاجه 
......
مروان بنادي عليك مش بترد ليه
......
مالك يا مروان ليه ساكت وشكلك متضايق
.....
مروان رد عليا في ايه انت كويس يا حبيبي 
.....
مروان انت جيت اخيرا كنت مستنياك على ڼار قولي قررت ايه 
.....
انا بكلمك يا ابني رد عليا
.....
مزعله ابني ليه يا روح
لا والله يا ماما انا ما زعلته هو جاي من الشغل متضايق وانت داخله وانا بكلمه وهو مش بيرد عليا
رد عليا وقولي قررت ايه يا مروان خالتك مستنيه ردي النهائي 
نظر مروان لروح موجها حديثه إليها وهو يتصنع الجمود انا هطلقك يا روح
روح بصدممه اا انت بتق انت بقول ايه يا مروان
ردت ام مروان قائله يا الف نهار مبروك ابني حبيبي اخيرا هيسمع كلامي وهيفرح قلبي 
روح پبكاء قول انك بتهزر انت مستحيل تعمل كدا وتبعد عني يا مروان ليه قررت كدا فجأه احنا كنا كويسين وراضيين بنصيبنا مش دا كان كلامك ليا ليه عايز تسيبني لوحدي يا حبيبي
ردت ام مروان قائله حرام عليك يا شيخه كفايه انانيه بقى كل تفكيرك في نفسك ابني من حقه يفرح ويشوف ولاده بيجروا حواليه اطلعي بقى من حياة ابني دا انا ما صدقت ربنا هداه ليا
كفايه بقى ظلم في روح يا ماما روح عمرها ما كانت انانيه ابنك هو الأناني ابنك ظلمها كتير معاه روح استحملت اھانتك ليها وكلامك اللي كسر قلبها عشان ايه كل دا يا ماما عشان متزعلنيش ولا تبعد عني روح دي احلى حاجه حصلتلي
انا مش فاهمه حاجه يا ابني ليه بتقول على نفسك اناني كل دا عشان هتتجوز
لأ يا ماما انا هطلق روح ومش هتجوز
فطنت روح للأمر وعلمت أن مروان قد كشف الحقيقه فقالت مسرعه بعد انا مسكت يده مروان حبيبي اهدى احنا مع بعض ومافيش اي حاجه هتفرقنا انا بحبك انت وبحبك زي ما انت ومش عايزه من الدنيا غيرك يا نور عيني بس بالله عليك اهدى ومتزعلش مني وسامحني خلي مشاكلنا بينا يا حبيبي انت معايا انا مش عايزه حاجه تاني من الدنيا
يا بجاحتك انت بتكلمي ابني كدا قدامي مشاكل ايه اللي بينكم دي هو انا غريبه